Apocalipsis 13:14 - Kaqchiquel Bible

¹⁴ Y roma kan ya'on q'ij chire chi nuben meyel taq banobel, konojel winaqi' ri ek'o chuwech ri ruwach'ulew kan xeq'olotej pa ruq'a'. Y xuben k'a chike ri winaqi' chi tikibana' jun ruwachibel ri nabey chikop ri xk'achoj chire ri rusokotajik ri xban rik'in espada.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁴ Rikꞌin ri milagros ri xyoꞌox qꞌij chare chi ngerubꞌanalaꞌ chuwech ri nabꞌey itzel chikap, ngeruchꞌakatij ri wineq chochꞌulew. Xubꞌen mandar chi tikibꞌanaꞌ jun rachibꞌel ri nabꞌey itzel chikap ri xsokotej rikꞌin espada y ma xken ta.

Kaqchikel Santa Maria de Jesus

¹⁴ Y ruma yoꞌn permiso cha ri rucaꞌn bestia chi ncaꞌruꞌon milagros choch ri naꞌay bestia, ri vinak ri icꞌo choch-ulief can xꞌan maña chica. Y xuꞌej chica ri vinak chi tiquibꞌanaꞌ jun ru-imagen la naꞌay bestia ri man xcon ta ruma ri socotajic ri xꞌan cha ruma espada.

Kaqchikel Central Guatemala

¹⁴ Y roma ri can yo'on k'ij chire ri ruca'n chicop chi chuvech apo ri nabey chicop yerubanala' ri man jun bey e tz'eton ta, ri vinek ri ec'o chuvech ri ruvach'ulef can xek'olotej na vi pa ruk'a'. Y xuben c'a chique ri vinek chi tiquibana' jun ruvachibel ri nabey chicop ri xc'achoj chire ri rusocotajic ri xban riq'uin jun machet.

Re C'ac'a Testamento pa Kach'abal

¹⁴ Y roma can yi'on k'ij che re ruca'n itzel chicop can chach c'a re nabey itzel chicop ye'rubanala' milagros, re vinak re jec'o chach re ruch'ulef can xe'k'olotaj pa ruk'a'. Y xubij chique re vinak che tiquibana' jun ru-imagen re nabey itzel chicop re xc'achoj cha re rusocotajic re xuban re espada cha.

Kaqchikel Western Solola

¹⁴ Y ruma chi can ya'on k'ij chare ri chicop ri' chi chuwech apo ri nabey chicop yerubanala' wi ri majun bey ye tz'eton ta, ri winek ri yec'o chuwech ri ruwach'ulef can xek'olotej wi pa ruk'a'. Y xubij c'a chique ri winek chi tiquibana' jun ruwachbel ri nabey chicop ri xc'achoj chare ri socotajic ri xban riq'ui espada.

Apocalipsis 13:14 ပူးပေါင်းရင်းမြစ်များ

Apocalipsis 19:20

Jak'a ri keq rij chikop xchap el, rachibilan ri jun achin ri nibin chi q'alajirisey ruch'abel ri Dios y xa man qitzij ta, ri xerubanala' meyel taq banobel chuwech ri chikop, ri rik'in ri' xeruq'ol ri winaqi' richin chi xkik'ul ri ketal nik'aj-kiwech o ri pa taq kiq'a', y kan kiya'on-pe ruq'ij ri ruwachibel ri chikop. K'ari' ri chikop y ri jun ri xeq'olon ri winaqi', kan e k'es xek'aq chupan ri q'aq' ri achi'el choy ri xolon rik'in chuwilej-abej ri nik'a'on.

Apocalipsis 12:9

Ri nimalej itzel keq rij chikop ri' jari' ri Itzel-Wineq, ri Satanás, ri kumetz ri k'o-pe ojer y ri niq'olon kichin konojel winaqi'; kan xk'aq k'a pe chuwech ri ruwach'ulew e rachibilan ri itzel taq ru-ángel.

Apocalipsis 13:8

Ri chikop ri' xya'ox k'a ruq'ij koma konojel winaqi', ri man tz'ibatel ta pe ri kibi' toq kan k'a man jani k'o ta re ruwach'ulew chupan ri wuj richin k'aslen, ri ruwuj ri Karne'l, ri xkamisex.

Apocalipsis 20:10

Y ri Itzel-Wineq ri xq'olon kichin konojel ri winaqi' ri', xk'aq chupan ri achi'el choy ri k'o q'aq' xolon rik'in chuwilej-abej chupan, ri akuchi xk'aq-wi ri keq rij chikop ri xq'aton-tzij rachibilan ri jun achin ri xbin chi q'alajirisey ri ruch'abel ri Dios y xa man qitzij ta. Y chiri' chupan ri q'aq' xtikitej poqon chi paq'ij chi chaq'a' y kan richin tibe-q'ij tibe-seq.

Apocalipsis 18:23

Man jun chik q'aq' ri xtitz'etetej ta chupan, richin ta nisaqirisan. Man xtak'axatej ta chik chuqa' chi k'o ta jun k'ulubik nibanatej. Chiri' xek'oje-wi ri más nima'q taq k'ayinela', chiri' chuqa' xeban wi ri itz, y xeq'olotej konojel ri ruwach'ulew, xcha'.

Apocalipsis 16:2

Kan jari' toq xbe ri nabey ángel y xberuq'eja' kan pa ruwi' ri ruwach'ulew ri k'o-el chupan ri qumbel ri ruk'uan. Y xuben chi xe'el-pe itzel ch'a'k chikij ri winaqi' ri xeya'on ruq'ij ri ruwachibel ri nabey chikop y kik'uan retal ri nik'aj-kiwech o ri pa kiq'a'.

Apocalipsis 15:2

Y yin xintz'et chuqa' chi k'o jun achi'el palou ri chay-chay nitzu'un xolon rik'in q'aq'. Y ek'o e pa'el ri chiri' chuchi' ekik'ualon arpa ri eya'on chike roma ri Dios. Ja rije' ri man xeqaqa ta pa ruq'a' ri nabey chikop y ri ruwachibel, ni man xkajo' ta ketal ri chikop ri nibe nik'aj-kiwech o ri pa kiq'a'.

Apocalipsis 14:11

Ri q'aq' ri' man jun bey xtichup, y ri sib kan richin jantape' pa'el chikaj. Y kan man jun bey k'a xkeuxlan chire ri tijoj-poqonal ri', ni ri chaq'a' ni ri paq'ij. Y chiri' xke'apon-wi ri yeya'on ruq'ij ri nabey chikop y ri ruwachibel, y ri kan kik'uan ri retal ri chikop ri' nik'aj-kiwech o pa kiq'a', nicha'.

Apocalipsis 14:9

Y kan jari' peteneq ri rox ángel, y kan rik'in chuqa' ruchuq'a' nubij: Ri xkeya'on ruq'ij ri nabey chikop y nikiya' chuqa' ruq'ij ri ruwachibel, y kan niqa' chikiwech chi nikik'ul ketal nik'aj-kiwech o pa kiq'a',

Apocalipsis 13:15

Ri ruka'n chikop xjach k'a uchuq'a' pa ruq'a' richin tuya' ruk'aslen ri ruwachibel ri nabey chikop, richin chi ri wachibel ri' tich'on y tutaqa' kikamisaxik ri man yeya'on ta ruq'ij.

2 Tesalonicenses 2:4

Rija' xtiyakatej y xtupaba' ri' chuwech ronojel ri nibix dios chire, y ri niya'ox ruq'ij. Man xaxe ta ri' roma xa kan xtibetz'uye' chupan ri rachoch ri Dios, y xtubij chi ja rija' ri Dios.*f2*

Dn 11:36

Toq xtapon k'a ri q'ij ri', ri rey kan xtiberubana' k'a ronojel ri niqa' chuwech rija'. Kan janila k'a xtunimirisaj-ri', y xtuna' chi ja rija' ri más nim ruq'ij chikiwech konojel dios. Y pa ruwi' ri' kan xtuyoq' k'a ri k'aslik Dios. Kan utz k'a xtel chuwech ronojel ri xkeruben, k'a toq ri Dios xtuya' ri rutojbalil-mak pa ruwi', roma ri bin-pe pa ruwi' kan xtibanatej k'a.

Ez 16:17

Ri wiqobel ri e banon rik'in q'anapueq y saqipueq ri xensipaj chawe, xa xe'aya'erisaj pa q'aq' richin xaben kiwachibel achi'a' chire. Y xeri' xak'oje' kik'in, achi'el nuben jun ixoq itzel ruk'aslen.

Ez 14:9

Wi k'o ta jun q'alajirisanel ri nuya' jun rutzijol ri xa man qitzij ta, re' ja yin Jehová ri xibanon chire chi tiq'olon. Y k'ari' yin xtinya' ri rutojbalil-mak pa ruwi' y kan xtinkamisaj.

Wuj Richin ri Isaías 44:20

Re' xa achi'el xa ta natej chaj. Re' xa ruyon q'oloj. Re wineq re' man xtitikir ta xukol-ri', man xtiq'ax ta chuwech chi ri k'o pa ruq'a', xa man qitzij ta.

Wuj Richin ri Achin Job 12:16

Ri uchuq'a' y ri ch'akonik kan richin k'a ri Dios. Kan ja chuqa' rija' ri niq'aton-tzij pa ruwi' ri wineq ri niq'ol, y pa ruwi' ri niq'olon jun chik wineq.

2 Rey 22:20

Roma ri' man xtink'en ta pe ri ruk'ayewal rokik rat at k'es. Xkaken k'a rik'in uxlanibel-k'u'x y xkamuq kik'in ri awati't-amama'; keri' nubij ri Jehová xcha'. Y ri e wo'o' achi'a' ri' xbekibij k'a chire ri rey ri xbix-el chike.

2 Rey 20:7

K'ari' ri Isaías xubij chike ri rusamajela' ri Ezequías chi tikibana' juba' ke'en wíkix. Y rije' kan xkiben, y xkik'en k'a pe y xkiya' chuwech ri itzel ch'a'k richin nik'achoj-el.

Ez 8:10

Xinok k'a apo y xintz'et k'a ri tz'aq ri k'o chupan, nojineq ruwech rik'in wachibel kichin chikopi' ri e jepejeq y wachibel kichin chikopi' ri man e ch'ajch'oj ta y ronojel ruwech wachibel ri nikiya' kiq'ij ri nuwinaq.

Ex 7:11

Jari' toq ri rey xuteq koyoxik ri achi'a' aj-na'oj y ri achi'a' ri aj-itza'. Y toq rije' xe'apon kan xkiben chuqa' achi'el xuben ri Aarón.

Apocalipsis 2:10

Man tixibij-iwi' chuwech ri tijoj-poqonal ri xtipe pan iwi' ri chiwech-apo. Roma ri Itzel-Wineq xtuben chi ek'o jujun chiwe rix xkeruya' pa cárcel richin chi yerutejtobej. Lajuj k'a q'ij ri xkixk'oje' pa tijoj-poqonal. Jak'a kan kow kixk'oje' k'a toq xkixapon na chuwech ri kamik. Y yin xtinya' jun sipanik richin ch'akonik chiwe y ri' ja ri k'aslen ri man k'isel ta.

Apocalipsis 3:10

Y roma kan itaqen rik'in koch'onik ri nubij ri nuch'abel; yin kan xkixinchajij k'a chuwech ri ruk'ayewal ri xtipe pa ruwi' ri ruwach'ulew richin yetejtobex konojel ri winaqi'.

Apocalipsis 13:1

K'ari' xintz'et chi chupan ri palou xbe'el-pe jun nimalej itzel chikop. Re chikop re' k'o wuqu' rujolon y lajuj ruk'a'. Pa kiwi' ri lajuj ruk'a' k'o k'a jujun tz'ajtz'ik ch'ich'. Y pa kiwi' jujun jolomaj e tz'ibatel k'a jujun bi'aj, y re' nuyoq' rubi' ri Dios.

Apocalipsis 16:13

Y k'ari' yin xintz'et chi ri itzel keq rij chikop, ri nabey chikop ri xel-pe pa ya' y ri achin ri man qitzij ta q'alajirisey ruch'abel ri Dios,*f5* jujun achi'el xkalet ri xel-pe pa kichi'. Y re oxi' xkalet re', xa e oxi' itzel taq espíritu.

2 Crón 18:21

Y ri espíritu ri' xubij chi rija' xtibe y xtok jun espíritu richin tz'ukuj-tzij, y xtuben chike ri achi'a' ri e q'alajirisanela' richin xtikitz'uk-tzij. Y k'ari' ri Jehová xubij chire chi tibe y tiberubana' roma kan nitikir nuben chire ri Acab chi nibe y niken kan.