Apocalipsis 11:12 - Kaqchiquel Bible

¹² Xintz'et chi ri e ka'i' q'alajirisey ruch'abel ri Dios ri xk'oje' chik el jun bey kik'aslen, xkak'axaj k'a jun ch'abel ri chila' chikaj ri xubij: xkijote-pe wawe', xcha'. Y rije' xejote-q'anej chikaj pa jun sutz', ri e etzelanel kichin kan jebel k'a xekitz'et-el toq xebe chikaj.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Y ri ekaꞌiꞌ samajelaꞌ riꞌ xkakꞌaxaj jun chꞌabꞌel chikaj ri kaw xubꞌij: ¡Kixjoteꞌ pe chireꞌ! Y xejoteꞌ e chikaj chupan jun nube chikiwech ri itzel xetzꞌeto kichin.

Kaqchikel Santa Maria de Jesus

¹² Y ri caꞌyeꞌ rusamajiel ri Dios xcaꞌxaj chi cꞌo jun ri nichꞌo-pa cof chicaj y nuꞌej chica: Quixjotie-pa vaveꞌ chicaj, xchaꞌ. Y ijejeꞌ xaꞌjotie-el chicaj chupan jun mukul. Y ri vinak ri itziel xaꞌtzꞌato quichin, can xaꞌquitzꞌat-el antok xaꞌa.

Kaqchikel Central Guatemala

¹² Y ri e ca'i' k'alajirisey ruch'abel ri Dios ri xc'oje' chic el jun bey quic'aslen, xcac'axaj c'a chi c'o jun ri nich'on-pe chique riq'uin uchuk'a' ri c'a chila' chicaj, y nubij c'a pe chique: Quixampe c'a vave' chicaj, xcha'. Y ri e ca'i' ri' can xebe na vi el chicaj chupan jun sutz'. Y ri vinek ri xe'etzelan quichin, can xequitz'et c'a el tok xebe chila' chicaj.

Re C'ac'a Testamento pa Kach'abal

¹² Y re je ca'e' re xe'tzijon re ruch'abal re Dios re xc'ue' chic-a quic'aslen jun bey, xquic'axaj che c'o jun nich'o-pa chique riq'uin poder c'a chila' chicaj, y nubij-pa chique: Quixampa vova' chicaj. Y re je ca'e' re' can xe'bo-va chicaj chupan jun nube. Y re vinak re xe'tzelan quichin, can xe'quitz'at-a tak xe'ba chila' chicaj.

Kaqchikel Western Solola

¹² Y ri ye ca'i' ri xek'alajsan ruch'abel ri Dios ri xec'astej el, xquic'axaj c'a chi c'o jun ri nich'o pe chique riq'ui ruchuk'a' ri chila' chicaj, y nubij c'a pe chique: Quixjote' pe wawe', xcha'. Y ri ye ca'i' ri' can xebe c'a el chicaj pa jun sutz'. Y ri winek ri xe'etzelan quiche (quixin), can xequitz'et c'a el tek xebe chila' chicaj.

Apocalipsis 11:12 ပူးပေါင်းရင်းမြစ်များ

Apocalipsis 4:1

Y k'ari' yin Juan, chupan ri achi'el achik', xintz'et chi ri chikaj jaqel jun achi'el ruchi-jay. Y xinwak'axaj chik ri ch'abel ri kan achi'el niq'ajan trompeta ri xinwak'axaj pa nabey y xubij k'a pe chuwe: Kajote-pe y xtink'ut k'a chawech ri xkebebanatej ri xtibe-apo, xcha'.

Hechos 1:9

Y kan xaxe chik k'a ri ch'abel ri' ri xubij kan, kan jari' xuchop xbe chila' chikaj. Y ri ek'o rik'in, kan kitzuliben k'a toq xyakatej-el chikiwech, y xok-el pa jun sutz', y man chik xkitz'et ta.

2 Rey 2:11

Y toq rije' yetzijon e beneq pa bey, chaq k'ate' xok'ulun jun carruaje qiriren-pe koma kiej, y ri kiej y ri carruaje kan pa ruxaq q'aq' k'a e peteneq-wi. Y re' kan xeruch'er k'a ri Elías y ri Eliseo, y ri Elías xuk'uex k'a el chikaj pa jun surkum.

1 Tesalonicenses 4:17

Y k'ari', ri k'a oj k'es na kan, jari' toq xqojuk'uex-el junan kik'in rije', pa taq sutz' chikaj, richin xtibeqak'ulu' ri ajaw. Y xqojbek'oje' rik'in rija' richin jantape'.

Apocalipsis 12:5

Ri ixoq ri' kan xalex na wi ri ti ral y ti ala'. Jak'a xa xelesex-el chuwech richin xuk'uex-apo chuwech ri Dios y xya'ox rutz'uyubal. Re ak'ual re' ja rija' xtiq'aton-tzij achi'el xa ta rik'in jun ch'ich' pa ruwi' chijun ri ruwach'ulew.

Apocalipsis 3:21

Achike k'a ri xtich'akon, kan xtinya' k'a q'ij chire richin chi nitz'uye' junan wik'in. Kan achi'el ri xban chuwe yin toq xich'akon, y xitz'uye' rik'in ri Nata' Dios.

San Lucas 16:23

Jak'a rija' xa xbe akuchi k'o tijoj-poqonal. Rija' xtzu'un-pe, y jari' toq xutz'et ri Abraham, k'a nej k'a k'o-wi. Xutz'et k'a chuqa' ri Lázaro raq'el-apo chuwa-ruk'u'x ri Abraham.

Wuj Richin ri Isaías 60:8

¿Achike re' ri yexik'an achi'el sutz', y achi'el paloma richin yebe pa taq kisok?

Wuj Richin ri Isaías 40:31

Jak'a ri kikuquban kik'u'x rik'in ri Jehová kan xtikik'ul k'ak'a' uchuq'a', achi'el uchuq'a' ri k'o kik'in ri kot toq anineq yebe chikaj. Kan xke'anin y man xkekos ta. Kan xkebiyin janila y kan man xtik'is ta ri kuchuq'a'.

2 Rey 2:5

Y chiri' pa tinamit Jericó ek'o k'a jun chik tzobaj e q'alajirisey ruch'abel ri Dios. Y rije' xbekik'ulu' ri Eliseo y xkibij chire: ¿Awetaman chi ri Jehová xtrelesaj-el ri awajaw chawech chupan re q'ij re'?, xecha'. Y rija' xubij: Ja, wetaman chik. Man jun chik tibij, xcha'.

2 Rey 2:1

Chirij k'a ronojel re', ri Elías rachibilan ri Eliseo e peteneq chupan ri bey ri nipe pa tinamit Guilgal. Y kan xnaqajub yan k'a pe ri q'ij toq ri Jehová xtuk'uaj-el ri Elías chila' chikaj, pa jun surkum.*f1*

Wuj Richin ri Malaquías 3:18

Jari' k'a toq rix xtitz'et chi man junan ta ri xtinben chike ri e choj y ri itzel kik'aslen, y keri' chuqa' xtitz'et rukojolil ri xkesamajin wichin y ri man xkesamajin ta wichin.

Wuj Richin ri Isaías 14:13

Rat kan xabij-qa chi xkajote-el chila' chikaj, k'a akuchi ek'o-wi ri ch'umila', richin najikiba' ri atz'uyubal richin q'atoj-tzij ri chiri'. Xach'ob chi yabek'oje' pa juyu' ri akuchi nikimol-wi-ki' ri ch'aqa' chik dios.

Wuj Richin Bix Chire ri Dios 112:10

Jak'a toq ri wineq banoy etzelal nutz'et re', kan xtiyakatej royowal. Kan xtuqach'ach'ila' rey roma ri royowal y xa xtipe ruyabil. Keri' ri kirayibel ri e banoy taq etzelal, xa xtik'is.

Wuj Richin Bix Chire ri Dios 86:17

Taya' k'a jun retal ri awutzil pa nuwi', tikitz'eta' ri e etzelanel wichin y kek'ixbitej, roma rat Jehová kan xinato' y xakuquba' nuk'u'x.

Wuj Richin Bix Chire ri Dios 24:3

¿Achike ta k'a xtitikir xtijote' pa ruwi' ri juyu' richin ri Jehová? ¿Achike kami xtitikir xtapon ri k'a akuchi k'o-wi rija'?

Wuj Richin Bix Chire ri Dios 15:1

Jehová, ¿achike k'a ri xtik'oje' chupan ri awachoch? ¿Achike k'a ri xtik'ase' chupan ri juyu' ri acha'on rat?

2 Rey 2:7

Y e kitzeqeliben k'a e kawineq lajuj chike ri e q'alajirisey ruch'abel ri Dios, y rije' xepa'e' kan nej chike ri Elías y ri Eliseo ri ek'o chunaqaj ri raqen-ya' Jordán.

Ex 14:25

Y rija' kan xuben k'a chi xeqitz'iqo' ri ki-rueda ri carruaje y roma ri' man xetikir ta chik xebe anineq. Y jari' toq ri aj-Egipto xkibij: Más utz qojanimej chikiwech ri israelita, roma kan ja ri Jehová ri nibanon oyowal chiqij roj, pa kik'exel rije', xecha'.