Am 5:7 - Kaqchiquel Bible

⁷ Toq'ex iwech rix ri nixolq'otij ri ruchojmilal. Y ri choj man niya' ta rejqalen.

Am 5:7 ပူးပေါင်းရင်းမြစ်များ

Wuj Richin Bix Chire ri Dios 125:5

Jak'a ri xa nikich'er kan ki' richin nikiben ri etzelal, ri Jehová kan xkeruya' k'a kik'in ri ch'aqa' chik e banoy etzelal. ¡Ri uxlanibel-k'u'x xtik'oje' ta pa ruwi' ri tinamit Israel!

Wuj Richin Bix Chire ri Dios 36:3

Ri ch'abel ri yekibij, kan ruyon richin mak y q'oloj. Kan xk'is k'a kina'oj, y man nikiben ta ri utz.

Wuj Richin Etamabel-Tzij 21:7

Ri winaqi' ri kan e itzel, kan ja ri koyowal ri nuk'uan kichin pa ruk'ayewal; rije' kan man niqa' ta chikiwech nikik'uaj ri kik'aslen achi'el nrajo' ri chojmilal.

Wuj Richin ri Isaías 1:23

Ri e aj-raqen ri ek'o pan iwi' kan man e nimey ta tzij, y kan xe'ok kachibil ri eleq'oma'. Chikijujunal niqa' chikiwech chi yepuaqix, y xaxe sipanik nikajo' nikik'ul. Man nikiben ta pa ruchojmilal kik'in ri meba'i', ni man yekito' ta ri malkani' toq ek'o chuwech ri q'atbel-tzij.

Wuj Richin ri Isaías 10:1

Kan toq'ex k'a iwech rix ri niya' pixa' ri man pa ruchojmilal ta; y niya' rutzijol chi ek'o k'ak'a' pixa' ri kan man e koch'el ta.

Wuj Richin ri Isaías 46:12

Kiniwak'axaj k'a rix ri kan kow iwánima, ri kan ixk'o nej chire ri ruchojmilal.

Wuj Richin ri Isaías 5:20

¡Kan toq'ex k'a iwech ri nibij utz chire ri itzel, y nibij itzel chire ri utz! Kan niben chire ri saqil, q'equ'm y chire ri q'equ'm, saqil. Kan niben k'ey chire ri ki', y chire ri ki' niben k'ey.

Wuj Richin ri Isaías 5:7

Ri Jehová k'iytisanel richin ronojel, jari' ri rajaw ri tiko'n. Y ri tiko'n ri kan janila nrajo', re' kan nuk'exewachuj k'a konojel ri qawinaq israelita. Y re qejoj re' kan jare' ri k'o más rejqalen. Ri Jehová kan royoben k'a chi xkitaqej ta ri rupixa', jak'a xa ruyon kamik ri xkiben. Royoben k'a ruchojmilal, jak'a xa ruyon raqoj-chi'ij richin q'axo'n ri nrak'axaj.

Ez 18:24

Jak'a wi ri choj ruk'aslen nuya' kan ri ruchojmilal y xa nuchop rubanik ri xa man niqa' ta chinuwech yin y xa nuben achi'el ri nikiben ri banoy taq etzelal, ¿nich'ob rix chi nik'ase' k'iy q'ij ri nibanon kere'? Yin kan xtinmestaj k'a ronojel ri utz rubanobal ri rubanon wik'in. Y roma xa man xuben ta chik pa ruchojmilal y xmakun, re wineq k'a re' kan xtiken.

Ez 3:20

Y chuqa' toq k'o jun awinaq ri choj ruk'aslen ri rubanon-pe y k'ate' nuya' kan re jun utzilej k'aslen re' y nuchop rubanik etzelal, rat xtabij chire. Jak'a wi rat man jun xtabij chire y yin xtinya-pe ruk'ayewal pa ruwi' richin niken, yin man xtinya' ta ri rejqalen ri utz ri xeruben y chawe k'a rat ri xtink'utuj-wi ri ruk'aslen roma man xabij ta chire ri ruk'amon richin ta xuben.

Ez 33:18

Wi jun wineq choj ruk'aslen nuya' ta kan ri utzilej k'aslen ri ruk'uan y nuchop ta rubanik itzel banobel, re wineq re' kan xtiken roma kan itzel ri yeruben.

Os 10:4

Rije' kan xaxe k'a ri wololinik nikiben, nikibanala' jikibel-tzij ri xa man qitzij ta. Roma ri' ri xkitik-qa rije' xa kan xtibek'ulun k'a pe achi'el jun k'ayilej q'os chukojol ri boloj.

Am 2:3

Xtinkamisaj k'a ri ki-rey. Junan rik'in rija' xkeken ri e aj-raqen. Yin Jehová ri yibin.

Am 3:10

Rije' man ketaman ta yek'ase' choj. Kan xebeyomer-q'anej roma ye'eleq' y yekamisan.

Am 6:12

¿Yetikir kami ri kiej ye'anin chuwech jun nimalej abej? ¿Yetikir kami yesamej ri bóyix pa ruwi' ri palou? ¡Man rik'in ri', rix xa xiben chire ri ruchojmilal achi'el aq'om ri nikamisan; ri utzilej ruchojmilal xa xiben chire chi xok achi'el ri xaqixaq.

Wuj Richin ri Miqueas 3:9

Tiwak'axaj rix aj-raqen pa qawi' roj ri oj israelita. Rix ri k'o iq'ij chiqakojol, rix kan man niqa' ta chiwech ri ruchojmilal. Rix kan nixotoba' rubanik ri q'atoj-tzij.

Wuj Richin ri Habacuc 1:4

Ri apixa' xa kan maneq chik rejqalen niban chire. Xa kan man jun chik ruchojmilal nibanatej. Ri e banoy etzelal kan jantape' k'a e kitzeqeliben ri choj kik'aslen. Y ri winaqi' xa nikixotoba' ri ruchojmilal.

Wuj Richin ri Sofonías 1:6

Kan xkenk'is k'a el konojel ri nikich'er kan ki' wik'in yin Jehová, y chuqa' konojel ri man yinkikanoj ta y ri man yinkik'ulubej ta.

Deut 29:18

Wakami k'a man jun tuch'er kan ri' y numestaj ta kan ri Jehová ri qa-Dios, ni ta achi'a', ni ta ixoqi', ni ta ri alk'ualaxela' y ni ta ri iy-mam y ri ach'alalri'il ri richin ri tinamit, richin ye'isamajij y niya' kiq'ij ch'aqa' chik dios kichin ri winaqi' ri e richin ri ruwach'ulew ri'; roma wi k'o jun nibanon keri' chi'ikojol xa kan nok k'a achi'el ruxe' che' ri k'ey-k'ey y nikamisan.