Am 7:4 - Kaqchiquel Bible

⁴ Ri Dios xuk'ut chinuwech jun chik achi'el achik' y xintz'et k'a chi xuteq-pe ruk'ayewal rik'in q'aq' pa qawi'. Y kan xuchaqirisaj ri nimalej palou ri k'o chuxe' ri ruwach'ulew y xuchop yan nuporoj ri qasanbel ulew.*f2*

Am 7:4 ပူးပေါင်းရင်းမြစ်များ

Wuj Richin ri Isaías 27:4

Man woyowal ta chik chire ri nutiko'n. Stape' ek'o k'ix ri kan janila kik'ixal, yin xa kan xkenya' pa q'aq'.

Wuj Richin ri Jeremías 21:12

Rix ri aj pa rachoch kan ri rey David, kan tiq'ata' k'a tzij pa ruchojmilal ronojel q'ij. Kan tikolo' ri wineq ri nitz'ilox roma jun chik wineq. Roma wi man keri' ta xtiben y man niya' ta kan ri itzel taq ibanobal, ninwelesaj woyowal chiwij ri achi'el q'aq' rubanik. Nik'at k'a y man jun nitikir nichupun. Yin Jehová ri yibin.

Wuj Richin ri Jeremías 4:4

Titzolij-iwi' chiwij y tibana' chuwe richin chi ja yin ri iwajaw. Tiya' k'a pan iwánima ri retal richin ri nujikibel-tzij. Man xa rik'in juba', roma ri itzel taq ibanobal ri ye'ibanala', ri woyowal kan nibejinijo-pe achi'el q'aq', ri man jun nitikir nichupun.

Ez 21:3

Yin kan xkinok k'a etzelanel kichin y xtinwelesaj ri nu-espada chikij y kan xkenkamisaj konojel ri winaqi', ri choj kik'aslen y ri aj-maki'.

Joel 1:19

Kan chawe k'a rat Jehová ri jantape' niqak'utuj, roma ri q'aq' kan xuk'is ri q'os ri ek'o pa taq soq'olbel; chuqa' xeruk'et ri che' ri ek'o pa juyu'.

Joel 2:30

Chupan ri kaj xtinben chi xkebanatej ri man jun bey e tz'eton ta, y keri' chuqa', ri chuwech ri ruwach'ulew. Xtinben chi xtitz'etetej kik', q'aq' y sib ri kan achi'el chik nima'q taq sutz'.

Wuj Richin ri Chojmirisabelri'il 10:2

Y roma ri keri', xrepero-pe jun q'aq' rik'in ri Jehová richin xuk'is ri kik'aslen. Rije' kan chuwech k'a apo ri Jehová xeken-wi.

Am 1:4

Roma ri' xtinya' ruq'aq'al ri rachoch ri rey Hazael, y ri q'aq' ri' xtuk'is k'a chuqa' ri jay richin tobel ri richin ri rey Ben-hadad.

Am 1:7

Roma ri' xtinya' ruq'aq'al ri tz'aq ri sutiyon-rij ri tinamit Gaza, y ri q'aq' ri' chuqa' xtuk'is ri jay richin tobel richin ri rey.

Am 2:5

Roma ri' xtinya' ruq'aq'al ri ruwach'ulew Judá. y ri q'aq' ri', xtuk'is ri jay richin tobel ri ek'o pa Jerusalem.

Am 4:11

Xinya' jun ruk'ayewal pan iwi' achi'el xinben kik'in ri aj-Sodoma y ri aj-Gomorra. Rix kan ix achi'el jun si' k'atineq rutza'n ri elesan-el pa q'aq'. Man rik'in ri' man xtzolej ta pe ik'u'x wik'in. Yin Jehová ri yibin.

Am 5:6

Titzolej-pe ik'u'x wik'in yin rix ri ix rijatzul kan ri José, y xkixk'ase' chi utzil. Wi man xtiben ta, xtinteq-pe q'aq' pan iwi'. Y ri q'aq' ri' xtuk'is ri Betel, y man jun chik wineq ri xtik'oje' ta kan richin xtuchup ri q'aq' ri'.

Am 7:1

Ri Dios xuk'ut chinuwech pa jun achik' re xtintzijoj chiwe wakami: Rija' kan yerunaba' k'a sak' richin yebebos-pe pa taq tiko'n. Y re' xbanatej toq xelesex yan el ri nabey tiko'n ri richin ri rey, toq k'a man jani tapon ri q'ij richin nik'ol ri ch'aqa' chik tiko'n.

Am 7:7

Ri Jehová xuk'ut chik chinuwech jun achi'el achik'. Y xintz'et chi rija' pa'el pa ruwi' jun tz'aq, y ruchapon jun k'an ri k'o jun plomo chutza'n achi'el nukusaj jun aj-tz'aq.

Wuj Richin ri Miqueas 1:4

Ri akuchi niq'ax-wi ri Jehová kan yebelel-qa ri nima'q taq juyu', achi'el niya'er-qa ri cera chuwech ri q'aq'. Ri taq'aj kojol taq juyu' kan xkesoboso-qa, achi'el nuben jun raqen-ya' chuwech jun ruwa-xulan.

Wuj Richin ri Nahum 1:6

¿Achike kami nitikir nikoch'on ri royowal rija'? ¿Achike ta k'a nitikir nikoch'on ri ruq'aq'al ri royowal? Roma ri royowal rija' kan nitix achi'el ri ch'ich' ri ya'erisan pa q'aq', y chuwech k'a rija' yepax ri nima'q taq abej.

Wuj Richin ri Q'axanri'il 16:35

Y chaq k'ate' k'a xqaqa-pe q'aq' chila' chikaj rik'in ri Jehová y xeruk'is ri e 250 achi'a' ri xesuju pom.

Deut 32:22

Ri ruq'aq'alen ri woyowal ri yakatajineq kan achi'el k'a jun nimalej q'aq'. re q'aq' re' kan xtapon k'a ri ruchuq'a' k'a akuchi ek'o-wi-qa ri kaminaqi'. kan xtuk'is ri iruwach'ulew y ri tiko'n ri ek'o chuwech, y chuqa' xtuq'i' y xtuk'is ri kixe' ri juyu'.

Hebreos 1:7

Chikij ri ángel xaxe nubij:*f2* Ri nu-ángel ninben chike chi e achi'el ri kaq'iq', chi e achi'el ri ruxaq-q'aq', nicha'.

Apocalipsis 4:1

Y k'ari' yin Juan, chupan ri achi'el achik', xintz'et chi ri chikaj jaqel jun achi'el ruchi-jay. Y xinwak'axaj chik ri ch'abel ri kan achi'el niq'ajan trompeta ri xinwak'axaj pa nabey y xubij k'a pe chuwe: Kajote-pe y xtink'ut k'a chawech ri xkebebanatej ri xtibe-apo, xcha'.