Apocalipsis 13:15 - Kaqchiquel Bible

¹⁵ Ri ruka'n chikop xjach k'a uchuq'a' pa ruq'a' richin tuya' ruk'aslen ri ruwachibel ri nabey chikop, richin chi ri wachibel ri' tich'on y tutaqa' kikamisaxik ri man yeya'on ta ruq'ij.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ Y chare ri rukan itzel chikap xyoꞌox chuqaꞌ uchuqꞌaꞌ chin nduyaꞌ rukꞌaslen ri rachibꞌel ri nabꞌey itzel chikap, chin keriꞌ tichꞌaꞌa pe ri achibꞌel, y tubꞌij chi kekamisex konojel ri ma ndikiyaꞌ ta ruqꞌij.

Kaqchikel Santa Maria de Jesus

¹⁵ Y ri rucaꞌn bestia, xyoꞌx poder pa rukꞌaꞌ chi tuyaꞌ rucꞌaslien ri ru-imagen ri naꞌay bestia, chi quireꞌ ri imagen reꞌ tichꞌoꞌ y tuꞌej chi caꞌquimisas quinojiel ri man niquiyaꞌ ta rukꞌij.

Kaqchikel Central Guatemala

¹⁵ Y ri ruca'n chicop xjach c'a uchuk'a' pa ruk'a' richin tuya' ruc'aslen ri ruvachibel ri nabey chicop, richin chi ri vachibel ri' tich'on y tutaka' quicamisaxic ri man yeyo'on ta ruk'ij.

Re C'ac'a Testamento pa Kach'abal

¹⁵ Y re ruca'n itzel chicop xya' poder pa ruk'a' chin nuya' ruc'aslen re ru-imagen re nabey itzel chicop, chin quire' re imagen re' tich'o y tutaka' quiquimisasic re man ye'yi'o-ta ruk'ij.

Kaqchikel Western Solola

¹⁵ Y ri ruca'n chicop ri' xya'ox (xya') c'a k'ij chare riche (rixin) chi tuya' ruc'aslen ri ruwachbel ri nabey chicop, riche (rixin) chi ri wachbel ri' tich'o y tutaka' quicamisaxic ri ma yeya'o ta ruk'ij.

Apocalipsis 13:15 ပူးပေါင်းရင်းမြစ်များ

Wuj Richin ri Rutikeribel 2:7

Ri Dios xuben ri achin rik'in ri ulew y k'ari' xuxupuj pa rutza'n richin xuya' ruk'aslen y Adán ri rubi' ri xuya'. Y keri' k'a xbanatej toq xya'ox ruk'aslen ri achin.

Wuj Richin Bix Chire ri Dios 115:5

K'o kichi', jak'a xa man yech'on ta: K'o runaq' taq kiwech, jak'a xa man yetzu'un ta:

Wuj Richin ri Jeremías 10:14

Konojel ri yebanon kichin ri wachibel ri' xa man yenojin ta roma maneq ketamabal y kan xkek'ixbitej k'a, roma ri wachibel xa man e qitzij dios ta y maneq kik'aslen.

Wuj Richin ri Jeremías 10:5

Rije' e achi'el poy pa jun qejoj ri tikon pepino chuwech. Rije' man yech'on ta; k'o chi ye'uk'uex na, roma man yetikir ta yebiyin. Roma ri' man tixibij-iwi' chikiwech, roma rije' man jun achoq chire nikiben-wi, utz ni itzel, xcha' ri Jehová.

Wuj Richin ri Jeremías 51:17

Konojel ri yebanon kichin ri wachibel ri' xa e nakaneq roma maneq ketamabal y kan xkek'ixbitej k'a, roma ri wachibel xa man e qitzij dios ta y maneq kik'aslen.

Dn 7:20

Keri' chuqa' xinwajo' ta xinwetamaj achike nuk'exewachuj ri lajuj uk'a', y ri jun chik ti ko'ol uk'a' ri xbek'ulun-pe chikikojol, ri kan k'o chi xetzaq-el e oxi' richin chi xk'oje' kan pa ruk'exel re jun ti ko'ol re' ri k'o runaq' ruwech y ruchi' y kan nich'on rik'in nimirisanen, y kan nuben chi kan ja rija' ri más nim chikiwech ri rachibil.

Dn 7:25

Ri q'atoy-tzij ri k'o pa ruwi' re jun ajawaren re' kan xtuyoq' k'a ri nimalej Dios y kan xtuben chike richin nikitej poqon richin yek'is ri rutinamit ri Dios. Kan xtrajo' k'a xtujel ri rubanik ri pixa' y ri nimaq'ij ri e tz'ibatel kan chupan. Ri rutinamit ri Dios kan xkejach k'a pa ruq'a' rija' y kan xkek'oje' k'a pa ruq'a' k'a toq xtitz'aqet na ri oxi' juna' rik'in nik'aj.

Wuj Richin ri Habacuc 2:19

Kan toq'ex awech rat ri yach'on rik'in jun che', y nabij chire chi karak'axaj; y nabij chire ri wachibel ri banon rik'in abej chi tik'astej-el. ¿Xtitikir ta k'a re wachibel re' chi xkarupixabaj? Stape' kan nojisan-rij chi q'anapueq y saqipueq xa maneq ruk'aslen.

Santiago 2:26

Achi'el jun ch'akulaj ri man k'o ta chik ri espíritu rik'in xa kamineq chik, keri' chuqa' ri kuqubabel-k'u'x wi man ruk'uan ta utzilej taq banobel.

Apocalipsis 13:1

K'ari' xintz'et chi chupan ri palou xbe'el-pe jun nimalej itzel chikop. Re chikop re' k'o wuqu' rujolon y lajuj ruk'a'. Pa kiwi' ri lajuj ruk'a' k'o k'a jujun tz'ajtz'ik ch'ich'. Y pa kiwi' jujun jolomaj e tz'ibatel k'a jujun bi'aj, y re' nuyoq' rubi' ri Dios.

Apocalipsis 13:12

Y re' nisamej rik'in ri ruchuq'a' ri chikop ri xel-pe pa ya' y nisamej chuxe' rutzij ri chikop ri'. Kan nuben chike ri winaqi' ri ek'o chuwech ri ruwach'ulew chi nikiya' ruq'ij, roma xk'achoj ri rusokotajik ri kan ruk'amon chik pe kamik.

Apocalipsis 13:14

Y roma kan ya'on q'ij chire chi nuben meyel taq banobel, konojel winaqi' ri ek'o chuwech ri ruwach'ulew kan xeq'olotej pa ruq'a'. Y xuben k'a chike ri winaqi' chi tikibana' jun ruwachibel ri nabey chikop ri xk'achoj chire ri rusokotajik ri xban rik'in espada.

Apocalipsis 14:11

Ri q'aq' ri' man jun bey xtichup, y ri sib kan richin jantape' pa'el chikaj. Y kan man jun bey k'a xkeuxlan chire ri tijoj-poqonal ri', ni ri chaq'a' ni ri paq'ij. Y chiri' xke'apon-wi ri yeya'on ruq'ij ri nabey chikop y ri ruwachibel, y ri kan kik'uan ri retal ri chikop ri' nik'aj-kiwech o pa kiq'a', nicha'.

Apocalipsis 14:9

Y kan jari' peteneq ri rox ángel, y kan rik'in chuqa' ruchuq'a' nubij: Ri xkeya'on ruq'ij ri nabey chikop y nikiya' chuqa' ruq'ij ri ruwachibel, y kan niqa' chikiwech chi nikik'ul ketal nik'aj-kiwech o pa kiq'a',

Apocalipsis 16:2

Kan jari' toq xbe ri nabey ángel y xberuq'eja' kan pa ruwi' ri ruwach'ulew ri k'o-el chupan ri qumbel ri ruk'uan. Y xuben chi xe'el-pe itzel ch'a'k chikij ri winaqi' ri xeya'on ruq'ij ri ruwachibel ri nabey chikop y kik'uan retal ri nik'aj-kiwech o ri pa kiq'a'.

Apocalipsis 16:5

K'ari' ri ángel ri ya'on uchuq'a' pa ruq'a' pa kiwi' ri ya', xch'on y xubij: Ajaw Dios, rat kan jantape' atk'o-pe y jantape' xkak'oje-apo. Rat kan at choj y at loq'olej. Ri aq'atoj-tzij kan pa ruchojmilal ri naben.

Apocalipsis 17:14

Rije' kan xtikiben k'a oyowal rik'in ri Karne'l. Jak'a ri Karne'l kan k'o pa kiwi' konojel rey y ajaw richin ronojel ajawaren. Y roma ri' ri xkeyakatej chirij, xa xkech'akatej roma rija', y ri e peteneq rik'in, kan e cha'on y kuqul-kik'u'x rik'in ri Dios, xcha' ri ángel.

Apocalipsis 17:17

Ri Dios xuya' pa kánima ri lajuj rey chi junan kiwech xeyakatej chirij ri ixoq ri man utz ta ri ruk'aslen, y chuqa' chi junan kiwech xkijech ri kiq'atbal-tzij chire ri chikop, k'a toq xtibanatej ronojel ri rubin ri Dios.

Apocalipsis 17:6

Toq yin xintz'et ri ixoq ri', kan janila xinmey. Roma kan q'abarineq rik'in ri kikik'el ri e janila chi ralk'ual ri Dios ri xerukamisaj, roma xkinimaj ri Jesús.

Apocalipsis 18:20

Y jari' k'a toq xak'axatej jun ch'abel y xubij: Kan kixkikot k'a rix ri ixk'o chila' chikaj, ri ix taqon roma ri Cristo, rix q'alajirisey ruch'abel ri Dios y rix ralk'ual ri Dios, roma ri Dios kan xutz'et ri xik'owisaj pa ruq'a' ri Babilonia. Roma ri' xuya' rutojbalil chire.

Apocalipsis 18:24

Kan chupan k'a ri tinamit ri' xbiyin-wi ri kikik'el ri e q'alajirisey ruch'abel ri Dios, ri kik' kichin ri loq'olej ralk'ual ri Dios, y konojel ri e kamisan-el chuwech re ruwach'ulew.

Apocalipsis 19:20

Jak'a ri keq rij chikop xchap el, rachibilan ri jun achin ri nibin chi q'alajirisey ruch'abel ri Dios y xa man qitzij ta, ri xerubanala' meyel taq banobel chuwech ri chikop, ri rik'in ri' xeruq'ol ri winaqi' richin chi xkik'ul ri ketal nik'aj-kiwech o ri pa taq kiq'a', y kan kiya'on-pe ruq'ij ri ruwachibel ri chikop. K'ari' ri chikop y ri jun ri xeq'olon ri winaqi', kan e k'es xek'aq chupan ri q'aq' ri achi'el choy ri xolon rik'in chuwilej-abej ri nik'a'on.

Apocalipsis 20:4

Y xintz'et chi ek'o tz'uyubel richin q'atbel-tzij, y chiri' e tz'uyul-wi ri ya'on chik uchuq'a' pa kiq'a' richin nikiq'et-tzij. Xintz'et chuqa' ri kánima ri xtzak'ix-el kiqul, roma xkitaqej y xkitzijoj ri ruch'abel ri Dios. Jere' ri man xeya'on ta ruq'ij ri nabey chikop y ri ruwachibel, ni man xkik'ul ta ri etal richin ri chikop nik'aj-kiwech o ri pa taq kiq'a'. Y xintz'et chi rije' xek'astej chik y junan k'a yeq'aton-tzij rik'in ri Cristo, chupan ri 1,000 juna'.