Am 8:6 - Kaqchiquel Bible

⁶ Kan xtiqak'ayij ri rij ri trigo. Rik'in ri' keqaloq'o' ri man jun k'o kik'in. Keqajala' rije' rik'in jun k'ulaj xajab, yixcha'.

Am 8:6 ပူးပေါင်းရင်းမြစ်များ

Am 2:6

Kere' nubij ri Jehová pa kiwi' ri aj-Israel: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan xekik'ayij ri winaqi' ri xa maneq kimak. Xekijel ri winaqi' ri man jun k'o kik'in rik'in juk'ulaj xajab.

Am 8:4

Tiwak'axaj k'a rix winaqi' ri yixtz'ilo kichin ri maneq ok kiq'ij, y xa kan niben chike ri man jun ok k'o kik'in chi yek'oje' kan más pa meba'il.

Joel 3:6

Kan xe'ik'ayij-el nej ri nuwinaq aj-Judá y ri aj-Jerusalem; kan xe'ik'ayij-el chike ri aj-Grecia richin xe'iwelesaj-el chupan ri kiruwach'ulew.

Joel 3:3

Y kan xekiya' pan etz'anen ri nuwinaq richin xekik'uaj; chuqa' kan xekik'ayij-el ri taq ak'uala' chi alaboni' chi xtani'. Y ri méro xkikusaj richin xek'oje' kik'in ixoqi' ri man utz ta kik'aslen, richin chuqa' xkiloq' vino chire richin xkiqum.

Wuj Richin ri Nehemías 5:8

Y xinbij chike: Roj kan qatijon-pe qaq'ij richin e qakolon-pe ri qawinaq ri xek'ayitej-el chike ri ch'aqa' chik winaqi' richin jun chik ruwach'ulew. Y wakami, xa ja chik rix ri yixloq'on-qa kichin ¿Kan nich'ob rix chi ja roj k'o chi yojkolo chik kichin?, xicha'. Y rije' man xeq'ajan ta, kan man jun ch'abel xetikir xkibij.

Am 3:9

Tiya' rutzijol chike ri winaqi' ri ek'o pa jay richin tobel chiri' pa tinamit Asdod. Tiwak'axaj ri rutzijol rix ri ixk'o pa jay richin tobel chiri' pan Egipto. Timolo-iwi' pa taq juyu' richin Samaria richin titz'eta' ri wululen ri k'o chiri', y titzu' ri kamik ri nibanatej.

Am 4:1

Rix ixoqi' aj-Samaria, kan janila ix ti'oj, achi'el ri wákix ri ek'o pa ruwach'ulew Basán. Rix kan janila ye'itz'ila' ri winaqi' ri man jun k'o kik'in. Rix niben chike ri iwachijilal chi tikik'ama-pe más vino richin yixq'aber. Roma ri' tiwak'axaj re ch'abel re':

Ez 22:12

Chuqa' jujun chiwe rix yixtoj richin niben jun kamik. Niya' méro pa qajik chike ri iwinaq y kan nik'utuj ral. Y jujun chiwe rix janila k'iy ral ri méro nik'utuj chike ri man e iwinaq ta. Janila k'iy nik'utuj chike ri iwachpochel toq rije' ek'o pa ruk'ayewal. Y pa ruwi' ronojel re' kan xinimestaj kan yin Jehová ri ink'o pa ruwi' ronojel.

Wuj Richin ri Zacarías 5:6

Yin xinbij chire chi man wetaman ta. Y rija' xubij chuwe chi ri' jun chakech ri nikusex richin etabel. Y re' nuk'exewachuj ri itzel kibanobal ri winaqi'.