Apocalipsis 13:16 - Kaqchiquel Bible

¹⁶ Xuben chuqa' chi tiyalox ketal ri winaqi' pa taq kijkiq'a' o ri nik'aj-kiwech, chi ch'uti'q chi nima'q, chi beyoma', chi man jun k'o kik'in, chi totajineq chi man totajineq ta.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁶ Ri achibꞌel riꞌ, ndubꞌen chuqaꞌ chake konojel wineq chi tiyoꞌox jun etal chirij ri rikiqꞌaꞌ teq kiqꞌaꞌ o pa runikꞌajal teq kiwech. Keriꞌ xubꞌij chi tibꞌan chake chi chꞌutiꞌq chi nimaꞌq, chake bꞌeyomaꞌ, chake ri maneq ok kichajin, chake loqꞌon teq samajelaꞌ y chake ri e-libres.

Kaqchikel Santa Maria de Jesus

¹⁶ Xuꞌon jeꞌ chi tiyoꞌx jun marca chica quinojiel ri vinak chiquikꞌaꞌ derecha o chiꞌquivach. Chi chꞌuteꞌk y chi nimaꞌk, chi bꞌayomaꞌ y chi i-puobra, chi esclavos y chi libres.

Kaqchikel Central Guatemala

¹⁶ Xuben c'a chuka' chi tiyalox quetal ri vinek pa tak cajquik'a' o ri nic'aj-quivech. Chi cocoj chi nima'k; chi vinek beyoma', chi vinek ri man jun c'o quiq'uin; chi lok'on y chi man lok'on vinek ta.

Re C'ac'a Testamento pa Kach'abal

¹⁶ Xuban chuka' che tiyalox qui-seña re vinak chij re cajquik'a' o nic'aj-quivach. Che cocoj che nima'k, che biyoma', che mamba'i', che esclavos y che man esclavos-ta.

Kaqchikel Western Solola

¹⁶ Xuben c'a chuka' chi tiyalox quetal ri winek chrij tak cajquik'a' o chi nic'aj tak quiwech. Chi ch'uti'k chi nima'k; chi winek beyoma', y chi pobres; chi winek ri ye ximil pa samaj riq'ui jun patrón o ma ye ximil ta.

Apocalipsis 13:16 ပူးပေါင်းရင်းမြစ်များ

2 Crón 15:13

Y chuqa' xkijikiba' chi wi k'o ta jun ri man xtukanoj ta ri Jehová ri ki-Dios kan xtikamisex, stape' k'o ruq'ij o maneq ruq'ij, chi achin chi ixoq.

Wuj Richin ri Achin Job 34:19

Chuwech rija' qonojel oj junan, man xaxe ta kik'in ri achi'a' e tata'al k'o-wi, chuqa' man xaxe ta ri beyoma' ri yeruto', xa kan yeruto' chuqa' ri man jun k'o kik'in, roma kan qonojel roj winaqi' kan ja ri ruq'a' rija' ri banayon qichin.

Wuj Richin Bix Chire ri Dios 115:13

Xkerurtisaj k'a ri k'o rukiy ri Jehová chikiwech, chi ch'uti'q chi nima'q.

Wuj Richin Bix Chire ri Dios 49:2

keri' ri k'o kiq'ij y ri maneq ok kiq'ij, ri janila kibeyomel, y ri man jun ok k'o kik'in.

Ex 13:9

Y re' kan man xtiqamestaj ta k'a y kan xtuben chiqe chi kan achi'el jun etal chirij ri qaq'a' y ri nik'aj-qawech, richin keri' ri rupixa' ri Jehová kan jantape' xtoqaqa chiqak'u'x, roma ri Jehová rik'in ri nimalej ruchuq'a' xojrelesaj-pe pan Egipto.

Ez 9:4

Y xubij chire chi tibe chukojol ri tinamit y tuya' ketal nik'aj-kiwech ri winaqi' ri yebison y yejilon, roma ri itzel taq banobel ri yekiben ch'aqa' chik winaqi' chiri', ri kan nrixowaj rija'.

Wuj Richin ri Zacarías 13:6

Y wi k'o ta jun nik'utun chike ri achike roma sokotajineq chukojol ruwi' taq kiq'a', rije' xtikibij chi e sokotajineq koma ri kachibil, ncha' ri Dios.

Hechos 26:22

Jak'a ri Dios kan k'o-pe wik'in. Roma ri' man jun k'a ri nuk'uluwachin pa kiq'a' ri winaqi'. Kan nubin k'a pe ri ruch'abel ri Dios chike konojel ri winaqi'; chike ri janila kiq'ij y chike chuqa' ri maneq ok kiq'ij. Xaxe k'a ri kibin kan ri q'alajirisey ruch'abel ri Dios y ri Moisés, ri nintzijoj yin, roma ja rije' ri e biyon kan ri nibanatej.

1 Corintios 12:13

Roma toq xqasex ya' pa qawi', xojok ruch'akul rija'. Chuqa' kan qonojel xok ri Loq'olej Espíritu pa taq qak'aslen. Jun k'a xuben chiqe. Keri' xqaben qonojel, chi judío y chi man judío ta; ri man e totajineq ta y ri e totajineq chik.

Gálatas 3:28

Junan k'a rubanik richin xa jun xqaben rik'in ri Cristo, stape' judío, o man judío ta, stape' ximil pa samaj, o totajineq, stape' achin o ixoq.

Gálatas 6:17

Y re xtibe-apo, man jun chik k'a tibin más ch'abel chuwij, roma yin kan ek'o-wi retal ri e nuk'uan roma ri tijoj-poqonal ri xink'owisaj, y ronojel re' roma kan in rusamajel ri Jesucristo.

Efesios 6:8

Rix kan iwetaman k'a chi ri Dios xtuya' rajel-ruk'exel chiwe chi'ijujunal roma ja ri utz ri niben. Y man jun rubanon wi ixk'o o man ixk'o ta chuxe' rutzij jun ajaw.

Deut 11:18

Roma ri' kan tiyaka' k'a re ch'abel re' pa taq iwánima y tich'obo'. Tixima' k'a chirij iq'a' y ri nik'aj iwech richin jun retal.

Deut 6:8

Kan tixima' chirij ri iq'a' re ruchojmilal re' y keri' chuqa' tixima-el nik'aj iwech richin jun retal.

Colosenses 3:11

Y roma k'o ri k'ak'a' qak'aslen, man jun nuben chiqe wi oj judío o man oj judío ta, wi k'o qetal o maneq, wi k'o juba' qaq'ij o maneq, wi oj ximon pa samaj o oj totajineq chik. Roma xaxe ri Cristo ri k'o rejqalen y k'o pa ruwi' ronojel.

2 Timoteo 3:8

Rije' xa kitzeqelben ri itzel kibanobal ri ka'i' aj-itza' ri xek'oje' ojer ri xkibini'aj Janes y Jambrés, ri xkipaba-ki' chuwech ri Moisés, kan keri' chuqa' nikiben ri achi'a' ri' wakami ri nikipaba-ki' chuwech ri qitzij. Xa yojtajineq chik ri kich'obonik roma ri etzelal, nikibij chi kiniman chik ri Dios, y xa man qitzij ta.

Apocalipsis 11:18

Ri tzobaj winaqi' richin re ruwach'ulew yakatajineq koyowal chawij, jak'a kan xoqaqa ri q'ij richin chi ri awoyowal rat xqaqa pa kiwi' rije'. Kan xoqaqa ri q'ij richin naq'et-tzij pa kiwi' ri kaminaqi'. Q'ij richin chi xtaya' rajel ruk'exel chike ri asamajela' y ri e q'alajirisey ri ach'abel, chike ri awalk'ual y ri yeya'on aq'ij, chi ch'uti'q chi nima'q. Kan xoqaqa k'a chuqa' ri q'ij chi rat ye'ak'is ri winaqi' ri yebanon chire ri ruwach'ulew richin nik'is, yecha'.

Apocalipsis 15:2

Y yin xintz'et chuqa' chi k'o jun achi'el palou ri chay-chay nitzu'un xolon rik'in q'aq'. Y ek'o e pa'el ri chiri' chuchi' ekik'ualon arpa ri eya'on chike roma ri Dios. Ja rije' ri man xeqaqa ta pa ruq'a' ri nabey chikop y ri ruwachibel, ni man xkajo' ta ketal ri chikop ri nibe nik'aj-kiwech o ri pa kiq'a'.

Apocalipsis 19:18

Ri wey ri xtuya' ri Dios ja ri kich'akul ri rey, ri aj-raqen, y ri achi'a' ri janila kuchuq'a'; kich'akul chuqa' kiej y ri e ch'okolibeyon kichin; kan ja ri kich'akul konojel winaqi', chi loq'on samajel y chi totajineq, chi ch'uti'q chi nima'q, xcha' ri ángel.

Apocalipsis 19:20

Jak'a ri keq rij chikop xchap el, rachibilan ri jun achin ri nibin chi q'alajirisey ruch'abel ri Dios y xa man qitzij ta, ri xerubanala' meyel taq banobel chuwech ri chikop, ri rik'in ri' xeruq'ol ri winaqi' richin chi xkik'ul ri ketal nik'aj-kiwech o ri pa taq kiq'a', y kan kiya'on-pe ruq'ij ri ruwachibel ri chikop. K'ari' ri chikop y ri jun ri xeq'olon ri winaqi', kan e k'es xek'aq chupan ri q'aq' ri achi'el choy ri xolon rik'in chuwilej-abej ri nik'a'on.

Apocalipsis 19:5

Y jari' toq kan k'o jun ri xbech'on-pe akuchi k'o-wi ri tz'uyubel xubij: Kan tiya' ruq'ij ri Dios chi'iwonojel rix ri ix rusamajela', ri k'o rukiy ri Dios chiwech, chi ch'uti'q chi nima'q, xcha'.

Apocalipsis 20:12

Y xentz'et ri kaminaqi', chi ch'uti'q chi nima'q e pa'el-apo chuwech ri tz'uyul chupan ri tz'uyubel ri'. Xejaqalox k'a ri wuj, y xjaq chuqa' ri jun wuj ri richin k'aslen. Konojel k'a re kaminaqi' re' kan xq'at-tzij pa kiwi', achi'el ri kibanobal ri e tz'ibatel chupan ri wuj ri'.

Apocalipsis 20:4

Y xintz'et chi ek'o tz'uyubel richin q'atbel-tzij, y chiri' e tz'uyul-wi ri ya'on chik uchuq'a' pa kiq'a' richin nikiq'et-tzij. Xintz'et chuqa' ri kánima ri xtzak'ix-el kiqul, roma xkitaqej y xkitzijoj ri ruch'abel ri Dios. Jere' ri man xeya'on ta ruq'ij ri nabey chikop y ri ruwachibel, ni man xkik'ul ta ri etal richin ri chikop nik'aj-kiwech o ri pa taq kiq'a'. Y xintz'et chi rije' xek'astej chik y junan k'a yeq'aton-tzij rik'in ri Cristo, chupan ri 1,000 juna'.

Apocalipsis 6:15

Roma ri' konojel ri rey ri ek'o chuwech ri ruwach'ulew, ri q'atoy taq tzij, ri beyoma', ri e uk'uey kichin ri aj-labal, ri winaqi' ri k'o uchuq'a' pa kiq'a', ri loq'on taq samajela' y konojel ri winaqi'; xkewala-ki' pa taq jul y chukojol taq abej ri chuwech taq juyu'.

Apocalipsis 7:3

y xubij: Man jun ruk'ayewal tiya' pa ruwi' ri ruwach'ulew, pa ruwi' ri palou y pa kiwi' ri che', k'a toq qaya'on chik na ketal nik'aj kiwech ri rusamajela' ri Dios, xcha'.