Am 6:13 - Kaqchiquel Bible

¹³ Rix xa xinimirisaj-iwi' toq xe'ich'ek ri tinamit Lodebar y nibij: Man ja ta k'a roj xojch'akon kichin ri tinamit Carnáin.*f1*

Am 6:13 ပူးပေါင်းရင်းမြစ်များ

Santiago 4:16

Jak'a rix xa man keri' ta nibij. Xa kan nibij chi niben ri nich'ob, y man nich'utinirisaj ta iwi' chuwech ri Dios. Y ri banobel ri' kan itzel chuwech rija'.

2 Rey 14:25

Y ri Jeroboam ruk'ajol ri Joás xuch'ek chik jun bey ri ruwach'ulew Israel ri majon kan, nitiker-el chuchi' ri ruwach'ulew Hamat ri k'o pa xaman, y napon k'a pa Tzayi-Choy. Ronojel re' xbanatej achi'el rubin ri Jehová chire ri Jonás ri q'alajirisey ruch'abel. Ri Jonás ri' ruk'ajol ri Amitai, ri aj-Gat-héfer.

Apocalipsis 11:10

Y ri winaqi' ri' xkekikot janila roma ri e ka'i' ri xeken yan. Y roma ri kikikoten janila, kan xkekibanala' k'a sipanik chikiwech-qa rije', roma kan xek'ayewatej pa kiq'a' ri e ka'i' q'alajirisey ruch'abel ri Dios.

San Juan 16:20

Kan qitzij k'a ninbij chiwe chi rix kan xkixoq' y xkixbison roma ri xtink'uluwachij yin. Jak'a ri winaqi' ri k'a kikuquban na kik'u'x rik'in re ruwach'ulew, xkekikot roma ri'. Man rik'in k'a chi kan k'o-wi bis ri pa taq iwánima, ri bis k'a ri' xtijalatej, xa kan xtok kikoten.

Wuj Richin ri Sofonías 3:11

Chupan k'a ri q'ij ri', rix nuwinaq kan man xkixk'ixbitej ta chik roma ri imak ri e ibanalon chinuwech yin. Roma kan xkenwelesaj-el chi'ikojol konojel ri kinimirisan-ki'. Y rix kan man jun bey chik k'a xtinimirisaj-iwi' wawe' pa Jerusalem.

Wuj Richin ri Jonás 4:6

Y ri Jehová xuben chi xk'iy k'a pe jun ti che' achi'el ri ricino richin chi xumujaj y xch'uch'u' juba' chire ri k'aten. Y ri Jonás janila xkikot roma re jun ti che' re'.

Dn 4:30

xinmey k'a ronojel ri nubeyomel y xinbij k'a qa: Titz'eta' ri runimirinen ri ruwach'ulew Babilonia. Jare' ri xinpaba-q'anej yin rik'in ri wuchuq'a'; xinpaba-q'anej richin chi xinben chire chi xok ruk'u'x ri wajawaren, y richin chi nik'oje' kan retal ri nunimirinen yin, xicha-qa.

Wuj Richin ri Jeremías 50:11

Rix ri aj-Babilonia toq xik'uaj-el ronojel pa nutinamit, kan xixkikot y xixnimaq'ijun. Rix kan xixtzopin rik'in kikoten achi'el nuben jun nima-alaj ixoq wákix nitzopiyaj toq nich'ay ri trigo. Chuqa' xixyijij achi'el nikiben ri kiej.

Wuj Richin ri Jeremías 9:23

Chirij ri', ri Jehová xubij: Tiqasaj-iwi' y man tinimirisaj k'a iwi' rix ri k'o na'oj iwik'in. Chuqa' rix ri k'o iq'ij, man tinimirisaj k'a iwi' rik'in ri'. Y rix ri ix beyoma' man tinimirisaj k'a iwi' roma ri beyomel.

Wuj Richin ri Isaías 8:6

Ri awinaq man nikajo' ta ri raqen-ya' Siloé ri kan eqal nibiyin, jak'a yekikot kik'in ri Resín y ri Pécah.

Wuj Richin ri Isaías 7:4

Y tabij chire chi tuchajij-ri', man tuxibij-ri' y man tisach ruk'u'x roma ri koyowal ri Resín y ri Pécah; roma rije' xa man jun xketikir xtikiben. Xa e achi'el chik ka'i' rutza'n-si' ri choj yebuqun.

Wuj Richin ri Isaías 7:1

Chirij ronojel re' ri e aj-labal aj-Siria y ri aj-Israel nibekibana' oyowal rik'in ri tinamit Jerusalem, jak'a man xetikir ta xekich'ek. Y re' xbanatej toq ri Resín rey richin ri Siria, ri Pécah ruk'ajol ri Remalías, rey richin ri Israel ri k'o pa xaman, y ri Acaz ruk'ajol ri Jotam, y rumam ri Ozías, rey richin ri tinamit Judá.

Wuj Richin ri Molojri'il 11:9

Rat ri k'a at k'ajol ala' na, kan kakikot k'a chupan ri ak'ajolil. Rokik ri k'a at k'ajol na, k'iy k'a ri nawajo' naben chupan ri ak'aslen. Y kan jari' ri tabana', xaxe k'a man tamestaj chi ja ri Dios k'o pa ruwi' ronojel, y k'o jun q'ij kan xtuq'et chuqa' tzij pa ruwi' ronojel banobel.

Wuj Richin ri Achin Job 31:29

Yin kan man jun bey xikikot ta chirij ri etzelanel wichin roma k'o pa tijoj-poqonal, kan man utz ta chuqa' xinna' toq xpe wululen chirij.

Wuj Richin ri Achin Job 31:25

Ri nukikoten yin man xpe ta k'a roma ri nubeyomel, chuqa' man xpe ta roma ronojel ri xinch'ek rik'in ri nuq'a'.

Wuj Richin ri Achin Job 8:15

Xtikajo' xtikito-ki' chiri', y xa man xtikikoch' ta; xtikajo' xkechake' chirij y man xtikowin ta.

2 Rey 13:25

K'ari' ri Joás ruk'ajol ri Joacaz, xuben chik oyowal rik'in ri Ben-hadad, y xuch'ek oxi' mul. Chuqa' xeruch'ek chik kan ri tinamit ri e rumajon kan ri Hazael.

1 Sam 4:5

Toq xetzolin-pe ri akuchi ek'o-wi-qa, ri aj-labal kik'uan chik el ri káxa, jari' toq konojel ri achi'a' xesik'in rik'in janila kikoten y kan xsilon ri ruwach'ulew.

Wuj Kichin ri To'onela' 9:27

Y ri winaqi' aj-Siquem xebe k'a pa juyu' chuwuxik uva; k'ari' xkiyitz' y xkichop nimaq'ij; y xe'ok pa rachoch ri ki-dios; xewa' y xe'uk'ya' chiri', y xkisik'ij itzel oyonik pa ruwi' ri Abimélec.

Wuj Richin ri Achin Job 8:14

Xa achi'el jun ti betz' ri oyobenri'il ri k'o kik'in. Chuqa' xa achi'el ok rurach'iyal ri rukem om keri' ri kikuqubabel-k'u'x rije'.

Wuj Richin Bix Chire ri Dios 2:2

Yeyakatej k'a ri q'atoy taq tzij kichin ri ruwach'ulew, y ri tata'al nikiya' chikiwech, richin yeyakatej chirij ri Jehová y ri rey ri rucha'on rija'.

Wuj Richin Bix Chire ri Dios 75:4

Yin kan ninbij k'a chike ri e nakaneq chi man tikinimirisaj-ki'; chike ri maneq Dios chikiwech, ninbij chi kan tikiqasaj-ki'.

Wuj Richin Bix Chire ri Dios 75:5

Ninbij chike ri k'o kuchuq'a', chi man tikinimirisaj-ki'. Y toq yech'on, man tikiben chi kan janila e nima'q, yacha'.

Wuj Richin ri Zacarías 1:19

Ri ángel k'o wik'in, y roma ri' xink'utuj k'a chire ri achike nel chi tzij re'. Y rija' xubij chuwe chi ri kaji' uk'a' ri' nel chi tzij ri kaji' ruwach'ulew ri xetalun kichin ri tinamit Jerusalem y ri ruwach'ulew Judá y ri Israel.

Ez 29:3

Jare' k'a ri rutzijol: Yin Jehová jare' ink'o richin xkiyakatej chawij rat rey richin Egipto. Rat at achi'el k'a jun nimalej ayin ri atk'o pa raqen-ya' Nilo, kan nach'ob k'a chi ja rat ri xabanon ri raqen-ya' ri' y kan awichin rat.

Ez 29:9

Ri ruwach'ulew Egipto kan xtok k'a jun tz'iran ruwach'ulew y k'ari' rix xtiwetamaj chi ja yin Jehová ri ink'o pa ruwi' ronojel. Y rat rey, roma xabij chi ri raqen-ya' Nilo awichin rat y ja rat ri xabanon,

Dn 4:27

Roma ri', rat rey, kan tak'ulu' k'a ri nupixabanik ri ninya' chawe: Kan tabana' k'a pa ruchojmilal, y man chik kamakun. Man chik ke'aben ri itzel taq banobel, xa kan más utz ke'ato' ri man jun k'o kik'in. Rik'in juba' rik'in re banobel re' xkak'ase' k'iy q'ij rik'in uxlanenri'il, keri' xubij chuwe.