Apocalipsis 1:13 - Kaqchiquel Bible

¹³ Y pa kinik'ajal ri wuqu' kandelero ri' pa'el jun achi'el wineq, rukusan jun rutziaq ri napon k'a chiraqen-qa. Y rukusan chuqa' jun ximibel banon rik'in q'anapueq, y re ximibel re' q'axineq chuwa-ruk'u'x.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ Y pa kinikꞌajal ri candeleros xintzꞌet Jun ri kin achel ri aj chikaj ri xuꞌalex chiqakajal. Ri rutziaq rukusan ndeqaqa hasta chiruqul raqen y ximil rorukꞌuꞌx rikꞌin jun ximibꞌel bꞌanun chare qꞌanapueq.

Kaqchikel Santa Maria de Jesus

¹³ Y pa nicꞌaj ri siete (vukuꞌ) candeleros, paꞌl jun ri can incheꞌl ri Jun ri Xtak-pa chicaj chi xalax chikacajol. Ri rutziak cꞌa nika-ka cꞌa chukul rakan, y chucꞌuꞌx nakꞌax jun cinturón ri bꞌanun cha oro.

Kaqchikel Central Guatemala

¹³ Y pa quinic'ajal ri vuku' candeleros pa'el c'a jun ri can achi'el ri Jun ri xalex chikacojol, rucusan jun rutziak ri napon c'a chiraken ka. Y rucusan chuka' jun ruximbal banon riq'uin k'anapuek, y re ximbel re' chuva-ruc'u'x nik'ax-vi.

Re C'ac'a Testamento pa Kach'abal

¹³ Y pa quinic'ajal re vuku' ruc'ojlebal candelas re' pa'al Jun re can ancha'l re Jun re xbalax-ka chakacojol, rucusan jun rutziak re napon-ka c'a charakan. Y rucusan chuka' jun cinturón re banon cha k'anapuak, y re cinturón re' chuc'o'x nak'ax-va.

Kaqchikel Western Solola

¹³ Y pa quinic'ajal ri wuku' candeleros ri', pa'el c'a jun ri can achi'el ri C'ajolaxel ri xalex chkacojol, rucusan jun rutziak ri napon c'a chraken ka. Y ri chuwaruc'u'x k'axnek jun ximibel ri banon riq'ui k'anapuek.

Apocalipsis 1:13 ပူးပေါင်းရင်းမြစ်များ

Ex 39:5

Y ri ximibel-rupan xa jun k'a rubanon rik'in ri efod. Xuben k'a rik'in q'anapueq, rik'in ri betz' raxroj, rik'in betz' q'eqq'oj-keq y betz' keq rik'in lino ri jebel batz'in. Ri rubanik kan achi'el k'a ri xubij ri Jehová chire ri Moisés.

Wuj Richin ri Isaías 11:5

Roma ronojel xtuben pa ruchojmilal, man jun bey xtitzaq pa jun pajk'ibel; y roma kan jantape' xtuben ri nubij, xtitikir xtuk'achojirisaj ri rusamaj.

Dn 10:16

Jari' toq rija' xuchop ri nuchi', y kan jari' k'a xich'on y xinbij chire: Roma ri xk'utumej chinuwech, yin kan janila yibison, y maneq chik wuchuq'a'.

Dn 7:13

Yin kan k'a nutzuliben na ronojel ri xk'utumej chinuwech, y chaq k'ate' k'a xintz'et jun chik banobel. Xintz'et k'a chi chupan ri sutz' chila' chikaj, peteneq k'a jun ri xo'alex achi'el jun wineq rubanik. Y xkiben chire richin xjel-apo chuwech ri k'aslik Dios.

Dn 7:9

Chirij ri' yin xintz'et k'a chi ek'o tz'uyubel richin q'atbel-tzij ri xechololex-qa. Xintz'et k'a jun chik tz'uyubel, y chiri' xtz'uye-wi ri k'aslik Dios. Ri rutziaq kan lox-lox k'a nitzu'un achi'el ri chuma-tew. Ri rusumal-ruwi' kan seq-seq, achi'el ri betz' seq. Ri rutz'uyubal richin ri ruq'atbal-tzij kan nik'a'on pa q'aq', Y chuxe-qa ri rutz'uyubal ek'o rueda, y ri ru-rueda kan keq-keq rubanon pa q'aq'.

Wuj Richin ri Chojmirisabelri'il 8:7

Y k'ari' ri Moisés xuwiq ri Aarón rik'in ri nim raqen tzieq, xubetz' rupan rik'in ri ximibel, k'ari' xuya' chik jun rutziaq ri más ko'ol juba' raqen y chirij ri' xuya' chik qa ri efod, y re' kan xuxim jebel rik'in ri ruximibal.

Hebreos 4:15

Ri qanimalej sacerdote kan retaman ri niqana' toq man jun quchuq'a', roma toq xk'oje' re wawe' chuwech re ruwach'ulew, rija' xtejtobex rik'in ronojel ruwech mak, achi'el yojtejtobex roj; xaxe rija' man xmakun ta.

Apocalipsis 14:14

Y toq xitzu'un yan chik, xintz'et k'a jun sutz' seq. Y pa ruwi' k'a re sutz' re' tz'uyul jun ri xo'alex achi'el wineq. Rija' rukusan k'a jun corona ri banon rik'in q'anapueq y ri pa ruq'a' ruk'uan jun jos ri janila rey.

Apocalipsis 15:6

Y chiri' xebe'el-wi-pe ri e wuqu' ángel ri jachon jujun ruk'ayewal pa kiq'a'. Y ri kitziaq ri e kikusalon, ja ri tzieq lino ri seq-seq y kan niyik'lun. Y ri chuwa-kik'u'x ik'owineq k'a jun ximibel ri banon rik'in q'anapueq.

Apocalipsis 2:1

K'ari' xubij chuwe: Tatz'ibaj k'a el chire ri ángel kichin ri molaj nimanela' ri chiri' pan Éfeso y tabij-el chire, chi ri jun ri ek'o ri wuqu' achi'el ch'umila' pa rijkiq'a', ri nibiyaj chikikojol ri wuqu' kandelero ri e banon rik'in q'anapueq nubij: