Am 7:14 - Kaqchiquel Bible

¹⁴ Jari' toq xinbij chire ri Amasías: Yin man in jun ta q'alajirisey ruch'abel ri Dios, ri ninben ta richin ninch'ek nu-méro. Rubanon kan xa in yuq'unel, y yenwux wíkix ri ek'o pa k'echelaj.

Am 7:14 ပူးပေါင်းရင်းမြစ်များ

Am 1:1

Yin nubini'an Amós, jun chike ri yuq'unela' ri ek'o pa tinamit Tecoa. Ri Jehová xch'on k'a wik'in pa ruwi' ri xtuk'uluwachij ri ruwach'ulew Israel ri k'o pa xaman. Re ch'abel re' xbix chuwe toq niq'aton-tzij ri Ozías pa ruwi' ri ruwach'ulew Judá, y toq ri Jeroboam ruk'ajol ri Joás niq'aton-tzij pa ruwi' ri ruwach'ulew Israel. K'o yan k'a ka'i' juna' tibix chuwe toq xuben ri nimalej silonel. Y kere' k'a ri rutzijol ri xuya' ri Dios chuwe:

Wuj Richin ri Zacarías 13:5

Xa xtikibij k'a chi xa e samajela' pa juyu'. Xtikibij chi k'a e ak'uala' na toq kichapon-pe ri samaj ri'.

2 Rey 4:38

Chirij ronojel re', ri Eliseo xtzolin pa Guilgal, y chiri' janila wayjal k'o. Y ri e q'alajirisey ruch'abel ri Dios e tz'uyul k'a apo rik'in rija'. Ri Eliseo xubij k'a chire ri rusamajel: Taya-qa jun bojo'y nim pa ruwi' q'aq', y tabana' kiq'utun ri e q'alajirisey ruch'abel ri Dios, xcha'.

2 Rey 2:5

Y chiri' pa tinamit Jericó ek'o k'a jun chik tzobaj e q'alajirisey ruch'abel ri Dios. Y rije' xbekik'ulu' ri Eliseo y xkibij chire: ¿Awetaman chi ri Jehová xtrelesaj-el ri awajaw chawech chupan re q'ij re'?, xecha'. Y rija' xubij: Ja, wetaman chik. Man jun chik tibij, xcha'.

2 Crón 19:2

Y xbek'ul roma jun achin ri nitz'eton ri peteneq chiqawech y rija' rubini'an Jehú, ruk'ajol ri Hananí y xubij chire ri Josafat: ¿Achike roma ye'ato' ri maneq Dios chikiwech, y at kachibil ri e etzelanel richin ri Jehová? Roma re banobel re', ri Jehová xpe royowal chawe.

2 Rey 2:3

Y chiri' pa tinamit Betel ek'o k'a ri e q'alajirisey ruch'abel ri Dios. Y rije' xbekik'ulu' ri Eliseo y xkibij chire: ¿Awetaman chi ri Jehová xtrelesaj-el ri awajaw chawech chupan re q'ij re'?, xecha'. Y rija' xubij: Ja' wetaman chik. Man jun chik tibij, xcha' chike.

1 Corintios 1:27

Man rik'in ri' ri Dios xixrucha', stape' ri winaqi' nikitz'et chi man jun etamabel k'o iwik'in. Keri' xuben chiwe richin chi yek'ixbitej ri nikibananej chi ri e aj-na'oj. Xixrucha' chuqa' stape' chikiwech ri winaqi' maneq ok uchuq'a' pan iq'a', richin chi yek'ixbitej ri k'o janila uchuq'a' pa kiq'a'.

2 Crón 20:34

Ri ch'aqa' chik rubanobal ri Josafat, ri pa rutikeribel k'a pa ruk'isibel chire ri ruk'aslen, xtz'ibatej kan chupan ri wuj richin ri ruch'abel ri Jehú ri ruk'ajol ri Hananí, y re' xtz'ibatej chik kan chupan ri wuj kichin ri rey e richin Israel.

2 Crón 16:7

Chirij ri' xapon jun achin ri nitz'eton ri peteneq chiqawech, rik'in ri Asá y ri achin ri' rubini'an Hananí. Y xubij chire ri Asá: Roma xa rik'in ri rey richin Siria xakuquba' ak'u'x y man xakuquba' ta ak'u'x rik'in ri Jehová ri qa-Dios, roma ri' ri aj-labal richin ri rey aj-Siria xa man xkebek'oje' ta pan aq'a'.

2 Rey 6:1

K'o k'a jun q'ij ri e q'alajirisey ruch'abel ri Dios xkibij chire ri Eliseo: Re jay re akuchi qamolon-wi-qi' man yojruben ta chik roma janila latz'.

2 Rey 2:7

Y e kitzeqeliben k'a e kawineq lajuj chike ri e q'alajirisey ruch'abel ri Dios, y rije' xepa'e' kan nej chike ri Elías y ri Eliseo ri ek'o chunaqaj ri raqen-ya' Jordán.

1 Rey 20:35

K'o k'a jun achin kachibil ri jun molaj achi'a' e q'alajirisey ruch'abel ri Dios. Rija' xubij k'a chire ri jun chike ri e rachibil chi tusoko' roma keri' rubin ri Dios. Stape' keri' rubin ri Dios, ri rachibil man xrajo' ta xusok.

1 Sam 10:11

Konojel k'a winaqi' ri kan ketaman ruwech ri Saúl, toq xkitz'et chi chuqa' rija' xok jun q'alajirisey ruch'abel ri Dios chikikojol ri ch'aqa' chik, jari' toq xkibij-qa chikiwech: ¿Achike k'a xuk'uluwachij la ruk'ajol ri Cis? ¿Chuqa' rija' k'o chikikojol ri e q'alajirisey ruch'abel ri Dios?, xecha'.

1 Rey 19:19

Toq ri Elías tzolejineq-pe chiri', jari' toq xberila-el ri Eliseo ruk'ajol ri Safat ri nisamej pa jun ulew. Chuwech rija' e ik'owineq-el kablajuj k'ulaj bóyix, y ja rija' uk'uayon ri ruk'isibel k'ulaj bóyix. Y ri Elías kan choj xbe k'a rik'in richin xuya' ri ko'ol raqen rutziaq chirij.

2 Rey 2:15

Y toq k'o chik chiri', ri tzobaj e q'alajirisey ruch'abel ri Dios ri aj-Jericó, xkibij-qa: Ri Eliseo xk'oje' kan pa ruk'exel ri Elías, xecha'. Y xbekik'ulu' y xexuke-qa chuwech.

Wuj Richin ri Achin Job 30:4

Ri chiri' pa taq juyu', ri kojol taq q'ayis nikikanola' k'a ri q'ayis malwa, y jari' ri nikitej rije' richin nikich'uch'urisaj ri kiwayjal; y chuqa' nikikanola' ri ruxe' ri q'ayis retama, roma ri kiwayjal kan janila nim y richin chi yerumeq'.

Am 3:8

Toq ri koj niwuyin, konojel ri winaqi' nikixibij-ki'. Y toq yin yich'on, ri q'alajirisey nuch'abel k'o chi nubij ri xinbij chire.