Am 6:11 - Kaqchiquel Bible

¹¹ roma ri Jehová xtuteq-pe ri ruk'ayewal pa kiwi' ri jebelej taq jay y keri' chuqa' pa kiwi' ri relik taq jay; y ronojel kan xtitole' kan.

Am 6:11 ပူးပေါင်းရင်းမြစ်များ

2 Rey 25:9

Y rija' xuya' k'a ruq'aq'al ri rachoch ri Jehová, ri rachoch ri rey, ronojel jay ri kichin ri e tata'al y ronojel ri jay ri k'o pa Jerusalem.

Wuj Richin Bix Chire ri Dios 105:16

Ri Dios xuben k'a chi xpe wayjal pa ruwi' ri ruwach'ulew Canaán, Xrelesaj k'a ri wey y ronojel ri achoq ik'in nikilij-ki'.

Wuj Richin Bix Chire ri Dios 105:31

Xaxe rik'in ri ruch'abel ri Dios, xepe k'a ri pa taq tzobaj amolo'. Kan xepe k'a chuqa' xenen chupan chijun ruwach'ulew Egipto.

Wuj Richin Bix Chire ri Dios 105:34

Xaxe xch'on ri Jehová, kan jari' xepe sak' pa ruk'iyal. Kan janila k'a chi chikopi' ri xek'oje' chirij ri tiko'n, kan man e ajlatel ta chik.

Wuj Richin ri Molojri'il 10:18

Toq ri ruwi' jun jay nisoboso-pe xa roma ri ruq'oral ri wineq, y roma man nrajo' ta nisamej xa nitz'ujan ri ruwi' ri rachoch.

Wuj Richin ri Isaías 13:3

Ri Jehová xeroyoj ri achi'a' ri maneq xibinri'il chikiwech, y xumol kichi' ri aj-labal ri kan e ruch'aron chire re samaj re'. Xeroyoj achi'a' ri kan yekikot toq ri Dios nich'akon.

Wuj Richin ri Isaías 55:11

Keri' chuqa' ri ch'abel ri ninbij yin, xa kan man nitzolin ta choj keri', y man jun ta samaj nuben, jak'a kan nuben ri ninwajo' yin y kan nuben ri ninbij chire.

Os 13:16

Ri tinamit Samaria kan xtiqaqa k'a ri rutojbalil-mak pa ruwi' roma kan xupaba-ri' chuwech ri Dios, kan xkekamisex chi espada. Ri taq ak'uala' kan xkek'aq k'a pan ulew, ri ixoqi' ri nibe'alex yan taq kal xa kan xtijaq k'a ri kipan, ncha' ri Dios.

Am 3:15

Xtinwulaj ri jay richin saq'ij y richin job. Xkenk'is chuqa' ri jay ri e wiqon rik'in rey tix. Y xkenwulaj ri jebelej taq jay. Yin Jehová ri yibin.

Am 5:11

Rix ye'ixolq'otij ri winaqi' ri man jun k'o kik'in. Y niben chike chi k'o chi nikitoj trigo chiwe. Roma ri' man xkixtikir ta xkixk'oje' chupan ri nimalej iwachoch ri e banon rik'in abej. Stape' itikon-qa jebelej taq uva, man xtiqum ta vino chire.

Am 6:8

Yin Jehová ri in Rajaw richin ronojel, kan nuya'on nutzij; yin Jehová ri k'o ronojel uchuq'a' wik'in ninbij: Kan ninwixowaj ri inimirisanen rix ri ix rijatzul kan ri Jacob. Kan ninwetzelaj ri iwachoch richin tobel. Roma ri' ri itinamit kan xtinjech-el pa ruq'a' ri etzelanel iwichin. Chuqa' xkixinjech-el chi'iwonojel rix winaqi' ri ixk'o chupan ri tinamit. Yin Jehová ri yibin.

Am 9:1

Yin xinben chik jun achi'el achik', y xintz'et ri Jehová pa'el chunaqaj ri porobel, y xubij chuwe: Ke'asiloj ri ruwi' pilar richin xkekorotej ronojel che'; richin nitzaq-qa ronojel pa kiwi' ri winaqi'. Y ri xkekolotej kan, ja yin xkikamisan kichin rik'in espada. Kan man jun xtitikir xtiberewaj-ri', ni man jun xtukol kan ri'.

Am 9:9

Yin kan xtinben chiwe rix israelita achi'el xa ta xkixinchayuj kan, achi'el toq nichayux ri trigo. Rix ri yixtzeqeliben wichin kan xkixtalutej k'a el pa taq ruwach'ulew. Jak'a ri man xkinkitzeqelibej ta xa xke'ok achi'el q'ayis ri nichayutej kan.

Wuj Richin ri Nahum 1:14

Jak'a pan iwi' rix aj-Nínive, ri Jehová kan ruya'on k'a rutzijol. Kan man jun iwijatzul xkek'oje' richin xkixnatex. Kewulex-el ri wachibel e banon rik'in che' y ri e ya'erisan pa q'aq'. Y keri' ri jay kichin ri dios ri' kan xketole' kan. Xtuben k'a chi chiri' xkixmuq-wi roma yalan itzel ik'aslen xiben chuwech rija'.

Wuj Richin ri Zacarías 14:2

Jak'a pa nabey yin xkenmol konojel ri winaqi' richin ri ruwach'ulew richin xtikiben labal kik'in ri aj-Jerusalem. Kan xtich'akatej k'a, y xke'eleq'ex k'a el ronojel ri k'o rejqalen. Ri ixoqi' kan xtiqasex k'a kiq'ij koma achi'a'. Y nik'aj chire ri tinamit xke'uk'uex-el. Jak'a ri ch'aqa' chik k'a xkek'oje' na kan ri chiri', xcha' ri Dios.

Wuj Richin ri Malaquías 1:4

Ri e rijatzul kan ri Esaú nikich'ob-qa chi stape' man jun xk'oje' kan kik'in, rije' kan yetikir chik nikipaba-q'anej ri kitinamit Edom. Jak'a yin Jehová ri in k'iytisanel richin ronojel, ninbij chi stape' xtikipaba' chik q'anej jun bey ri kitinamit, yin kan xtinwulaj chik jun bey. Y ri ruwach'ulew ri' xtubini'aj Ri Itzel Ulew, y yin kan man jun bey xtik'is woyowal pa kiwi' ri winaqi' ri'.

San Lucas 19:44

Xtikiqasaj k'a pan ulew ri itinamit junan iwik'in rix. Chire ri itinamit man jun k'a jay, ni man jun tz'aq ri xtipa'e' kan. Roma kan man nitzu' ta chi ri Dios xoqaqa yan iwik'in, richin yixrukol, xcha'.