Am 8:8 - Kaqchiquel Bible

⁸ Kan xtisilon ri iruwach'ulew roma ronojel re'. Chi'iwonojel rix kan xkixoq'. Ri iruwach'ulew xtijote' y xtiqaqa achi'el nuben ri raqen-ya' Nilo.

Am 8:8 ပူးပေါင်းရင်းမြစ်များ

Wuj Richin Bix Chire ri Dios 18:7

K'ari' xpe jun nimalej silonel; y kan xesilon k'a ri ruxe' ri juyu'. Kan chijun k'a ruwach'ulew xsilon roma kan xpe royowal ri Jehová.

Wuj Richin ri Isaías 5:25

Roma k'a re banobel re' xyakatej janila royowal ri Jehová chiwij. Y roma ri' kan xtutzeqej k'a ri ruq'a' chiwij richin nuya' ri rutojbalil pan iwi'. Ri juyu' kan xkesilon k'a, y ri kich'akul ri qawinaq ri xkeken, kan xkepunupuxin pa taq bey; xa kan achi'el k'a q'ayis xtikiben. Man rik'in ri' ri royowal ri Jehová man jani tiq'ax, roma ri royowal rija' xa kan k'o k'a pan iwi'.

Wuj Richin ri Jeremías 12:4

¿K'a janipe' k'a xtibanatej?, roma ri ruwach'ulew janila chaqi'j y ri ichaj ri ek'o pa taq juyu' xemayamo-qa. Roma ri itzel taq kibanobal ri winaqi' ri', ri chikopi' y ri aj-xik' taq chikopi' kan yekamiyaj k'a. Pa ruwi' ri', ri winaqi' ri' kan nikich'ob chi rat man ye'atz'et ta pe rik'in ri itzel taq kibanobal, xicha' chire rija'.

Wuj Richin ri Jeremías 46:7

Ri rajawaren ri Egipto nimirineq achi'el ri raqen-ya' Nilo, ri janila nibolqo't ruwi'. Y ri winaqi' nikibij: Roj kan xqojyakatej y ri qajawaren xtinimer chuwech chijun ruwach'ulew y kan nibeqak'isa' konojel tinamit y ri winaqi' ri ek'o chiri', yecha'.

Wuj Richin ri Jeremías 51:29

Ri ruwach'ulew Babilonia nisilon y nibaybot roma kan najin ronojel ri nubin yin Jehová pa ruwi' ri ruwach'ulew ri', roma kan xtok kan jun tz'iran.

Dn 9:26

Toq xq'ax yan ri 483 juna', kan xtelesex k'a ruk'aslen ri tata'al ri', jak'a xa man roma ta rumak rija'. Chirij re' jun aj-raqen ri man etaman ta ruwech y ri ruwinaq xkepe pa Jerusalem achi'el jun raqen-ya' ri nel-el pa ruk'ulba't. Y kan xtikiwulaj k'a ri tinamit Jerusalem y ri rachoch ri Dios. Ri ruk'ayewal y ri labal kan xtik'oje' k'a jantape' k'a toq xtik'is na ri 490 juna', achi'el ri rubin ri Dios.

Os 10:5

Ri winaqi' aj-Samaria xa kan xtikixibij-ki', roma ri ruwachibel ri alaj achij wákix ri xk'oje' pa Bet-aven. Kan xkebison k'a roma xa xtuk'uex-el chikiwech. Ri winaqi' y ri sacerdote kan xke'oq' k'a, roma xa xtik'is-el ronojel ri ruwaq'ijaj ri xk'oje' kik'in.

Os 4:3

Roma ri' kan xtibek'oje' k'a bis chupan ri ruwach'ulew. Konojel ri k'o kik'aslen kan xtik'is k'a kuchuq'a'. Ri chikopi' ri e aj pa q'ayis y ri aj-xik' taq chikopi', kan xkeken chuqa'. Jajun ri ker ri ek'o pa ya' kan xkeken chuqa'.

Am 8:10

Chuqa' xtinben chi ri nimaq'ij xa xtibe'ok richin oq'ej roma ri kaminaqi', Chuqa' ri bix xaxe chik richin q'axo'n. Xtinben chiwe chi xtikusaj itziaq richin bis y kan xtisokaj-el ri rusumal-iwi' richin retal q'axo'n. Xkixoq' k'a achi'el toq noq'ex jun juney ak'ual toq niken. Y kan ronojel xtik'is rik'in q'axo'n.

Am 9:5

Ri Jehová ri Dios ri k'o ronojel uchuq'a' pa ruq'a', nuchop-qa juba' ri ruwach'ulew y ri ulew kan niya'er-qa. Kan jari' toq konojel ri winaqi' nikichop oq'ej. Chupan ri q'ij ri' ri ruwach'ulew kan nijote' y niqaqa achi'el nuben ri raqen-ya' Nilo.

Wuj Richin ri Nahum 1:8

Jak'a ri e etzelanel richin kan xkeruk'is el, achi'el nuben jun nim raqen-ya' ri kan nibolqo't y nuk'uaj-el ronojel. Ri Jehová kan xkeruq'i' k'a ri e etzelanel richin chupan jun nimalej q'equ'm richin yeruk'is.

San Mateo 24:30

Jari' toq ri chikaj xtitz'etetej ri wetal yin ri xiqaqa-pe achi'el wineq chi'ikojol, y k'ari' ri winaqi' xke'oq'. Jari' toq konojel k'a kiwech winaqi' ri ek'o chuwech re ruwach'ulew, xkinkitz'et chi ja yin ri yiqaqa-pe pa sutz' ri chila' chikaj, rik'in chik nimalej uchuq'a' y rik'in nimalej nuk'ojlemal.