Apocalipsis 11:2 - Kaqchiquel Bible

² Jak'a ri ruwa-jay ri richin ri wachoch man tawetaj, roma xa jachon chik pa kiq'a' ri winaqi' ri man ketaman ta nuwech y kawineq ka'i' ik' xtikixeq'-xtikipalibej ri loq'olej tinamit Jerusalem.

နောက်ထပ်ဗားရှင်းများ

Kaqchikel Santo Domingo (Xenacoj)

² Pero ri chijay chin rachoch ri Dios, ma tawetaj, porque jachon pa kiqꞌaꞌ wineq ma israelitas ta, y 42 ikꞌ ndikiyeqꞌelaꞌ chi aqen ri loqꞌolej tinamit.

Kaqchikel Santa Maria de Jesus

² Pero ri roch jay richin ri ru-templo ri Dios, man tavataj, ruma xa jachuon chic pa quikꞌaꞌ ri vinak ri man israelitas ta; y cuarenta y dos icꞌ xtiquixakꞌ ri tanamet santa.

Kaqchikel Central Guatemala

² Jac'a ri ruva-jay ri richin ri rachoch ri Dios, man tavetaj, roma xa jachon chic pa quik'a' ri vinek ri man e israelitas ta. Cavinek c'a ic' riq'uin ca'i' xtiquixek'-xtiquipalibej ri lok'olej tinamit.

Re C'ac'a Testamento pa Kach'abal

² Jac'a re rojay chin re rachoch re Dios, man tavitaj roma can jachon chic pa quik'a' re vinak re man je israelitas-ta. Cuarenta y dos ic' c'a xtiquixak' y xtiquipilbej re lok'olaj tenemit.

Kaqchikel Western Solola

² Yac'a ri ruwajay ri riche (rixin) ri rachoch ri Dios, ma tawetaj ta, ruma xa jachon chic pa quik'a' ri winek ri ma ye israelitas ta. Cawinek ca'i' ic' ri xtiquipalbej ri lok'olaj tinamit.

Apocalipsis 11:2 ပူးပေါင်းရင်းမြစ်များ

Apocalipsis 12:6

Jak'a ri ixoq ri' xanimej-el, y xbe pa tz'iran ruwach'ulew, roma ri Dios kan chiri' rukanon-wi richin chi nilix oxi' juna' rik'in nik'aj.*f4*

San Lucas 21:24

E janila k'a k'iy winaqi' xkeken pa kiq'a' ri aj-labal. Y ri ch'aqa' chik chike ri winaqi' xke'uk'uex-el pa ch'aqa' chik ruwach'ulew. Y re Jerusalem xtixeq'-xtipalibex koma winaqi' ri xa man e judío ta, k'a ja toq xtapon ri q'ij toq man xtikiq'et ta chik tzij ri winaqi' ri' pa ruwi' ri Jerusalem.

Dn 7:25

Ri q'atoy-tzij ri k'o pa ruwi' re jun ajawaren re' kan xtuyoq' k'a ri nimalej Dios y kan xtuben chike richin nikitej poqon richin yek'is ri rutinamit ri Dios. Kan xtrajo' k'a xtujel ri rubanik ri pixa' y ri nimaq'ij ri e tz'ibatel kan chupan. Ri rutinamit ri Dios kan xkejach k'a pa ruq'a' rija' y kan xkek'oje' k'a pa ruq'a' k'a toq xtitz'aqet na ri oxi' juna' rik'in nik'aj.

Apocalipsis 11:3

Y yin xkenteq k'a el ri e ka'i' nusamajela', richin nikiq'alajirisaj ri nuch'abel chupan ri 42 ik' ri'.*f2* Y rije' kikusan tzieq richin bis, xcha'.

Dn 12:7

K'ari' ri ukusayon tzieq ri banon rik'in lino, kan xutzeqej k'a chi e ka'i' ruq'a' chikaj y xuya' rutzij pa rubi' ri Dios ri jantape' k'es, chi ronojel re' kan xtibetane', k'a toq xtitz'aqet na ri oxi' juna' rik'in nik'aj, toq ri uchuq'a' ri k'o kik'in ri rutinamit ri Dios xtik'is jumul, k'ari' toq xtitane' ronojel re'.

Apocalipsis 21:2

Y xintz'et ri k'ak'a' Jerusalem ruchapon-pe qajen chila' chikaj rik'in ri Dios. Kan jebel k'a ruchojmirisan y ruwiqon-pe ri', achi'el jun xten ri nuwiq-ri' jebel royoben ri ala' ri nik'ule-wi-el.

Wuj Richin ri Isaías 52:1

Kixk'astej, kixk'astej rix aj-Sión, kan tik'oje' iwuchuq'a'. Rix aj-Jerusalem kan tikusaj ri itziaq ri más jebel ok, roma kan man jun bey chik xtok jun wineq iwik'in ri man iwinaq ta o man ch'ajch'oj ta.

Apocalipsis 22:19

Y wi k'o chik jun ri xa nrelesaj ch'abel y nujel rubanik ri nuq'alajirisaj ri Dios chupan re jun wuj re', ri Dios kan xtuben chire chi man nutej ta ri ruwech ri che' ri richin k'aslen, man xtuya' ta q'ij chire richin nok-apo chupan ri k'ak'a' tinamit ri ch'aron roma ri Dios y man xtrichinaj ta ri utz ri nubij chupan re wuj re'.

San Mateo 27:53

y toq k'astajineq chik pe ri Jesús, xebe-el k'a pe y xe'apon k'a ri pa Jerusalem. Y kan chikiwech k'a e k'iy ri xkik'utula-wi-ki'.

San Mateo 5:13

Ja rix ri ix achi'el atz'an chikikojol ri winaqi'. Jak'a wi ta ri atz'an nik'is ta el ri ratz'amil, xa kan man jun chik k'a banel richin ta natz'amin. Xa man jun chik k'a nik'atzin-wi; xa kan xaxe chik k'a nik'atzin chi nik'aq-el y yeq'ax ri winaqi' pa ruwi'.

San Mateo 4:5

Chirij ri' ri Itzel-Wineq xuk'uaj ri Jesús k'a pa tinamit Jerusalem, y k'a ja ri pa ruwi' ri nimalej rachoch ri Dios xberuya-wi.

Dn 8:10

Kan janila k'a xnimer re jun uk'a' re' y kan xeberuq'i' ronojel ri ek'o chikaj; y xeruqasaj k'a pe juba' chire ri ch'umila' k'a pan ulew y xerupalibej.

Ez 42:20

Keri' k'a xeretaj ri kaji' kaqen ri tz'aq ri rusutin-rij ri rachoch ri Dios y ri kaqen chikijujunal re tz'aq re' 150 jaj. Y ja tz'aq re' ri rukojol ri ch'aron chire ri Dios y ri akuchi yek'oje-wi ri winaqi'.

Apocalipsis 11:11

Jak'a toq q'axineq chik ri oxi' q'ij rik'in nik'aj, xintz'et chi ri Dios xuben chi xk'oje' chik kik'aslen. Roma ri' rije' kan xepa'e' chik k'a el jun bey. Y ri winaqi' ri xetz'eton kichin, kan janila xkik'en rukiy.

Hebreos 10:29

Y wi keri', ¿man nich'ob ta kami rix chi xa más ruk'ayewal niqaqa pa ruwi' ri wineq ri nuxolq'otij ri rubi' ri Ruk'ajol ri Dios, y nuben chi man jun rejqalen ri rukik'el ri xya'on rejqalen ri jikibel-tzij?, roma ja kik' ri' ri xch'ajch'ojirisan ri ruk'aslen. Chuqa' ri wineq ri nixolq'otin richin, kan nretzelaj chuqa' ri Loq'olej Espíritu ri niya'on utzil pa qawi'.

Dn 7:19

Y xinwajo' chik k'a xinwetamaj ri nuk'exewachuj ri rukaj chikop, ri man junan ta kik'in ri ch'aqa', ri kan namey y kan nak'en rukiy ri rubanik, ri kan e achi'el q'eqapueq ri rey y ri rixk'eq kan q'enq'oj-pueq, ri kan nutej y nuwaq'aq'ej ronojel ri nril y ri man nuk'is ta kan nubech kan chi'aqen.

Wuj Richin ri K'uxla'anik 1:10

Ri e etzelanel kichin ri aj-Jerusalem kan xkichop-qa ri kibeyomel. Rije' kan xekitz'et k'a toq ri winaqi' maneq Dios chikiwech xe'ok-apo chupan ri rachoch rija', ri rubin kan chi man xabachike ta wineq nok-apo chupan.

Wuj Richin ri Isaías 48:2

Rix kan nibij chi ix richin ri tinamit ri nuch'aron yin, y chi kan ikuquban ik'u'x wik'in yin, Jehová k'iytisanel richin ronojel.

Wuj Richin Bix Chire ri Dios 79:1

Nimalej Dios, ri winaqi' ri man yatkitzeqelibej ta xepe wawe' chupan re aruwach'ulew. Xepe y xkiqasaj ruq'ij ri awachoch. Y kan xkiwulaj kan jumul ri tinamit Jerusalem.

Wuj Richin ri Q'axanri'il 14:34

Ri nachanela' kawineq q'ij ri xbekibana' richin xbekinik'oj ri ruwach'ulew. Y rix xtiq'axaj tijoj-poqonal roma ri imak y k'ari' xtiwetamaj achike rupoqonal ri xtiqaqa pan iwi', roma yin in yakatajineq chiwij. Re' k'o chi niq'axaj kawineq juna', jun juna' roma jun q'ij.

Wuj Richin ri Isaías 5:5

Wakami k'a xtinbenbij chiwe ri achike xtinbenbana' rik'in ri nutiko'n richin uva. Xa kan xtinwelesaj k'a ri qejoj chirij richin chi nik'is. Xtinwop k'a ri tz'aq ri rusutin-rij richin chi nipalibex kan.

Ez 4:6

Y toq xtitz'aqet ri 390 q'ij, k'o chi yatzale' pan awijkiq'a' kawineq q'ij. Y re' nuk'exewachuj ri kawineq juna' ruk'ayewal ri xtikiq'axaj ri awinaq judío roma ri kimak.

Dn 8:13

Chirij ri' xinwak'axaj k'a chi jun ángel nich'on, y k'o chik k'a jun ángel ri xch'on-apo chire ri nich'on nabey, y xuk'utuj chire chi janipe' nitane' ri itzel banobel rik'in ri kamelabel ri jantape' yesuj, y ri yakatajinenri'il chirij ri rachoch ri Dios y ri rutinamit, ri xejach pa ruq'a' ri ti ko'ol uk'a' ri kan xerupalibej.

Dn 8:14

Y xubij k'a ri nabey ángel: Re' xtitane' k'a toq xtitz'aqet na ri jubama wuqu' juna'. Chirij ri' k'ari' xtich'ajch'ojir chik jun bey ri rachoch ri Dios, xcha'.

Apocalipsis 21:10

Chupan k'a ri jun achi'el achik' ri xinben, ri ángel ri xch'on wik'in xiruk'uaj k'a pa ruwi' jun nimalej juyu', y chiri' k'a ojk'o-wi toq xuk'ut chinuwech ri Jerusalem ri cha'on roma ri Dios, ruchapon-pe qajen chila' chikaj.