Am 7:15 - Kaqchiquel Bible

¹⁵ Jak'a ri Jehová xirelesaj-pe chupan ri samaj ri', y xubij chuwe chi kibe y kibech'on pa rubi' rija' chiwe rix.

Am 7:15 ပူးပေါင်းရင်းမြစ်များ

2 Sam 7:8

Wakami, yin Jehová k'iytisanel richin ronojel, ninbij k'a chawe rat David chi ja yin ri xinelesan-pe awichin chikikojol ri karne'l richin xatok tata'al pa ruwi' ri nutinamit Israel.

1 Rey 19:19

Toq ri Elías tzolejineq-pe chiri', jari' toq xberila-el ri Eliseo ruk'ajol ri Safat ri nisamej pa jun ulew. Chuwech rija' e ik'owineq-el kablajuj k'ulaj bóyix, y ja rija' uk'uayon ri ruk'isibel k'ulaj bóyix. Y ri Elías kan choj xbe k'a rik'in richin xuya' ri ko'ol raqen rutziaq chirij.

Wuj Richin ri Jeremías 1:7

Y rija' xubij chuwe: Man tabij chi k'a janila at k'ajol. Rat kan xkabe k'a kik'in ri winaqi' akuchi xkatinteq-wi-el yin y kan xtabebij chike ri achike ri xtinbij-el chawe.

Wuj Richin ri Jeremías 26:12

K'ari' yin xich'on kik'in ri aj-raqen y kik'in ri winaqi' richin ri tinamit y xinbij chike: Ja ri Jehová jari' ri xitaqon-pe richin xich'on pa rubi' rija' y richin ninbij ri achike ri nibanatej pa ruwi' re rachoch rija' y pa ruwi' re tinamit achi'el ri xiwak'axaj yan qa rix.

Am 3:8

Toq ri koj niwuyin, konojel ri winaqi' nikixibij-ki'. Y toq yin yich'on, ri q'alajirisey nuch'abel k'o chi nubij ri xinbij chire.

San Mateo 9:9

Toq ri Jesús xel-el ri chiri', xutz'et k'a jun achin rubini'an Mateo. Ri achin ri' tz'uyul k'a chiri' akuchi nik'ul-wi ri k'o chi nitoj kan chike ri aj-Roma. Ri Jesús xubij k'a chire ri Mateo chi tutzeqelibej. Y rija' kan xutzeqelibej k'a el.

Hechos 1:8

Xaxe k'a tiwetamaj, chi toq ri Loq'olej Espíritu xtiqaqa-pe pan iwi', xtik'ul k'a uchuq'a', y xkiniq'alajirisaj chikiwech ri winaqi' wawe' pa tinamit Jerusalem, ri ek'o pa ch'aqa' chik tinamit wawe' pa Judea, pa ruwach'ulew Samaria, y chikiwech konojel winaqi' pa ch'aqa' chik ruwach'ulew chi nej chi naqaj, xcha' ri Jesús.

Hechos 4:20

Roj man yojtikir ta niqaben chi man ta chik niqabij chike ri winaqi' ri xqatz'et y xqak'axaj rik'in ri Jesús, xecha'.

Hechos 5:20

Kixbiyin k'a. Toq xkixapon chik k'a pa rachoch ri Dios, titzijoj chike ri winaqi' ronojel ri ch'abel ri richin ri k'ak'a' k'aslen, xcha' ri ángel.

1 Sam 10:11

Konojel k'a winaqi' ri kan ketaman ruwech ri Saúl, toq xkitz'et chi chuqa' rija' xok jun q'alajirisey ruch'abel ri Dios chikikojol ri ch'aqa' chik, jari' toq xkibij-qa chikiwech: ¿Achike k'a xuk'uluwachij la ruk'ajol ri Cis? ¿Chuqa' rija' k'o chikikojol ri e q'alajirisey ruch'abel ri Dios?, xecha'.