Am 9:2 - Kaqchiquel Bible

² Stape' xtikewaj kan ki' chuxe' re ruwach'ulew yin kan xkenwelesaj-pe k'a chiri'. Chuqa' stape' xkejote-q'anej nej chire ri kaj yin kan k'a chiri' xkenbenqasaj-wi-pe.

Am 9:2 ပူးပေါင်းရင်းမြစ်များ

Wuj Richin ri Achin Job 20:6

Stape' ri runimirinen ri wineq kan nuq'i' ta el ri kaj, y roma ri rupalen kan nuq'i' ta q'anej ri sutz' rik'in ri rujolon.

Wuj Richin ri Achin Job 22:13

Y roma ri' rat nach'ob: Wi k'a kela' k'o-wi ri Dios, man nretamaj ta achike nik'uluwachitej wawe', Kan man nitikir ta nuq'et-tzij pa ruwi' ri wineq, roma xa k'a chirij el ri sutz' k'o-wi,

Wuj Richin ri Achin Job 24:23

Rija' nuben chike chi jikil y kuqul kik'u'x e k'es; jak'a ri bey ri kik'uan kan tzuliben roma rija'.

Wuj Richin ri Achin Job 26:6

Ri Dios kan jebel e rutzuliben ri jul ri akuchi yemuq-wi ri kaminaqi', kan man ewatel ta chuwech rija' ri akuchi yebek'is-wi kan ri kaminaqi'.

Wuj Richin ri Achin Job 34:22

Ri ruchuq'a' ri ruwech ri Dios, kan maneq k'a q'equ'm ni muj chuwech, roma ri' ri winaqi' ri e banoy taq etzelal kan man yetikir ta nikewaj-ki' chuwech.

Wuj Richin ri Isaías 2:19

Toq ri Jehová xtiyakatej richin nusiloj ri ruwach'ulew, ri winaqi' xtikewaj-ki' chuxe' nima'q taq abej, y chuxe' taq jul xtikewaj-ki' chuwech ri Jehová, roma rija' kan k'o rukiy y ri rusaqil ri ruk'ojlemal kan nunojisaj ri ruwach'ulew rik'in xibinri'il.

Wuj Richin ri Jeremías 49:16

Rix kan ye'ixibij ch'aqa' chik y kan janila inimirisan-iwi', roma kan ikuquban ik'u'x kik'in ri nimalej taq abej. Jak'a stape' xixjote' pa ruwi' nima taq juyu' y stape' ibanon isok k'a janila nej achi'el nuben ri kot, yin kan xkixinqasaj-pe k'a chiri'.

Wuj Richin ri Jeremías 51:53

Y stape' ri aj-Babilonia xtikipaba' ta q'anej jun tz'aq ri k'a nej jotol chikaj, k'a chiri' xkenteq ri e etzelanel chikij richin yekik'is. Yin Jehová ri yibin.

Ez 26:20

Y konojel k'a winaqi' xkeken-el y xke'apon akuchi ek'o-wi ri kaminaqi', ri xek'ase' ojer kan. Keri' k'a xkixk'oje' chikikojol kaminaqi' ri ek'o chuxe' ri ulew ri e wulatejineq chik kan richin jantape'. Y man jun bey chik xkaq'alajin chuwech re ruwach'ulew.

Ez 31:14

Y re' xtibanatej chi kan man jun chik ruwach'ulew xtinimer-q'anej achi'el re jun che' re', stape' kan chuchi' ya' k'o-wi. Konojel k'a ruwach'ulew k'o chi yek'is; achi'el yeken ri winaqi' y k'o chi yemuq chuxe' ulew y nibekimolo-ki' chiri' akuchi ek'o-wi ri ch'aqa' kaminaqi', keri' xtibanatej kik'in rije'.

Wuj Richin ri Abdías 1:4

Jak'a yin ninbij chi stape' ta yixxik'an achi'el ri kot, y chikikojol ta ri ch'umil niben-wi ri isok, yin chuqa' chiri' xkinapon-wi, richin k'a chiri' xkixinqasaj-pe k'a pan ulew.

San Lucas 10:18

Ri Jesús xubij chike: Ja', kan qitzij ri nibij. Roma yin kan xintz'et chi ri Itzel-Wineq, xtzaq-pe chila' chikaj, kan achi'el koyopa' ri xuben.