Am 6:6 - Kaqchiquel Bible

⁶ Rix kan nik'o chik ruwi' qumuj vino ri niben. Rix ye'ikusaj jubulej aq'om ri janila jotol rajel. Y man jun nich'ob chirij ri wululen ri xtipe pa ruwi' ri iruwach'ulew.

Am 6:6 ပူးပေါင်းရင်းမြစ်များ

Wuj Richin ri Rutikeribel 49:22

Ri José achi'el tipe jun tikilik che', rija' tikil chuchi' jun ralaxbel-ya' y jebel niwachin, ri ruq'a' kan yejote' k'a chuwech ri tz'aq.

1 Timoteo 5:23

Rat Timoteo beneq-ruwech at yawa', roma ri' man utz ta chi ruyon raxya' naqum. Xa taqumu' chuqa' juba' vino richin ri apan.

1 Corintios 12:26

Roma ri' wi k'o jun ri niq'axo, yixq'axon chi'iwonojel; y wi k'o jun ri ninimirisex ruq'ij, yixkikot chi'iwonojel.

Romanos 12:15

Kixkikot kik'in ri yekikot, y kixoq' kik'in ri ye'oq'.

San Juan 12:3

Ri María xberuk'ama' k'a pe jun libra jubulej aq'om ri janila jotol rajel.*f14* Jare' k'a ri xuya' chirij raqen ri Jesús y xerusula' kan rik'in ri rusumal taq ruwi' rija'. Y ri jay ri' kan xnoj k'a rik'in ri rujubulil ri aq'om ri'.

Am 2:8

Richin qajbel ri kiméro xkik'ul tzieq chuwi-kiq'a' ri kiwinaq. Y kikusan k'a ri tzieq ri' yekotz'e' chunaqaj ri porobel. Yekiloq' jebelej taq vino rik'in ri méro ri puaqin chike. Ri vino ri' nikiqum pa wachoch.

Os 3:1

Ri Jehová xch'on chik k'a jun bey wik'in yin Oseas y xubij chuwe: Wakami kan tawajo' chik jun bey jun ixoq itzel ruk'aslen ri ajowan koma ch'aqa' chik achi'a'. Kan tawajo' k'a achi'el ri wajowabal yin Jehová, kik'in ri tinamit Israel. stape' ri winaqi' ri' xa kan xekitzeqelibej ch'aqa' chik dios. Y kan niqa' chikiwech ri kaxlan-wey ri banon rik'in uva ri sujun chik chikiwech ri Baal, xcha' chuwe.

Ez 9:4

Y xubij chire chi tibe chukojol ri tinamit y tuya' ketal nik'aj-kiwech ri winaqi' ri yebison y yejilon, roma ri itzel taq banobel ri yekiben ch'aqa' chik winaqi' chiri', ri kan nrixowaj rija'.

Wuj Richin ri Jeremías 30:7

Kan xtinaqajub k'a pe jun q'ij richin q'axo'n. Kan man jun chik k'a q'ij q'axineq achi'el ri q'ij ri' y ri q'ij ri' kan richin bis kichin ri e rijatzul kan ri Jacob, jak'a yin Jehová kan xkixinkol k'a.

Ester 3:15

Y chi'anin k'a xetalux ri wuj ri' pa ronojel tinamit. Y chuqa' chiri' pa tinamit Susa, ri rey xutaluj rutzijol. Chirij ri' ri rey y ri Amán xetz'uye' richin xenimaq'ijun; jak'a ri winaqi' richin ri tinamit Susa xa xsach kik'u'x.

2 Rey 15:29

Toq k'a niq'aton na tzij ri Pécah pa ruwi' ri Israel, jari' toq xpe ri Pul rey richin Asiria, y xeruch'ek ri tinamit Iión, ri Abel-bet-maacá, ri Janóah, ri Quedes, ri Hasor, ri Galaad, ri Galilea y chijun ri ruruwach'ulew ri Neftalí. Y ri winaqi' ri ek'o chiri' kan xeruk'uaj-el pan Asiria.

Wuj Richin ri Isaías 5:12

Yixnimaq'ijun rik'in ri arpa, ri salterio, ri tambor, ri xul. Ye'ibanala' nima taq wa'in y kan janila vino ri ye'iya'. Xa jak'a kan man niya' ta rejqalen ri xubij ri Jehová, y kan man niya' ta k'a rejqalen ri xuben rija'.

Am 4:1

Rix ixoqi' aj-Samaria, kan janila ix ti'oj, achi'el ri wákix ri ek'o pa ruwach'ulew Basán. Rix kan janila ye'itz'ila' ri winaqi' ri man jun k'o kik'in. Rix niben chike ri iwachijilal chi tikik'ama-pe más vino richin yixq'aber. Roma ri' tiwak'axaj re ch'abel re':

Wuj Richin ri Isaías 28:1

Kan toq'ex k'a ruwech ri tinamit Samaria, roma ri winaqi' kan janila yeq'aber ri chiri' pan Efraín. Ri tinamit ri' k'o pa ruwi' ri juyu' ri k'o chunaqaj ri taq'aj. Ri tinamit ri ojer kan, kan janila nik'ases. Jak'a re wakami kan achi'el jun kotz'i'j ri xmayamo' yan qa. Y konojel ri ruwinaq xaxe q'abarik nikiben.