Am 7:16 - Kaqchiquel Bible

¹⁶ Roma ri' tawak'axaj k'a ri ruch'abel ri Jehová. Rat Amasías xabij chuwe chi man jun tinq'alajirisaj chirij ri achike xtibek'uluwachitej wawe' pan Israel, ni man jun tinbij chiwij rix.

Am 7:16 ပူးပေါင်းရင်းမြစ်များ

1 Rey 13:1

Y k'o k'a jun achin q'alajirisey ruch'abel ri Dios aj pa Judá ri xapon pa Betel roma kan taqon-el roma ri Jehová. Y ri Jeroboam pa'el k'a rik'in ri porobel richin nuporoj pom.

1 Rey 22:19

Y ri Micaías xch'on chik y xubij: Wakami k'a, tawak'axaj k'a ri nubij ri Jehová. Yin kan xintz'et ri Jehová tz'uyul pa rutz'uyubal richin q'atbel-tzij, y ek'o-apo ri ángel rik'in y kan man e ajlatel ta; ek'o pa rijkiq'a' y pa rajxokon.

2 Rey 14:24

Jak'a xa xuben ri man niqa' ta chuwech ri Jehová, y man xujech'ej ta kan ri' rik'in ronojel ri mak ri xeruben ri nabey Jeroboam ruk'ajol ri Nabat, toq xuben chike ri aj-Israel richin xemakun.

Wuj Richin ri Isaías 30:10

Y kan nikibij chike ri yetz'eton ri peteneq-apo chiwech chi man chik tikitz'et ri achi'el achik'. Chuqa' nikibij chike ri e q'alajirisey nuch'abel chi man chik tiq'alajirisaj chikiwech ri qitzij. Rije' xaxe nikajo' nikak'axaj ch'abel ri kan janila e jebel ok, y ch'abel richin q'oloj.

Ez 13:2

Rat Ezequiel, kach'on k'a pa nubi' yin kik'in ri nikibananej chi nikiq'alajirisaj ri nuch'abel ri ek'o chiri' pa ruwach'ulew Israel y tabij chike chi tikak'axaj k'a ri nuch'abel, roma xa kiyon k'a rije' nikitz'uk-q'anej ri nikibij.

Ez 16:35

Rat Jerusalem abanon achi'el jun ixoq itzel ruk'aslen y roma ri' k'o chi xtawak'axaj ri nuq'atbel-tzij ri xtinya' pan awi'.

Ez 20:46

Rat Ezequiel, katzu'un kela' pa xokon chire re ruwach'ulew, richin naq'alajirisaj ri nuch'abel ri achike xtuk'uluwachij ri k'echelaj chiri'.

Ez 21:2

Rat Ezequiel, katzu'un kela' pa Jerusalem y kach'on chikij ri akuchi nikiya' kiq'ij ri ki-dios y chirij chijun ruwach'ulew.

Am 2:12

Jak'a ri winaqi' ri' xa xkiben chike re achi'a' re' richin man xkinimaj ta nutzij; y xkiben chike richin xkiqum vino. Y chuqa' xkibij chike ri e q'alajirisey nuch'abel chi man jun chik tikiq'alajirisaj.

Am 7:13

Man jun chik taq'alajirisaj re wawe' pa Betel, roma re wawe' jare' ri akuchi nuya-wi ruq'ij ri ru-dios ri rey, xcha'.

Wuj Richin ri Miqueas 2:6

Ri winaqi' richin ri tinamit nikibij chuwe yin Miqueas: Man chaq yojach'olij. Ri Dios man xqojruya' ta pa wululen.

Deut 32:2

Ri nutijonik xtiqaqa ta achi'el ri job; ri nuch'obonik xtiqaqa ta achi'el niqaqa ri raxq'ab; achi'el nuben ri mismil job pa ruwi' ri q'ayis ri k'a juba' tel-pe, y achi'el nuben ri tz'uj ya' pa ruwi' ri q'os ri k'a alaj na.

1 Sam 15:16

Jari' toq ri Samuel xubij chire: Katane-qa chi ch'owen y taya' q'ij chuwe richin ninq'alajirisaj chawe ri achike xubij ri Jehová chuwe re jun aq'a' re', xcha'. Y ri Saúl xunimaj.