Am 8:12 - Kaqchiquel Bible

¹² Ri winaqi' kan xtisach k'a kik'u'x; Kan xtikikanoj k'a ri nuch'abel. Stape' xke'el-el chupan ri Tzayi-Choy, y xke'apon chupan ri palou ri k'o pa qajbel-q'ij; y stape' xke'el-el pa xokon y xke'apon pa xaman, jak'a kan man xtikil ta chik ri nuch'abel.

Am 8:12 ပူးပေါင်းရင်းမြစ်များ

Wuj Richin Etamabel-Tzij 1:28

Y jari' toq rix kan xkiniwoyoj richin yixinto', jak'a yin man xkiniman ta chiwe; k'ari' toq rix xkinikanola' y xa man xkiniwil ta chik.

Wuj Richin Etamabel-Tzij 14:6

Ri wineq ri xa niyojoben, kan man xtril ta ri na'oj; jak'a ri wineq ri kan nowineq, kan chi'anin k'a nuq'i-q'anej ri etamabel.

Wuj Richin Etamabel-Tzij 29:18

Toq kan e maneq achi'a' yech'abalin ri nuq'alajirisaj ri Dios, ri winaqi' richin jun tinamit xa maneq rubeyal ri kik'aslen; jak'a ri wineq ri kan nutaqej ri rupixa' ri Dios, kan jebel k'a ruwa-ruq'ij.

Ez 20:3

Rat Ezequiel, kach'on kik'in ri achi'a' ri xepe awik'in y tak'utuj chike wi e peteneq richin yinkik'ulubej. Roma yin kan ninjikiba-nutzij pa nubi-qa yin chi man xtinya' ta q'ij chi yech'on wik'in.

Ez 20:31

Toq ye'isuj-apo ri ik'ajol richin yeporox richin jun kamelabel, rix kan yixok man ix ch'ajch'oj ta roma niya' kiq'ij ri wachibel, k'ari' niwajo' yinik'ulubej toq xa man utz ta ri ye'ibanala'. Roma ri' yin kan ninya' nutzij richin chi man xtink'uluba' ta pe ri ich'abel.

Dn 12:4

Jak'a rat Daniel, kan tatz'apej kan jebel re wuj re', k'a toq xtapon na k'a ri ruq'ijul richin ri ruk'isibel taq q'ij. Chupan ri q'ij ri' ri winaqi' kan xtikitej k'a kiq'ij richin niketamaj, y ri etamabel kan xtibe k'a pa jotol, xcha' chuwe.

Os 5:6

Chirij k'a ri' xkekik'uaj k'a ri kiwákix y ri kikarne'l, richin chi xkinkikanoj yin Jehová. Jak'a xa kan man xkinkil ta roma yin xa man xkik'oje' ta chik kik'in.

San Mateo 12:30

Wi rix man ixk'o ta wik'in, xa ix yakatajineq chuwij. Y achike ri man nito'on ta wichin richin nink'ol ri tiko'n, xa jari' ri nitalun ronojel.

1 Sam 3:1

Ri ti ala' Samuel nuben ri rusamaj ri Jehová chuxe' rutzij ri sacerdote Elí. Y chupan ri q'ij ri' man beneq ta ruwech k'o jun wineq ri k'o niq'alajirisex chuwech roma ri Jehová, y man nuk'ut ta ri' chikiwech pa kachik'.