Am 6:7 - Kaqchiquel Bible

⁷ Roma ri' rix nabey xkixbe pa ximonri'il, y keri' nik'is-el ronojel nimaq'ij ri ye'iben.

Am 6:7 ပူးပေါင်းရင်းမြစ်များ

Am 7:11

roma ninbij chi ri Jeroboam nibekamisex rik'in espada, y konojel ri ruwinaq xke'uk'uex-el pa ximonri'il.

Am 5:5

Man tikanoj ri tinamit Betel. Man kixbe pa tinamit Guilgal. Chuqa' man kixq'ax-el pa Beerseba, roma ri aj-Guilgal kan xke'uk'uex-el pa ximonri'il. Y ri Betel kan xtiwuluwu' kan.

San Lucas 21:24

E janila k'a k'iy winaqi' xkeken pa kiq'a' ri aj-labal. Y ri ch'aqa' chik chike ri winaqi' xke'uk'uex-el pa ch'aqa' chik ruwach'ulew. Y re Jerusalem xtixeq'-xtipalibex koma winaqi' ri xa man e judío ta, k'a ja toq xtapon ri q'ij toq man xtikiq'et ta chik tzij ri winaqi' ri' pa ruwi' ri Jerusalem.

Wuj Richin ri Nahum 1:10

Ri e etzelanel kan kisuq'un-ki' chupan jun k'ix ri man yetikir ta chik nikikol-ki'. Chuqa' kan achi'el nuben jun q'abarel. Kan xkek'is k'a achi'el ri chaqi'j k'im.

Am 7:17

Roma ronojel re', ri Jehová xuteq-pe re rutzijol re' chawe: Ri awixjayil xtuchop itzel k'aslen wawe' pa tinamit. Ri awalk'ual xkekamisex rik'in espada. Ri awulew xtitalux chikiwech ch'aqa' chik winaqi'. Rat xkaken chiri' pa ruwach'ulew Asiria. Y konojel ri awinaq israelita xke'uk'uex-el pa ximonri'il; xke'uk'uex-el nej chire ri kiruwach'ulew, nicha' ri Jehová, xcha' ri Amós.

Am 5:27

roma yin xkixinteq-el más k'a kela' chirij ri ruwach'ulew Damasco. Yin Jehová ri Dios ri k'o ronojel uchuq'a' wik'in ri yibin.

Wuj Richin ri Isaías 21:4

Kan sachineq nuk'u'x, y ri xibinri'il kan xuya' tew chuwij. Y ri chi'aq'a' ri kan janila woyoben richin yinuxlan, xa kan janila nink'en rukiy.

Ester 5:8

Wi yin xinwil utzil awik'in, tabana' utzil chi ri chua'q chi'aq'a' yixpe ta chik richin jun chik nima-wa'in ri xtinben chiwe. Y k'ari' xtinbij chawe ri ninwajo', xcha'.

Deut 28:41

Xkek'oje' iwalk'ual, jak'a man xke'ok ta iwichin rix, roma xke'uk'uex-el chiwech y xkebeya' pa ximonri'il pa jun chik ruwach'ulew.

Dn 5:30

Jak'a ri Belsasar rey pa ruwi' ri ruwach'ulew Babilonia, xa kan chupan k'a ri aq'a' ri' xkamisex.

Wuj Richin ri Isaías 24:8

Ri taq q'ojom kan man jun chik xkeq'ojoman. Y kan man xtak'axatej ta chik jun nimaq'ij.

Am 4:3

Xkixjik' k'a el pa taq wopol chire ri tz'aq richin ri tinamit. Choj xkixk'aq-el k'a pa juyu' Hermón. Yin Jehová ri yibin.