Am 9:11 - Kaqchiquel Bible

¹¹ Chupan ri q'ij ri' yin xtinyek chik q'anej jun bey ri rajawaren ri David, achi'el niyak-q'anej jun jay wulatejineq. achi'el toq ninojisex chik ruwech ri tz'aq; achi'el toq niyak chik q'anej ri wulatejineq kan. Y kan xtinben chik chire achi'el ri rubanon ojer kan.

Am 9:11 ပူးပေါင်းရင်းမြစ်များ

Wuj Richin ri Achin Job 1:10

Rija' kan k'o chi nuya' aq'ij roma kan jebel aloq'oq'en. Achajin ri rixjayil, ri e ralk'ual y ronojel ri k'o rik'in. Kan aya'on aq'a' pa ruwi' ronojel ri rusamaj y roma ri' janila chik k'iy beyomel ri rumolon chuwech ri ruwach'ulew.

Wuj Richin Bix Chire ri Dios 143:5

Noqaqa chinuk'u'x ri q'ij richin ojer. Ninquqa' rij ronojel ri meyel taq abanobal, rat Jehová. Ninch'ob rij ri nimalej awuchuq'a'.

Wuj Richin Bix Chire ri Dios 80:12

¿Achike roma xaya' q'ij chi ri e etzelanel qichin xe'ok-pe, y wakami xa nuk'uex-el ronojel ri k'o qik'in?

Wuj Richin Bix Chire ri Dios 89:40

Xawulaj k'a el ri tz'aq ri rusutin-rij ri rutinamit. Ri tz'aq ri akuchi yek'oje-wi ri chajinela' kan xaben chi xek'is-el.

Wuj Richin ri Isaías 16:5

toq xtipe jun rey ri k'o joyowanik rik'in. Rija' jun chike ri rijatzul kan ri David, y kan xtiberuq'ata-tzij rik'in chojmilal. Kan chi'anin xtuq'et-tzij pa ruchojmilal.

Wuj Richin ri Isaías 5:5

Wakami k'a xtinbenbij chiwe ri achike xtinbenbana' rik'in ri nutiko'n richin uva. Xa kan xtinwelesaj k'a ri qejoj chirij richin chi nik'is. Xtinwop k'a ri tz'aq ri rusutin-rij richin chi nipalibex kan.

Wuj Richin ri Isaías 58:12

Ri iwinaq xtikiyek chik el jun bey ri tinamit ri e wulatejineq kan. Xtiben-qa ri ruxe' ri kan e wulatejineq kan ojer. Y kan xtubini'aj: Tinamit ri Chojmirisey Richin ri Wulatejineq.

Wuj Richin ri Isaías 63:11

Jak'a rije' xa xoqaqa k'a chikik'u'x ri xkiq'axaj ojer toq xk'oje' ri Moisés. Xoqaqa k'a chikik'u'x toq ri Dios xerukol ri qati't-qamama' chupan ri Kaqa-Palou, y ri Moisés xeruk'uaj achi'el nuben jun yuq'unel kik'in ri rawej. Chuqa' xoqaqa chikik'u'x toq ri Dios xuteq-pe ri ru-Espíritu pa kiwi'.

Wuj Richin ri Isaías 65:9

Jak'a kan xtinben chi xkek'oje' kan rijatzul ri Jacob, y kan xtinben chi xkek'oje' kan winaqi' chiri' pa Judá, ri xkek'ase' chiri' pa taq nujuyu'. Ri xencha' kan yin, kan xtikichinaj kan ri ruwach'ulew ri', y ri nusamajela' kan chiri' xkek'oje-wi kan.

Wuj Richin ri Jeremías 18:9

Chuqa' pa jun chik ramaj yibech'on pa kiwi' ri winaqi' y pa kiwi' ri kiq'atbel taq tzij richin yenpaba' chik q'anej jun bey y xkek'iyer chik.

Wuj Richin ri Jeremías 30:9

Kan ja yin Jehová ri i-Dios ri xkinisamajij y yin xtinkanoj jun i-rey richin niq'aton-tzij pan iwi' y ri' jun chike ri rijatzul kan ri rey David.

Wuj Richin ri Jeremías 46:26

Y xtinben chi xketzaq pa kiq'a' ri aj-Babilonia richin chi yekikamisaj. Jak'a chirij re' ri aj-Egipto xkek'ase' chik jun bey pa kiruwach'ulew, achi'el ri kibanon-pe. Yin Jehová ri yibin.

Wuj Richin ri K'uxla'anik 5:21

Tajoyowaj chik k'a qawech Jehová, richin kan xtitzolej chik k'a qak'u'x awik'in. Tabana' chi xqojkikot achi'el ri ojer kan.

Ez 17:24

Y kan konojel k'a che' ri ek'o pa taq juyu' xtiketamaj chi ja yin Jehová. Yin xtintorij xabachike che' ri runimirisan-ri' y ri ko'ol che' xtinben-q'anej nim chire. Yin ninchaqirisaj ri che' ri rex-rex rubanon y ninben rex chire ri che' chaqi'j. Yin Jehová ri yibin y kan ninben k'a ri ninbij, xcha'.

Ez 36:11

Chuqa' xtinben chi xkek'iyer chik q'anej ri winaqi' y ri chikopi', chuwech chijun ri ruwach'ulew achi'el rubanon ojer. Y kan xtinben k'a chi xtik'oje' más kibeyomel chuwech ri ojer kan. K'ari' xtiketamaj chi ja yin Jehová.

Os 3:5

Chirij ri' xketzolej chik pe ri israelita, kan xtikikanoj chik k'a ri Jehová ri ki-Dios. Xtikikanoj k'a ri ki-rey chikikojol ri e rijatzul kan ri David. Chupan ri ruk'isibel taq q'ij kan xtikik'en rukiy ri Jehová. Kan xkekikot k'a rik'in ronojel ri rubanon rija' kik'in.

Wuj Richin ri Abdías 1:17

Jak'a chupan ri juyu' Sión ek'o ri xkekolotej kan, y ri juyu' ri' kan xtok xaxe richin ri Dios. Ri e rijatzul kan ri Jacob xtikichinaj chik jun bey ri kulew.

Wuj Richin ri Miqueas 5:2

Jak'a xtipe pe jun q'atoy-tzij pa tinamit Belén ri chuqa' nibix Efrata chire. Stape' ri tinamit ri' maneq rejqalen chikiwech konojel ri tinamit richin Judá, kan kik'in rije' xtel-wi-pe re q'atoy-tzij re'. Y rija' kan samajineq-wi-pe pa nabey.

Wuj Richin ri Miqueas 7:11

Rix aj-Jerusalem, kan peteneq k'a ri q'ij chi xtipaba' chik jun bey ri tz'aq ri rusutin-rij ri itinamit. Toq xtapon ri q'ij ri' ri ruk'ulba't ri iruwach'ulew kan xtinimer.

Wuj Richin ri Miqueas 7:14

Jehová, tabana' utzil ke'ayuq'uj ri awinaq rik'in ri awutzil. Tayuq'uj re tzobaj karne'l re' re kan e awichin rat. Roma xa kiyon-ok ek'o pa k'echelaj ri e sutin-rij rik'in qasanbel taq ulew. Tabana' utzil ke'ayuqej chik ri awinaq, achi'el xaben ri ojer kan, toq xe'ayuq'uj chupan ri soq'olbel richin ri Basán y ri Galaad.

Wuj Richin ri Miqueas 7:8

Rix ri ix etzelanel qichin, man kixkikot chiqij, roma stape' xojtzaq, xa kan xqojyakatej chik. Stape' xojk'oje' pa q'equ'm, jak'a ri Jehová jari' ri saqil chiqe roj.

Wuj Richin ri Zacarías 12:7

Jak'a yin Jehová, kan xkenkol nabey ri ek'o pa Judá, richin keri' ri kiruwaq'ijaj ri winaqi' aj-Jerusalem y ri rajawaren kan ri David man xtikinimirisaj ta ki' pa kiwi' ri aj-Judá.

Wuj Richin ri Zacarías 14:10

Chijun ri ruwach'ulew ri' xtok taq'aj, nuchop-pe pa Geba y napon k'a pa Rimón ri k'o pa xokon chire ri Jerusalem. Jak'a ri Jerusalem xtik'oje' pa jotol y kan xkek'oje' chik winaqi' chuwech, nitiker-pe ri akuchi k'o-wi ri okinen richin Benjamín ri k'o pa relebel-q'ij, napon k'a akuchi k'o-wi ri okinen richin ri tz'aq ri nusutij-ri', ri k'o pa qajbel-q'ij. Nuchop chik ri akuchi k'o-wi ri okinen rik'in ri torre richin Hananel ri k'o pa xaman, y napon k'a akuchi nipitz'-wi ri uva ri richin ri rey, ri k'o pa xokon.

Wuj Richin ri Zacarías 6:12

Xkach'on k'a rik'in y xtaya' re jun rutzijol re' chire, yin Jehová k'iytisanel richin ronojel ri yibin: Re wawe' k'o jun ri rubini'an Ri Xjotayin-pe, roma xa xtik'iy-pe achi'el nuben ri ruq'a-che', richin ja rija' xtichojmirisan chik q'anej ri wachoch.

Wuj Richin ri Q'axanri'il 24:18

Xtuch'ek ri ruwach'ulew Edom, ja', xtuch'ek ri tinamit Seír, ri etzelanel kichin. Jak'a ri tinamit Israel kan xtik'oje-el kuchuq'a'.