Am 5:6 - Kaqchiquel Bible

⁶ Titzolej-pe ik'u'x wik'in yin rix ri ix rijatzul kan ri José, y xkixk'ase' chi utzil. Wi man xtiben ta, xtinteq-pe q'aq' pan iwi'. Y ri q'aq' ri' xtuk'is ri Betel, y man jun chik wineq ri xtik'oje' ta kan richin xtuchup ri q'aq' ri'.

Am 5:6 ပူးပေါင်းရင်းမြစ်များ

Wuj Richin ri Isaías 55:6

Kinikanoj k'a yin rokik k'a yiniwil na, kan kiniwoyoj rokik naqaj ink'o-wi chiwe.

Am 5:14

Rix nibij chi yin Jehová ink'o iwik'in. Roma ri' tikanoj ri utz y man tiben ri itzel, richin keri' xkixk'ase' chi utzil. K'ari' kan qitzij chi xkik'oje' iwik'in, yin Jehová, ri Dios ri k'o ronojel uchuq'a' wik'in.

Am 5:4

Yin Jehová kere' ninbij chiwe rix israelita: Titzolej-pe ik'u'x wik'in yin y xkixk'ase' chi utzil.

Ez 33:11

Jak'a yin Jehová ninbij chi man ninwajo' ta chi niken jun wineq, stape' rujachon-ri' chubanik etzelal. Ri ninwajo' yin chi nujel ta ri ruk'aslen y xtiyaloj xtik'ase'. Roma ri' tabij chike chi tikiya' kan ri itzel k'aslen richin man yeken ta.

Wuj Richin ri Zacarías 10:6

Roma yin Jehová kan xtinya' k'a kuchuq'a' ri aj-Judá, y kan xkenkol ri aj-Israel. Kan xtinben chike richin xketzolej chik chupan ri kiruwach'ulew, roma kan ninjoyowaj kiwech. Kan xtinben chike chi achi'el xa ta man jun bey xkijech'ej kan ki' wik'in, roma ja yin Jehová ri ki-Dios, y ninwak'axaj ri kich'owen ri nikiben wik'in.

Am 6:6

Rix kan nik'o chik ruwi' qumuj vino ri niben. Rix ye'ikusaj jubulej aq'om ri janila jotol rajel. Y man jun nich'ob chirij ri wululen ri xtipe pa ruwi' ri iruwach'ulew.

Ez 37:19

jari' toq rat xtabij chike re rutzijol re'. Yin Jehová xtinchop k'a el ri cetro richin ri José ri k'o pa ruq'a' ri Efraín, y xtintun rik'in ri cetro richin ri Judá, richin keri' xa jun k'a ri xtinben chike, xkacha'.

Wuj Richin ri Jeremías 7:20

Roma ri' yin Jehová ninbij chi kan ninwisq'opej k'a ri woyowal pa ruwi' re tinamit re', pa kiwi' re winaqi', pa kiwi' ri kichikop, pa kiwi' ri kiche' y ri kitiko'n ri ek'o pa taq juyu' y ri woyowal xtuben achi'el jun q'aq' ri man nichup ta k'a toq xtuk'is na ronojel.

Wuj Richin ri Jeremías 4:4

Titzolij-iwi' chiwij y tibana' chuwe richin chi ja yin ri iwajaw. Tiya' k'a pan iwánima ri retal richin ri nujikibel-tzij. Man xa rik'in juba', roma ri itzel taq ibanobal ri ye'ibanala', ri woyowal kan nibejinijo-pe achi'el q'aq', ri man jun nitikir nichupun.

Wuj Richin ri Isaías 1:31

Ri k'o janila ruchuq'a' xa xtok achi'el páxa y ri rusamaj xa xtok rubix q'aq'. Re' junan k'a xkejinon pa q'aq' y kan man jun k'a xtichupu, nicha' ri Dios.

1 Rey 11:28

Ri Jeroboam kan k'o-wi ruchuq'a' y jun achin ri maneq xibinri'il chuwech, y toq ri Salomón xutz'et k'a re k'ajol achin re', chi kan k'o-wi retamabal, jari' toq rija' xuya' pa ruq'a' ronojel ri samaj richin ri tz'aq ri', ri xq'at pa kiwi' ri aj-Manasés y ri aj-Efraín.

2 Sam 19:20

roma yin ri in asamajel xq'ax chinuwech chi man utz ta ri xinben. Roma ri' xipe nabey chikiwech ri qawinaq israelita ri ek'o pa xaman, richin yatonk'ulu-el rat nu-rey, xcha'.

Wuj Richin ri Josúe 18:5

Re achi'a' re' xtikelesaj k'a pa wuqu' ri ruwach'ulew ri man jani tijach; jak'a ri tzobaj richin ri Judá kan xkek'oje' chiri' pa kiruwach'ulew ri k'o pa xokon, y chuqa' ri e rijatzul ri José kan xkek'oje' chiri' pa kiruwach'ulew ri k'o pa xaman.

Deut 4:24

Ri Jehová ri qa-Dios kan man niqa' ta chuwech chi k'o ta jun chik niya' ruq'ij, roma ri royowal rija' achi'el q'aq' ri nuk'is ronojel.

Ex 22:6

Wi k'o jun nubox q'aq' y ri q'aq' niq'ax-apo pa rulew ri rachpochel ri k'o tiko'n chuwech o napon akuchi molon chik kan ruchi' ri trigo, ri xboxon ri q'aq' kan xtutoj k'a ronojel ri xk'at.

Wuj Richin Bix Chire ri Dios 27:8

Ri wánima nubij chuwe chi rat abin kan chi niqaya' aq'ij. Roma ri' yin kan xtinkanoj k'a ri ak'ojlemal rat Jehová.

Wuj Richin ri Isaías 55:3

Kixanpe wik'in y kan kiniwak'axaj jebel; kan kiniwak'axaj richin yixk'ase'. Yin kan xtinben jun jikibel-tzij iwik'in richin q'asen, richin xtinya' ajowabel chiwe, y xkik'oje' iwik'in richin jantape', achi'el xinben rik'in ri David.

Am 3:14

Toq xtinya' rutojbalil-mak pa kiwi' ri israelita, kan xtinwulaj ri porobel ri ek'o pa Betel. Ri achi'el taq uk'a' ri ek'o pa taq ruxikin ri porobel xa xkepax; y xketzaq pan ulew.

Wuj Richin ri Sofonías 2:3

Chi'iwonojel rix ri iqasan-iwi', tikanoj k'a ri Jehová; rix ri kan iniman-pe rutzij. Kan jantape' k'a tikanoj ri ruchojmilal, tikanoj ri qasanri'il. Rik'in juba' keri' xkixkolotej ta kan chupan ri q'ij richin ri royowal.

Deut 32:22

Ri ruq'aq'alen ri woyowal ri yakatajineq kan achi'el k'a jun nimalej q'aq'. re q'aq' re' kan xtapon k'a ri ruchuq'a' k'a akuchi ek'o-wi-qa ri kaminaqi'. kan xtuk'is ri iruwach'ulew y ri tiko'n ri ek'o chuwech, y chuqa' xtuq'i' y xtuk'is ri kixe' ri juyu'.

2 Crón 34:25

Roma ri winaqi' xa xinkimalij kan, y xa xkisuj kamelabel chikiwech ch'aqa' chik dios, y xkiben chuwe chi xpe woyowal chirij ronojel ri kisamaj ri kibanon; roma ri' xtiqaqa k'a ri woyowal pa ruwi' re tinamit re', y ri woyowal kan man xtik'o ta qa, nicha' ri Jehová.

Wuj Richin Bix Chire ri Dios 69:33

Ri Jehová kan yerak'axaj ri man jun k'o kik'in, y kan man yerixowaj ta ri ek'o pa ximonri'il.

Wuj Richin ri Jeremías 38:20

Y yin xinbij chire: Ni, wi rat xtajech-awi' pa kiq'a' ri aj-Babilonia, rije' man xkatkijech ta pa kiq'a' ri qawinaq. Roma ri' wakami tabana' utzil tawak'axaj ri ruch'abel ri Jehová ri xtinbenbij chawe, richin utz xkatel y xtakol ri ak'aslen.

Ez 21:3

Yin kan xkinok k'a etzelanel kichin y xtinwelesaj ri nu-espada chikij y kan xkenkamisaj konojel ri winaqi', ri choj kik'aslen y ri aj-maki'.