Am 6:8 - Kaqchiquel Bible

⁸ Yin Jehová ri in Rajaw richin ronojel, kan nuya'on nutzij; yin Jehová ri k'o ronojel uchuq'a' wik'in ninbij: Kan ninwixowaj ri inimirisanen rix ri ix rijatzul kan ri Jacob. Kan ninwetzelaj ri iwachoch richin tobel. Roma ri' ri itinamit kan xtinjech-el pa ruq'a' ri etzelanel iwichin. Chuqa' xkixinjech-el chi'iwonojel rix winaqi' ri ixk'o chupan ri tinamit. Yin Jehová ri yibin.

Am 6:8 ပူးပေါင်းရင်းမြစ်များ

Am 4:2

Yin Jehová ninjikiba' nutzij pa nubi' chi xtapon k'a jun q'ij toq xkixuk'uex-el rik'in ch'ich' richin chapbel. Chuqa' ri iwal xke'uk'uex-el rik'in chapbel-ker.

Wuj Richin ri Jeremías 51:14

Roma ri' ri Jehová ri k'o ronojel uchuq'a' pa ruq'a' kan nuya' rutzij pa rubi' rija', chi xtuben chi xke'apon e k'iy achi'a' e etzelanel iwichin, ri man jun nitikir ye'ajlan, roma kan janila e k'iy, kan achi'el ri kajlabal ri sak'. Y rije' xtikireq k'a kichi' richin ch'akonik, xkecha'.

Am 8:7

Ri Jehová, ri qa-Dios roj israelita, xuya' rutzij pa rubi' rija', chi man jun bey xtumestaj ri itzel taq ibanobal ri xe'iben.

Wuj Richin Bix Chire ri Dios 47:4

Rija' kan nucha' k'a ri k'o chi niqichinaj kan roj. Kan ja ri ruwach'ulew ri xuya' chire ri Jacob, roma janila xrajo'.

Am 3:11

Jak'a yin Jehová k'iytisanel richin ronojel kere' ninbij: Ri e etzelanel iwichin xtikich'ek ri iruwach'ulew; xtikiwulaj ri jay richin tobel, y xtikik'uaj-el ri beyomel ri k'o chupan ri iwachoch.

Wuj Richin ri Jeremías 22:5

Jak'a wi rix man ninimaj ta re ch'abel re', kan ninbij k'a chi re jay richin q'atbel-tzij kan xtitole' kan. Yin Jehová ri yibin.

Wuj Richin Bix Chire ri Dios 106:40

Roma ri' xyakatej royowal ri Jehová pa kiwi'. Y kan xeretzelaj, stape' kan e richin rija'.

Wuj Richin ri Zacarías 11:8

Pa jun ik' xenwelesaj k'a el oxi' chike ri yuq'unela', roma xkiben chuwe richin xik'o yan nuk'u'x kik'in. Chuqa' ri winaqi' xa kan xinketzelaj.

Ez 24:21

Stape' janila nikajo' ri wachoch ri k'o pa Jerusalem y kan janila kikuquban kik'u'x rik'in, yin kan xtinya' jun nimalej ruk'ayewal pa ruwi'. Y ri imi'al y ri ik'ajol ri xe'iya' kan pa Jerusalem xa xkekamisex.

Wuj Richin ri K'uxla'anik 2:5

Ri Jehová kan xok k'a achi'el jun etzelanel, kan xuwulaj k'a jumul ri qatinamit Israel. Xeruwulaj k'a ronojel nima'q taq jay; xeruk'is ri jay richin tobel. Xunimirisaj k'a ri bis y ri q'axo'n pa ruwi' ri Judá.

Wuj Richin Bix Chire ri Dios 78:59

Toq ri Dios xutz'et ronojel re', kan janila k'a xpe royowal, roma ri' kan xeretzelaj k'a konojel ri qawinaq.

Wuj Richin Bix Chire ri Dios 50:12

Wi ta yin yinum, man ta ninbij chawe rat, roma kan wichin yin ri ruwach'ulew y ronojel ri k'o chuwech.

Deut 32:19

Y toq rija' xutz'et, xyakatej royowal, roma rix ri ix ralk'ual xiwixowaj, y roma ri' ri Jehová xixrixowaj chuqa'.

Wuj Richin ri Chojmirisabelri'il 26:30

Kan xkenwulaj k'a ri akuchi niya-wi kiq'ij ri i-dios pa ruwi' taq juyu', xkenwulaj chuqa' ri porobel ri akuchi niporox-wi pom y kan xkixinkamisaj. Y xtinmontonij k'a ri ich'akul junan kik'in ri i-dios ri chuqa' maneq kik'aslen, y kan xkixinwixowaj.

Wuj Richin ri Chojmirisabelri'il 26:11

Yin kan xkik'oje' k'a chi'ikojol y kan man xkixinwixowaj ta.

Wuj Richin ri Rutikeribel 22:16

y xubij: Roma xaben ri xink'utuj chawe richin xajech ta ri juney ak'ajol chuwe, roma ri' kan pa nubi' yin ninya' wi nutzij chawe.

Wuj Richin ri Jeremías 12:8

Ri tinamit ri' ri kan wichin yin, nikireq kichi' chuwij yin, achi'el jun koj ri k'o pa k'echelaj y kan niq'ajan-pe. Roma ri' kan yenwetzelaj.

Wuj Richin ri Jeremías 44:26

Roma ri' kan tiwak'axaj ri ruch'abel ri Jehová rix ri ixk'o pan Egipto ri ninbij yin chiwe: Kan nuya'on nutzij pa rubi' ri nimalej nubi', chi man xtinatex ta chik ri nubi' wawe' pa ruwach'ulew Egipto koma ri aj-Judá y xtikibij ta: Kan k'es ri Jehová, ri Ajaw.

Wuj Richin ri Jeremías 49:13

Yin Jehová ninya' nutzij pa nubi-qa yin chi ri tinamit Bosrá xtiwulex kan y xtok kan tz'iran. Ri wineq xtiqaqa itzel pa ruwi' y xtik'oje' k'a kan achi'el jun k'ambel-tzij richin qasanri'il. Y konojel ri rutinamit xkewuluwu' kan richin jantape'.

Os 11:6

Ri kamik ri xtiban rik'in espada kan xtoqaqa k'a pa kiwi' ri kitinamit. Kan xkek'is k'a konojel ri winaqi' richin ri kokoj taq kitinamit. Kan xtik'is k'a ronojel roma keri' ri kich'obonik rije'.

Am 3:10

Rije' man ketaman ta yek'ase' choj. Kan xebeyomer-q'anej roma ye'eleq' y yekamisan.

Am 5:21

Yin kan ninwixowaj ri nimaq'ij ri niben; kan itzel nintz'et toq nimol-iwi' richin niya' nuq'ij.

Am 8:3

Chupan ri q'ij ri' ri bix ri nibixex chupan ri rachoch ri ki-dios xa xtok jun bix richin bis. Janila e k'iy winaqi' ri xkeken, y xkepunupuxin kan ri kich'akul chupan ri ruwach'ulew, xcha' ri Jehová.

Wuj Richin Etamabel-Tzij 8:13

Toq kan k'o rukiy ri Dios chuwech ri wineq, kan nrixowaj ri man utz ta; achi'el yin kan ninwixowaj ri nim nuna-ri', ri ruyon nuya-qa ruq'ij, ri ruyon itzel taq banobel ri yerubanala', y ri ruyon tz'ukun taq tzij ri yeruben.

Wuj Richin ri Isaías 28:1

Kan toq'ex k'a ruwech ri tinamit Samaria, roma ri winaqi' kan janila yeq'aber ri chiri' pan Efraín. Ri tinamit ri' k'o pa ruwi' ri juyu' ri k'o chunaqaj ri taq'aj. Ri tinamit ri ojer kan, kan janila nik'ases. Jak'a re wakami kan achi'el jun kotz'i'j ri xmayamo' yan qa. Y konojel ri ruwinaq xaxe q'abarik nikiben.

Wuj Richin ri Jeremías 22:14

Y ri rey ri' nubij: Kan xtinpaba-q'anej wachoch ri kan jebel nim y xtinpaba-q'anej jay nima'q pa rukaj wiq. Chuqa' xtinya' ki-ventana y kan jebel tiox-che' ninya' chirij. Y ri tz'aq kichin ri jay ri' xkenwaq'omaj rik'in keq, ncha'.