Am 9:7 - Kaqchiquel Bible

⁷ Ri Jehová nubij: Chinuwech yin, rix israelita xa ix junan kik'in ri winaqi' etíope. Yin xixinwelesaj-pe pa ruwach'ulew Egipto. Chuqa' xenwelesaj-pe pa ruwach'ulew Creta ri aj-Filistea. Y chupan ri ruwach'ulew Quir xenwelesaj-pe ri winaqi' Sirio.

Am 9:7 ပူးပေါင်းရင်းမြစ်များ

2 Rey 16:9

Y rija' kan xrak'axaj k'a ri xbix chire, y kan xyakatej k'a chirij ri tinamit Damasco. Kan xuch'ek y kan xeruk'uaj k'a el ri winaqi' pa tinamit Quir. Chuqa' xukamisaj k'a kan ri Resín.

2 Crón 14:12

K'ari' ri Jehová xuya' k'a ch'akonik pa kiq'a' ri Asá y ri aj-Judá richin chi ri aj-Etiopía xa xe'animej chikiwech.

2 Crón 14:9

Y k'o k'a jun etzelanel richin ri Asá ri xbeyakatej-pe chirij, y xebek'oje' pa tinamit Maresá. Ri etzelanel richin aj-Etiopía, rubini'an Zérah, y e ruk'amon-pe 1000,000 aj-labal y 300 carruaje.

Ex 12:51

Keri' k'a ri rubanik toq ri Jehová xerelesaj-pe pa ruwach'ulew Egipto; kan konojel k'a ri tzobaj richin ri nimalej tinamit Israel xe'el-pe.

Wuj Richin ri Isaías 20:4

Keri' chuqa' xtuben ri rey richin Asiria chike ri aj-Egipto y chike ri aj-Etiopía. Ri alaboni' y ri rijita'q taq achi'a' kan xkech'ane' k'a, y maneq kixajab xtibekikusaj toq xke'uk'uex-el pa ximonri'il. Y kan xtiq'alajin k'a ri kacheq richin jun k'ixbilal ri chiri' pan Egipto.

Wuj Richin ri Isaías 22:6

Ri aj-Elam kan xkinojisaj chik ri k'ojelibel richin kich'ab, y kan e ch'okol chik chikij ri kikiej, chuqa' e tz'uyul chik pa taq ki-carruaje. Ri aj-Quir xkelesaj yan ri kitobal richin xkebe pan oyowal.

Wuj Richin ri Isaías 43:3

Roma ja yin Jehová, ri in i-Dios. Ja yin ri Loq'olej ri ink'o pan iwi' rix israelita. Chuqa' yin ri in ikolonel. Kan xinya' ri tinamit Egipto richin xixinkol, y ri tinamit Etiopía y ri Sabá xinya' pan ik'exel.

Wuj Richin ri Jeremías 13:23

¿Nitikir kami jun wineq q'eq, nok ta seq? ¿Nitikir kami jun balma nrelesaj-el ri taq seq'eseq ri ek'o chirij? Rix chuqa' winaqi' aj-Judá, man yixtikir ta chik niben ri utz, roma kan ruk'ulun chik chiwe richin niben ri etzelal.

Wuj Richin ri Jeremías 47:4

Xtapon ri q'ij richin xkixk'is rix aj-Filistea y man xkixtikir ta chik xke'ito' ri aj-Tiro y ri aj-Sidón, roma yin Jehová xkik'ison iwichin rix ri xixpe richin xo'ito-iwi' pa ruwach'ulew Creta.

Os 12:13

Rik'in k'a jun q'alajirisey nuch'abel xenwelesaj-pe ri israelita pan Egipto, kan xeyuqex k'a roma ri q'alajirisanel ri', nubij ri Dios.

Am 1:5

Kan rik'in ri nimalej wuchuq'a' xtinjoq' ruchi' ri tz'aq richin ri Damasco. Kan xtinkamisaj ri rey richin ri Bicat-avén. Chuqa' xtink'is ri niq'aton-tzij pa ruwi' ri Bet-edén. Ri aj-Siria xke'uk'uex-el pa ximonri'il pa ruwach'ulew Quir. Yin Jehová ri yibin.

Am 2:10

Jak'a ri kati't-kimama' ri israelita xenwelesaj-pe pan Egipto. Y kawineq k'a juna' xenk'uaj pa tz'iran ruwach'ulew. Yin xinben ronojel re' richin xinya' ri kiruwach'ulew kan ri amorreo chike.

Deut 2:23

Ri winaqi' heveo ri xek'oje' pa taq kokoj tinamit ri napon k'a pa tinamit Gaza, xek'is koma ri aj-Filistea ri e peteneq pa ruwach'ulew Caftor y ja rije' ri xek'oje' kan pa kik'exel.