Apocalipsis 14:1 - Kaqchiquel Bible

¹ K'ari' xintz'et chik k'a chi ri Karne'l pa'el pa ruwi' ri juyu' Sión, e rachibilan e144,000 winaqi'. Y konojel k'a re', kik'uan ri nik'aj kiwech ri rubi' ri Jesucristo y ri rubi' ri Tata'ixel.

နောက်ထပ်ဗားရှင်းများ

Kaqchikel Santo Domingo (Xenacoj)

¹ Atoq xitzuꞌun chi apu, kꞌateꞌ ruwech xintzꞌet ri Karneꞌl peꞌel pariꞌ ri juyuꞌ rubꞌiniꞌan Sión, y rikꞌin rijaꞌ ekꞌo 144 mil wineq ri tzꞌibꞌan ri rubꞌiꞌ ri Alaj Karneꞌl y ri rubꞌiꞌ ri Rutataꞌ Dios pa runikꞌajal kiwech.

Kaqchikel Santa Maria de Jesus

¹ Y después xintzꞌat ri Alaj Oveja paꞌl paroꞌ ri juyuꞌ Sion, y icꞌo ciento cuarenta y cuatro mil vinak riqꞌuin. Y quinojiel cꞌo rubꞌeꞌ jajaꞌ y cꞌo jeꞌ rubꞌeꞌ ri Rutataꞌ chiꞌquivach.

Kaqchikel Central Guatemala

¹ Y jari' tok xintz'et chic c'a chi ri Jesucristo ri achi'el Alaj Carne'l, pa'el ri pa ruvi' ri juyu' rubini'an Sión, y ec'o c'a ciento cuarenta y cuatro mil vinek riq'uin. Y conojel c'a re', c'o ri rubi' ri Jesucristo y c'o chuka' ri rubi' ri Rutata' ri Jesucristo nic'aj-quivech.

Re C'ac'a Testamento pa Kach'abal

¹ Y c'are' xintz'at re Jesucristo re ancha'l oveja, pa'al pa rue' re loma rubini'an Sion, y jec'o ciento cuarenta y cuatro mil vinak riq'uin. Y conojel re', c'o rube' re Jesucristo y c'o chuka' rube' re Rutota' re Jesucristo nic'aj-quivach.

Kaqchikel Western Solola

¹ Yac'ari' tek xintz'et chic c'a chi ri Jesucristo ri achi'el Alaj Carne'l, pa'el pa ruwi' ri juyu' ri Sion rubi', y yec'o c'a ciento cuarenta y cuatro mil winek riq'ui. Y quinojel ri winek ri' c'o ri rubi' ri Jesucristo y c'o chuka' ri rubi' ri Rutata' ri Jesucristo chi nic'aj tak quiwech.

Apocalipsis 14:1 ပူးပေါင်းရင်းမြစ်များ

Wuj Richin Bix Chire ri Dios 2:6

Y xtubij: Yin kan nucha'on chik ri rey pa ruwi' ri tinamit Sión, ri nujuyu' ri k'o janila rejqalen, xticha'.

Wuj Richin ri Isaías 49:14

Jak'a rix ri aj-Sión nibij chi yin xixinmalij kan, y chi yin ri iwajaw xixinmestaj kan.

Wuj Richin ri Jeremías 1:11

K'ari' ri Jehová xch'on chik wik'in y xubij chuwe: ¿Achike ri natz'et rat Jeremías? Y yin xinbij chire chi nintz'et jun ruq'a' almendro.

Ez 1:4

Kan jari' xintz'et k'a chi pa xaman peteneq jun nimalej kaq'iq' ri ruk'amon-pe jun nimalej sutz' ri kan nirepelun y jun achi'el q'aq' ri nuk'aqala-el koyopa' y pa runik'ajal ri q'aq' ri' nirepelun achi'el ri q'enq'oj-pueq.

Ez 10:1

Y xeri' yin xintz'et chik jun bey ri tz'uyubel ri k'o-q'anej pa ruwi' ri wokowik, ri k'o-q'anej pa kiwi' ri e kaji' querubín.

Ez 10:9

Chuqa' xintz'et chi chikijujunal ri querubín k'o jun ki-rueda pa'el pa taq kixikin y ri rueda ri' kan yeyok'olin k'a achi'el yeyok'olin ri jebelej jalajoj ruwech abej.

Ez 2:9

Jari' toq xintz'et jun q'abaj rik'on-pe wik'in y ruk'uan k'a jun boton wuj.

Ez 44:4

Chirij k'a ri' ri achin xiruk'uaj-el pan okibel ri k'o pa xaman chuwech-apo ri rachoch ri Dios. Y toq xojok-apo, xintz'et k'a chi ri ruk'ojlemal ri Jehová runojisan chijun ri rachoch rija'. Y yin kixukuk xiqaqa pan ulew chuwech.

Ez 8:7

Y xeri' xiruk'uaj-el ri akuchi k'o-wi ri okibel ri richin ri ruwa-jay, ri richin ri rachoch ri Dios y chiri' xintz'et chi teq'el ri tz'aq.

Ez 9:4

Y xubij chire chi tibe chukojol ri tinamit y tuya' ketal nik'aj-kiwech ri winaqi' ri yebison y yejilon, roma ri itzel taq banobel ri yekiben ch'aqa' chik winaqi' chiri', ri kan nrixowaj rija'.

Dn 12:5

Jari' toq yin Daniel, xintz'et chik k'a chi chuchi' ri raqen-ya' Tigris ek'o e ka'i' achi'a', ri jun pa'el ri juk'an chire ri raqen-ya' y ri jun chik ja ri juk'an chik ruchi' pa'el-wi.

Joel 2:32

Y konojel k'a ri xkek'utun chi ja yin ri xkikolon kichin, kan xkekolotej-wi. Roma ri chiri' pa juyu' Sión y pa tinamit Jerusalem xtibek'oje' kolotajik, roma kan keri' nubin yin y kan e nuch'aron ri xtik'oje' kik'aslen.

Am 8:2

Y ri Dios xuk'utuj chuwe ri achike nintz'et. Y yin xinbij chire chi nintz'et jun chakech ruwech che' ri jebel e cheq', e cheq' chik. Y ri Dios xubij chuwe: Achi'el re ruwech che' re', ri utz chik richin yewux y nimol kichi', keri' chuqa' ri winaqi' israelita ruk'amon chik chi yemol y ye'uk'uex-el. Y roma ri' yin kan man jun bey chik xtinkuy ri kimak.

Wuj Richin ri Zacarías 4:2

Y xuk'utuj chuwe ri achike nintz'et. Yin xinbij chire chi nintz'et jun candelabro ri banon rik'in q'anapueq. Pa ruwi' ri' k'o jun k'ojelibel richin aceite. Y ek'o wuqu' taq candil chire. Y chupan jujun, ek'o wuqu' taq rutza'n.

San Lucas 12:8

Ninbij k'a chiwe, chi xabachike wineq ri nuq'alajirisaj-ri' chikiwech ch'aqa' chik chi wichin yin, yin chuqa' ri xiqaqa-pe achi'el wineq chi'ikojol, xtinq'alajirisaj chikiwech ri ru-ángel ri Dios chi rija' wichin chik yin.

Romanos 9:33

Toqaqa chi'ik'u'x ri nubij ri Dios chupan ri tz'ibatel kan:*f28* Kan xtinya' chiri' pa Sión jun abej ri xtuben chike ri winaqi' chi xtikipajk'ij kaqen chirij. Jak'a ri nikikuquba' kik'u'x rik'in, kan man xkek'ixbitej ta, xcha'.

Apocalipsis 14:14

Y toq xitzu'un yan chik, xintz'et k'a jun sutz' seq. Y pa ruwi' k'a re sutz' re' tz'uyul jun ri xo'alex achi'el wineq. Rija' rukusan k'a jun corona ri banon rik'in q'anapueq y ri pa ruq'a' ruk'uan jun jos ri janila rey.

Apocalipsis 14:3

Chuwech k'a apo ri akuchi tz'uyul-wi ri Dios y ri akuchi ek'o-wi ri achi'a' ri k'o kiq'ij y ri e kaji' ri k'o kik'aslen, chiri' yebixan-wi, y jun k'ak'a' bix k'a ri nikibixaj. Y kan man jun k'a nitikir netaman ri bix ri', xa kan xaxe ri e 144,000 ri e kolotajineq chik el chuwech ri ruwach'ulew.

Apocalipsis 15:5

Y toq nutz'eton chik qa ronojel re', xintz'et chi ri chikaj xjaqatej ri ruchi' ri rachoch ri Dios ri banon rik'in tzieq.

Apocalipsis 22:4

Kan xtikitz'et k'a ruwech ri Dios y chuqa' xtikik'uaj ri rubi' ri Karne'l, nik'aj-kiwech.

Apocalipsis 3:12

Ri xkech'akon xtinben chike chi xke'ok achi'el jun pilar richin ri rachoch ri nu-Dios y chiri' xkek'oje-wi jantape'. Y chikij k'a rije' xtintz'ibaj ri rubi' ri nu-Dios y ri rubi' ri rutinamit rija', ri k'ak'a' Jerusalem ri niqaqa-pe chila' chikaj. Y chiri' chuqa' xtintz'ibaj ri k'ak'a' nubi' yin.

Apocalipsis 4:1

Y k'ari' yin Juan, chupan ri achi'el achik', xintz'et chi ri chikaj jaqel jun achi'el ruchi-jay. Y xinwak'axaj chik ri ch'abel ri kan achi'el niq'ajan trompeta ri xinwak'axaj pa nabey y xubij k'a pe chuwe: Kajote-pe y xtink'ut k'a chawech ri xkebebanatej ri xtibe-apo, xcha'.

Apocalipsis 6:8

Y kan jari' xintz'et chi xbe'el-pe jun q'en rij kiej ch'okoliben-pe roma jun ri rubini'an Kamik. Y chirij re' beneq ri ruk'exewach ri akuchi ye'apon-wi ri kaminaqi'. Y xjach k'a uchuq'a' pa kiq'a' richin chi kekikamisaj nik'aj chire ri nik'aj chike ri winaqi' ri ek'o chuwech ri ruwach'ulew, rik'in labal, wayjal, yabil y k'uxunela' taq chikopi'.