Am 7:17 - Kaqchiquel Bible

¹⁷ Roma ronojel re', ri Jehová xuteq-pe re rutzijol re' chawe: Ri awixjayil xtuchop itzel k'aslen wawe' pa tinamit. Ri awalk'ual xkekamisex rik'in espada. Ri awulew xtitalux chikiwech ch'aqa' chik winaqi'. Rat xkaken chiri' pa ruwach'ulew Asiria. Y konojel ri awinaq israelita xke'uk'uex-el pa ximonri'il; xke'uk'uex-el nej chire ri kiruwach'ulew, nicha' ri Jehová, xcha' ri Amós.

Am 7:17 ပူးပေါင်းရင်းမြစ်များ

Os 9:3

Rix kan man k'a xkixk'oje' ta kan chupan ri ruwach'ulew ri richin ri Jehová. Rix aj-Israel xa kan xkixtzolej chik k'a chupan ri ruwach'ulew Egipto, xkixbek'oje' k'a pan Asiria, chiri' kan xtitej k'a ronojel ri man ch'ajch'oj ta.

2 Rey 17:6

K'ari' chupan ri juna' beleje' toq niq'aton-tzij ri Oseas, ri rey richin Asiria xuch'ek ri Samaria, y xeruk'uaj-el ri winaqi' aj-Israel pan Asiria. Xeruya' k'a pa tinamit Halah y pan Habor chunaqaj ri raqen-ya' Gozán y chuqa' chupan ri kitinamit ri ek'o pa kiruwach'ulew ri aj-Media.

Ez 4:13

Keri' ri awinaq ri ek'o kan chupan ri Jerusalem, kan xtikitej k'a ri man ch'ajch'oj ta y chuqa' ri chiri' pa ruwach'ulew ri akuchi ri xkentaluj-wi-el, xcha'.

Wuj Richin ri Jeremías 28:16

Roma ri', ri Jehová nubij chi rija' xkarelesaj k'a el chuwech re ruwach'ulew. Chupan re juna' re' xkaken, roma rik'in ri ach'abel xe'ataqchi'ij ri winaqi' richin xeyakatej chirij ri Dios, xicha' chire.

Am 7:11

roma ninbij chi ri Jeroboam nibekamisex rik'in espada, y konojel ri ruwinaq xke'uk'uex-el pa ximonri'il.

Wuj Richin ri Jeremías 29:21

Yin Jehová k'iytisanel richin ronojel ri yibin. Jare' ri ninbij pa kiwi' ri Acab ruk'ajol ri Colaías*f10* y ri Sedequías ruk'ajol ri Maaseías, roma rije' kan nikiben richin nikiq'alajirisaj pa nubi' yin, ri man qitzij ta. Roma ri' wakami xkenjech-el pa ruq'a' ri Nabucodonosor y rija' kan chiwech k'a rix, xkerukamisaj-wi.

Wuj Richin ri Zacarías 14:2

Jak'a pa nabey yin xkenmol konojel ri winaqi' richin ri ruwach'ulew richin xtikiben labal kik'in ri aj-Jerusalem. Kan xtich'akatej k'a, y xke'eleq'ex k'a el ronojel ri k'o rejqalen. Ri ixoqi' kan xtiqasex k'a kiq'ij koma achi'a'. Y nik'aj chire ri tinamit xke'uk'uex-el. Jak'a ri ch'aqa' chik k'a xkek'oje' na kan ri chiri', xcha' ri Dios.

Wuj Richin ri K'uxla'anik 5:11

Ri ixoqi' ri e richin ri tinamit Sión xa kan xqasex kiq'ij roma xek'oje' achi'a' kik'in, stape' rije' man xkajo' ta. Kan keri' chuqa' xkik'uluwachij konojel ri xtani' ri ek'o pa Judá.

Wuj Richin ri Jeremías 29:25

chi kere' nubij ri Jehová k'iytisanel richin ronojel, Dios richin Israel, roma rat xateq wuj pan abi' chike konojel ri winaqi' ri ek'o pa Jerusalem y chire ri sacerdote Sofonías ruk'ajol ri Maaseías y chike ri ch'aqa' chik sacerdote. Y ri wuj ri' nubij:

Wuj Richin ri Jeremías 28:12

Xq'ax yan juba' q'ij toq ri Hananías xrelesaj yan ri yugo chinuqul y kan xuq'ej y jari' toq ri Jehová xch'on wik'in y xubij chuwe:

Wuj Richin ri Jeremías 20:6

Y rat Pashur, xaq'alajirisaj ruyon tz'ukun taq tzij, roma ri' rat, konojel ri ek'o pan awachoch y ri awachibil xkixbe pa ximonri'il chiri' pa Babilonia. Y chiri' xkixken-wi kan y chiri' xkixmuq-wi, xicha' chire.

Wuj Richin ri Isaías 13:16

Kan chikiwech k'a rije' xkepotz'ix pan ulew ri taq kalk'ual. Ronojel ri rupan kachoch kan xtelesex-el chike, y ri kixjayilal kan xtiqasex k'a kiq'ij, roma xkek'oje' achi'a' kik'in stape' rije' man xtikajo' ta.

Wuj Richin Bix Chire ri Dios 78:55

Kan xerelesaj k'a el ri winaqi' aj chiri' ri man nikitzeqelibej ta rija'. Xuch'er k'a ri kiruwach'ulew, chikiwech ri qati't-qamama', richin chi ri kalk'ual nikichinaj kan, chikijujunal rik'in ri kitzobaj.

Wuj Richin ri Jeremías 14:16

Y ri winaqi' richin ri tinamit ri achoq ik'in xkech'on-wi, xkeken chuqa' chupan ri labal y ri wayjal, keri' chuqa' xkeken ri kixjayilal y ri kalk'ual. Y ri kich'akul xtipune' kan pa taq bey richin Jerusalem y man jun achike xkemuqun kichin. Kan keri' k'a xtinben chike richin xtikitoj ri kimak.

Am 6:7

Roma ri' rix nabey xkixbe pa ximonri'il, y keri' nik'is-el ronojel nimaq'ij ri ye'iben.

Am 8:1

Ri Jehová Dios xuk'ut chinuwech pa jun achi'el achik'. Y xubij chuwe: ¿Achike ri natz'et?, xcha'. Y yin xinbij chire: Nintz'et chi k'o k'a jun chakech nojineq rik'in ruwech che' ri kan jebel e cheq', e cheq' chik, xicha'.

Am 9:1

Yin xinben chik jun achi'el achik', y xintz'et ri Jehová pa'el chunaqaj ri porobel, y xubij chuwe: Ke'asiloj ri ruwi' pilar richin xkekorotej ronojel che'; richin nitzaq-qa ronojel pa kiwi' ri winaqi'. Y ri xkekolotej kan, ja yin xkikamisan kichin rik'in espada. Kan man jun xtitikir xtiberewaj-ri', ni man jun xtukol kan ri'.

Am 9:8

Yin Jehová xintz'et yan k'a chi rix kan ix janila aj-maki'. Roma ri' kan xkixinwelesaj-el chuwech re ruwach'ulew. Jak'a man xkixink'is ta el jumul.

Wuj Richin ri Miqueas 1:16

Y ri winaqi' aj-Judá xtikisokaj-el ri rusumal-kiwi' richin nikik'ut chi yebison. Xtikijos-el ri rusumal-kiwi', y xketz'anatz'o' kan achi'el ri k'uch. Y ri kalk'ual rije' ri janila yekajo' xa kan xke'uk'uex-el pa ximonri'il.

Wuj Richin ri Isaías 22:18

Kan xkarusururej-pe achi'el niban chire jun pelota, y kan xkaruk'eq-el k'a pa jun chik ruwach'ulew, y nej xkaken-wi kan. Chiri' xkebek'oje-wi kan ri a-carruaje ri xenimirisan awichin. Ronojel re' xtibanatej roma rat kan at jun k'ixbilal chire ri rey.