Apocalipsis 13:5 - Kaqchiquel Bible

⁵ Ri chikop ri' xuk'ul chuqa' uchuq'a' richin chi tunimirisaj-ri' rik'in ri ruch'abel, richin chi itzel tich'on chirij ri Dios, y kawineq ka'i' ik' ri xya'ox uchuq'a' pa ruq'a'.

နောက်ထပ်ဗားရှင်းများ

Kaqchikel Santo Domingo (Xenacoj)

⁵ Y xyoꞌox qꞌij chare ri itzel chikap chi ndichꞌaꞌa, chi ndunimrisalaꞌ riꞌ y chi ngerubꞌilaꞌ yoqꞌonik teq tzij chirij ri Dios. Y chin 42 ikꞌ xyoꞌox uchuqꞌaꞌ pa ruqꞌaꞌ chin ndubꞌen mandar pa kiwiꞌ ri wineq.

Kaqchikel Santa Maria de Jesus

⁵ Ri bestia reꞌ xyoꞌx lugar cha chi nuya-ka rukꞌij jajaꞌ mismo riqꞌuin ri ruchꞌabꞌal, y chi itziel nichꞌoꞌ chirij ri Dios, y xyoꞌx autoridad cha chi nuꞌon gobernar chupan cuarenta y dos icꞌ.

Kaqchikel Central Guatemala

⁵ Ri chicop ri' xuc'ul c'a chuka' uchuk'a' richin chi tunimirisaj-ri' riq'uin ri ruch'abel, richin chi itzel tich'on chirij ri Dios, y richin chuka' chi cavinek-ca'i' ic' ri ja ri nubij rija' ri c'o chi niquiben ri vinek.

Re C'ac'a Testamento pa Kach'abal

⁵ Y re itzel chicop re' xuc'ul chuka' poder chin nuna' che c'o ruk'ij riq'uin re ruch'abal, chin che nuyok' re Dios, y cuarenta y dos ic' xtic'ue' re ru-autoridad pa quive' re vinak.

Kaqchikel Western Solola

⁵ Ri chicop ri' xya'ox (xya') c'a chuka' k'ij chare riche (rixin) chi nunimirisaj ri' riq'ui ri ruch'abel, riche (rixin) chi niyok'on chrij ri Dios, y riche (rixin) chuka' chi cawinek ca'i' ic' nitakanoj pa quiwi' ri winek.

Apocalipsis 13:5 ပူးပေါင်းရင်းမြစ်များ

Dn 7:25

Ri q'atoy-tzij ri k'o pa ruwi' re jun ajawaren re' kan xtuyoq' k'a ri nimalej Dios y kan xtuben chike richin nikitej poqon richin yek'is ri rutinamit ri Dios. Kan xtrajo' k'a xtujel ri rubanik ri pixa' y ri nimaq'ij ri e tz'ibatel kan chupan. Ri rutinamit ri Dios kan xkejach k'a pa ruq'a' rija' y kan xkek'oje' k'a pa ruq'a' k'a toq xtitz'aqet na ri oxi' juna' rik'in nik'aj.

Dn 7:8

Y rokik k'a yin ninmey ri lajuj uk'a' ri', kan xbek'ulun chik k'a pe chikikojol jun chik ti ko'ol uk'a', y k'o chi xe'elesex-el oxi' richin chi xk'oje' kan ri jun ti ko'ol. Ri ti ko'ol uk'a' ri' kan k'o k'a runaq'-ruwech achi'el ri wineq. K'o chuqa' ruchi', y yerubila' k'a janila itzel taq ch'abel.

Apocalipsis 12:6

Jak'a ri ixoq ri' xanimej-el, y xbe pa tz'iran ruwach'ulew, roma ri Dios kan chiri' rukanon-wi richin chi nilix oxi' juna' rik'in nik'aj.*f4*

Dn 11:36

Toq xtapon k'a ri q'ij ri', ri rey kan xtiberubana' k'a ronojel ri niqa' chuwech rija'. Kan janila k'a xtunimirisaj-ri', y xtuna' chi ja rija' ri más nim ruq'ij chikiwech konojel dios. Y pa ruwi' ri' kan xtuyoq' k'a ri k'aslik Dios. Kan utz k'a xtel chuwech ronojel ri xkeruben, k'a toq ri Dios xtuya' ri rutojbalil-mak pa ruwi', roma ri bin-pe pa ruwi' kan xtibanatej k'a.

Dn 7:11

Rokik k'a yin nutzuliben ri ti uk'a', ri janila chi ch'abel nubila' richin nunimirisaj-ri'; kan jari' k'a xkamisex ri nimalej chikop ri ek'o lajuj ruk'a' y ri ruch'akul xk'ajix y xk'aq pa q'aq'.

Apocalipsis 12:14

Y roma ri' ri ixoq xya'ox-el chire, juk'ulaj ruxik' kot ri janila e nima'q, richin chi nitikir napon k'a pa tz'iran ruwach'ulew, nej chire ri nimalej chikop ri' y chiri' nilix oxi' juna' rik'in nik'aj.

2 Tesalonicenses 2:4

Rija' xtiyakatej y xtupaba' ri' chuwech ronojel ri nibix dios chire, y ri niya'ox ruq'ij. Man xaxe ta ri' roma xa kan xtibetz'uye' chupan ri rachoch ri Dios, y xtubij chi ja rija' ri Dios.*f2*

Dn 7:20

Keri' chuqa' xinwajo' ta xinwetamaj achike nuk'exewachuj ri lajuj uk'a', y ri jun chik ti ko'ol uk'a' ri xbek'ulun-pe chikikojol, ri kan k'o chi xetzaq-el e oxi' richin chi xk'oje' kan pa ruk'exel re jun ti ko'ol re' ri k'o runaq' ruwech y ruchi' y kan nich'on rik'in nimirisanen, y kan nuben chi kan ja rija' ri más nim chikiwech ri rachibil.

Apocalipsis 13:7

Chuqa' xya'ox q'ij chire richin chi xeruchop chi oyowal ri e ralk'ual ri Dios y yeruch'ek. Xya'ox uchuq'a' chire pa kiwi' ri jalajoj ruwach'ulew, ijatzul, tinamit y ch'abel.

Apocalipsis 11:7

Y toq kik'ison chik ruq'alajirisaxik ri ruch'abel ri Dios, ri itzel chikop ri nipe chupan ri itzel siwan q'equ'm rupan, nuben oyowal kik'in, xkeruch'ek y xkerukamisaj.

Wuj Richin Bix Chire ri Dios 12:3

Rat Jehová xke'ak'is konojel ri e tz'ukuy taq tzij, xke'awelesaj-el ri winaqi' ri janila kinimirisan-ki' rik'in ri kich'abel,

Dn 8:14

Y xubij k'a ri nabey ángel: Re' xtitane' k'a toq xtitz'aqet na ri jubama wuqu' juna'. Chirij ri' k'ari' xtich'ajch'ojir chik jun bey ri rachoch ri Dios, xcha'.

Dn 12:12

Jebel ruwa-ruq'ij ri wineq ri xtitikir xtukoch' chi xtiq'ax ri 1,335 q'ij.

2 Tesalonicenses 2:3

Man k'a kixq'olotej, roma nabey chuwech richin nipe ri Jesucristo, janila e k'iy ri xkeya'on kan richin ri Dios, chuqa' xtipe ri itzel achin. Ri kan rubin chik ri Dios chi kan richin chik ri tojbel-mak.

2 Tesalonicenses 2:8

jari' toq xtibek'ulun-pe ri itzel achin ri', jak'a ri ajaw Jesús xa xtuxupuj-el richin xtukamisaj, toq xtipe chik jun bey rik'in ri rusaqil ri ruk'ojlemal.

Ez 35:13

Rik'in k'a ri ich'abel kan xinimirisaj k'a iwi' y kan janila k'a itzel xixch'on chuwij. Y yin kan xinwak'axaj ronojel.