Am 8:2 - Kaqchiquel Bible

² Y ri Dios xuk'utuj chuwe ri achike nintz'et. Y yin xinbij chire chi nintz'et jun chakech ruwech che' ri jebel e cheq', e cheq' chik. Y ri Dios xubij chuwe: Achi'el re ruwech che' re', ri utz chik richin yewux y nimol kichi', keri' chuqa' ri winaqi' israelita ruk'amon chik chi yemol y ye'uk'uex-el. Y roma ri' yin kan man jun bey chik xtinkuy ri kimak.

Am 8:2 ပူးပေါင်းရင်းမြစ်များ

Wuj Richin ri Rutikeribel 6:13

jari' toq rija' xubij chire ri Noé: Xinch'ob chi yenk'is konojel ri k'o kik'aslen chuwech ri ruwach'ulew, roma ri ruwach'ulew k'isineq pa ruk'ayewal, roma ri itzel taq kirayibel y roma ri' xkenmes k'a el konojel chuwech re ruwach'ulew.

Wuj Richin ri Isaías 28:4

Stape' ri tinamit ri' k'o chunaqaj ri taq'aj, y kan achi'el kotz'i'j ri xmayamo' yan qa, jak'a kan chi'anin xtichapatej achi'el yechap ri nabey ruwech ri wíkix richin yetij.

Wuj Richin ri Jeremías 40:10

Y yin xkik'ase' re wawe' pa Mispá richin yenk'ul-apo ri aj-Babilonia ri xkepe qik'in. Jak'a rix tiwuxu' ri uva y tibana' vino chire. Chuqa' tiwuxu' ruwech taq che' richin yetij y ri aceite. Ke'iyaka' kan jebel pa taq yakonabel y kixk'oje' k'a chiri' pa taq tinamit ri akuchi xkixk'oje-wi, xcha' chike.

Wuj Richin ri Jeremías 5:31

Ri nikibananej chi e q'alajirisey nuch'abel xa ruyon tz'ukun taq tzij ri xkiben; ri e sacerdote nikiq'et-tzij achi'el ri nikajo' rije' y ri nutinamit ja ri keri' ri nikajo'. ¿Achike k'a xtiben rix toq xtapon ri q'ij richin ri q'atoj-tzij?

Wuj Richin ri K'uxla'anik 4:18

Ri e etzelanel qichin kan kitzuliben k'a ri qaxaka'l, k'a toq man xojtikir ta chik xojbiyin chupan ri qatinamit. Xa kan xapon k'a ri q'ij richin yojk'is. Wakami xqil k'a qaq'ij.

Ez 12:23

Jak'a rat tabij chike ri nuch'abel. Yin kan xtinben k'a chi man xtikamulux ta chik re jun k'ambel-tzij re' ri chiri' pan Israel. Pa ruk'exel re', ri q'ij xnaqajub yan pe richin nibebanatej ronojel ri xink'ut chawech.

Ez 29:8

Roma ri' yin Jehová ninbij chi kan xtinben k'a chiwe chi xkixchap chi oyowal y xkixkamisex k'a chi'iwonojel rix y ri iwawej.

Ez 3:10

Kan taya' k'a ri axikin y tik'oje' pan awánima ronojel ri xinbij chawe.

Ez 3:7

Jak'a ri awinaq israelita xa man xkeniman ta chawe, roma xa kan man nikajo' ta yinkak'axaj. Konojel rije' xkikowirisaj-ki' richin man yeniman ta chuwe y man jun niq'ax chikiwech.

Ez 7:6

Ri ruk'isibel taq q'ij kan noqaqa yan el y kan naqaj chik k'o-wi, ja q'ij ri' toq xtibek'is ri iruwach'ulew Israel.

Ez 8:12

Y ri Dios xubij chuwe: Rat Ezequiel, tatz'eta' k'a ronojel ri yekibanala' pan ewel re achi'a' re' y chikijujunal rije' kan ek'o-apo pa kik'ojelibal ri wachibel richin nikiya' kiq'ij Y kan nikibij-qa chi yin man yentz'et ta y chi yin xenmalij yan kan.

Ez 8:17

K'ari' ri Jehová xubij chuwe: Rat Ezequiel, tatz'eta' k'a la nikiben ri awinaq. Rije' kan man nikibij ta chi ri nikiben jun mak. Chuqa' rije' kan e jaqatajineq chupan ri ruwach'ulew richin nikiben etzelal y kan kiyakon k'a janila woyowal.

Ez 8:6

Y xubij: Rat Ezequiel, ¿natz'et kami la nikiben ri awinaq israelita? Ri banobel ri' kan man niqa' ta chinuwech yin y re' nuben chuwe richin ninya' kan ri wachoch. Y pa ruwi ri'; xa kan ek'o chik ch'aqa' ri kan más e k'ayew, xcha'.

Os 9:7

Xapon k'a ri q'ij chi niqaqa ri rutojbalil-mak, kan xtiqaqa k'a pan iwi' ri ruk'amon chiwe rix. Rix aj-Israel kan xtiwetamaj k'a chi xoqaqa yan pan iwi' ronojel re'. Rix israelita kan nibij k'a: La q'alajirisanel la' xa maneq runa'oj. La rusamajel ri Dios xa xch'ujer, yixcha'. Ronojel re' nibij roma kan ix nojineq chi etzelal. Kan janila k'a nim ri ch'upun-k'u'x ri k'o pan iwánima.

Am 7:8

Y xuk'utuj chuwe: ¿Achike ri natz'et?, xcha'. Y yin xinbij chire: Nintz'et jun plomo ri nukusaj ri aj-tz'aq, xicha'. Y ri Jehová xubij chuwe: Rik'in re jun plomo re' yin yitikir nintz'et chi man choj ta kik'aslen ri awinaq israelita. Y roma ri' kan man jun bey chik xtinkuy ri kimak.

Am 8:1

Ri Jehová Dios xuk'ut chinuwech pa jun achi'el achik'. Y xubij chuwe: ¿Achike ri natz'et?, xcha'. Y yin xinbij chire: Nintz'et chi k'o k'a jun chakech nojineq rik'in ruwech che' ri kan jebel e cheq', e cheq' chik, xicha'.

Wuj Richin ri Miqueas 7:1

Kan maneq chik winaqi' chuwach'ulew ri kan choj ta kik'aslen; maneq chik ri kuqul ta kik'u'x rik'in ri Dios. Kan toq'ex k'a nuwech yin roma yenkanoj y man yenwil ta. Yin in achi'el jun ri nukanoj uva toq xa xk'ol yan el ronojel. Yin kan xinrayij ta k'a xintej ri nabey taq ruwech ri wíkix, jak'a xa maneq. Konojel k'a ri winaqi' xa kan xaxe ri kamik nikajo' nikiben. Chi kach'alal-ki' nikiyala' tzaqibel pa taq kibey.

Wuj Richin ri Zacarías 5:2

Y ri ángel xuk'utuj k'a chuwe ri achike ri yinajin chutz'etik. Y yin xinbij chi nintz'et jun wuj ri beneq pa kaq'iq' ri k'o waqi' jaj raqen y ka'i' jaj rik'in oxi' q'a'aj ri ruwech.