Am 8:10 - Kaqchiquel Bible

¹⁰ Chuqa' xtinben chi ri nimaq'ij xa xtibe'ok richin oq'ej roma ri kaminaqi', Chuqa' ri bix xaxe chik richin q'axo'n. Xtinben chiwe chi xtikusaj itziaq richin bis y kan xtisokaj-el ri rusumal-iwi' richin retal q'axo'n. Xkixoq' k'a achi'el toq noq'ex jun juney ak'ual toq niken. Y kan ronojel xtik'is rik'in q'axo'n.

Am 8:10 ပူးပေါင်းရင်းမြစ်များ

Wuj Richin ri Rutikeribel 21:16

K'ari' rija' xbek'oje-pe pa jun la'eq oxi' raqen k'an, roma man nrajo' ta nutz'et toq niken ri ral. Y k'ari' ri Agar xsik'in-q'anej chi oq'ej.

Wuj Richin ri Achin Job 20:23

Y toq kan ruchapon k'a rumolik ri rubeyomel, jari' toq ri Dios xtuya-pe ruk'ayewal pa ruwi', roma q'aq'arneq roma royowal. Y ri ruk'ayewal ri', man xaxe ta xtumej rija', xa kan xtumej chuqa' ri ruway-ruk'ya'.

Wuj Richin ri Achin Job 3:5

Jebel ta ri', xa ta ri q'ij ri' xqa' ta q'equ'm y muj pa ruwi', kan ta xmuqutej ri q'ij ri' roma ri q'equ'm; y ri rumujal ri ik' xuk'en ta pe xibinri'il pa ruwi' ri q'ij ri'.

Wuj Richin ri Achin Job 30:31

Ri ruch'abel ri arpa ri nuq'ojom, kan bis-bis k'a ninwak'axaj yin, y ri niq'ajan ri nuxul, xa achi'el nujililej oq'ej.

Wuj Richin ri Isaías 3:24

Roma ri' keri' k'a xtibanatej pa tinamit Sión: Pa ruk'exel ri jubulej taq aq'om, ri ixoqi' xa xkechuwir-pe. Pa ruk'exel jun jebelej ximibel-kipan, xa xtik'oje' jun kolo' richin xkexim-el toq xkebe pa ximonri'il. Pa ruk'exel jebelej taq jikoj rusumal-wi'aj, xa maneq chik rusumal-kiwi'. Pa ruk'exel ri jebelej taq tzieq, xa xtikikusaj qiriqoj taq tzieq richin bis. Y pa ruk'exel jebejoj ok yetzu'un, xa xtiya'ox ketal chi kipalej rik'in q'aq'.

Wuj Richin ri Jeremías 2:19

Ri Jehová k'iytisanel richin ronojel nubij: Ri imak xtuben chiwe chi xtuk'en-pe rutojbalil pan iwi' y ri itzel bey ri xik'uaj kan xkixruk'uaj pa tijoj-poqonal. Chiri' xtitz'et-wi jebel chi janila itzel y janila ruk'ayewal nuk'en-pe, toq xinimalij kan yin Jehová ri i-Dios y man xk'oje' ta chik nukiy chiwech.

Wuj Richin ri Jeremías 48:37

Konojel winaqi' xa xtikisokaj-el ri rusumal-kiwi', chuqa' xtikelesaj-el ri rusumal-kichi'. Konojel k'a xtikisokola' ri kiq'a' y xtikikusaj tzieq richin bis.

Wuj Richin ri Jeremías 6:26

K'ari' ri Dios xubij chike: Rix ri yixinwajo', tikusaj k'a itziaq richin bis retal richin k'o q'axo'n. Tibolqotila-iwi' pa chaj y kixk'oje' k'a pa bis achi'el toq yixbison chirij jun iwalk'ual ri kan xe'ok rija' y xken-el. Kixoq' k'a roma re jun bis re' kan janila nim, roma kan xtipe yan ri xtik'ison iwichin.

Wuj Richin ri K'uxla'anik 5:15

Kan man jun chik k'a ri kikoten pa qánima. Pa ruk'exel yojtzopin ta roma kikoten, xa kan ruyon q'axo'n k'o.

Ez 7:18

Xtikikusaj k'a tzieq qiriqoj-qiriqoj retal richin bis, kan xkebaybot roma xibinri'il, kan xtikaqer ri kipalej roma k'ix y xtikisokaj ri rusumal-kiwi' retal richin k'ixbilal.

Ez 7:2

Rat Ezequiel, taya' k'a re jun rutzijol re' chike ri awinaq: Ri ruk'isibel q'ij naqaj chik k'o-wi.

Os 2:11

Ronojel ri kikoten ri k'o rik'in kan xtinwelesaj k'a chire. Xtinpaba' k'a ri nimaq'ij richin ri k'ak'a' taq ik' y ri q'ij richin uxlanibel, kan ronojel k'a nimaq'ij xtinpaba'.

Os 2:13

Xtinya' k'a rutojbalil-mak pa ruwi' roma ri janipe' q'ij xkamela'an chuwech ri Baal. Kan nuwiq-el-ri' rik'in ri ruwi-ixkinaj y ri richinaj richin nitzeqe-el chikij ri ch'aqa' chik achi'a', richin chi xirumestaj kan yin, nicha' ri Jehová.

Joel 1:8

Roma ri' kixjoq' k'a, achi'el noq' jun xten; jun xten ri kan rukusan jun tzieq richin bis, achi'el nroq'ej rukamik ri ala' ri nibek'ule' yan rik'in.

Wuj Richin ri Chojmirisabelri'il 13:40

Wi k'o ta jun wineq ri nuchop nitzaq-el ri rusumal-ruwi' pa rusut, o wi nuchop chuqa' nitzaq-el ri rusumal-ruwi' ri pa ruwi-q'anej ri nik'aj-ruwech, re' kan ch'ajch'oj.

Am 5:21

Yin kan ninwixowaj ri nimaq'ij ri niben; kan itzel nintz'et toq nimol-iwi' richin niya' nuq'ij.

Am 5:23

Tiwelesaj-el chinuwech ri ibix roma xa itzel ninwak'axaj. Y man ninwajo' ta chik ninwak'axaj ruch'abel ri iq'ojom.

Am 8:3

Chupan ri q'ij ri' ri bix ri nibixex chupan ri rachoch ri ki-dios xa xtok jun bix richin bis. Janila e k'iy winaqi' ri xkeken, y xkepunupuxin kan ri kich'akul chupan ri ruwach'ulew, xcha' ri Jehová.

Wuj Richin ri Nahum 1:10

Ri e etzelanel kan kisuq'un-ki' chupan jun k'ix ri man yetikir ta chik nikikol-ki'. Chuqa' kan achi'el nuben jun q'abarel. Kan xkek'is k'a achi'el ri chaqi'j k'im.

Wuj Richin ri Zacarías 12:10

Xtinben chike ri e aj pa rachoch kan ri David y ri aj-Jerusalem chi xtipe rayinik kik'in richin yech'on wik'in, y xtik'oje' utzil kik'in. Stape' xkiju' jun kum pa nuch'akul, jak'a kan xkinkitzu' chik jun bey. K'ari' xkebison k'a y xke'oq' k'a woma yin, achi'el xa ta niken jun juney ak'ual.

Deut 16:14

Y kan kixkikot k'a chupan ri nimaq'ij, toq yixuxlan y niya' ruq'ij ri Dios; rix, ri iwalk'ual, ri isamajela', ri e levita, ri winaqi' ri man e iwinaq ta, ri meba'i' y ri malkani' ri ek'o chupan ri iruwach'ulew.