Am 5:4 - Kaqchiquel Bible

⁴ Yin Jehová kere' ninbij chiwe rix israelita: Titzolej-pe ik'u'x wik'in yin y xkixk'ase' chi utzil.

Am 5:4 ပူးပေါင်းရင်းမြစ်များ

2 Crón 15:2

y roma ri' xberuk'ulu' k'a el ri Asá, y xubij chire: Rey Asá, kinawak'axaj k'a rat, y konojel ri winaqi' ri ek'o chupan ri awajawaren: Ri Jehová kan k'o-wi iwik'in rix, wi rix ixk'o rik'in rija'; y wi rix nikanoj, kan xtiwil; jak'a wi rix xa xtimalij kan rija', rija' chuqa' kan xkixrumalij kan.

Wuj Richin ri Sofonías 2:3

Chi'iwonojel rix ri iqasan-iwi', tikanoj k'a ri Jehová; rix ri kan iniman-pe rutzij. Kan jantape' k'a tikanoj ri ruchojmilal, tikanoj ri qasanri'il. Rik'in juba' keri' xkixkolotej ta kan chupan ri q'ij richin ri royowal.

Wuj Richin Bix Chire ri Dios 14:2

Ri Jehová nitzu'un-pe k'a chila' chikaj pa kiwi' ri winaqi', richin chi nutz'et wi k'o ta jun aj-na'oj, jun ri kan nikanon ri Dios.

Wuj Richin ri Isaías 55:3

Kixanpe wik'in y kan kiniwak'axaj jebel; kan kiniwak'axaj richin yixk'ase'. Yin kan xtinben jun jikibel-tzij iwik'in richin q'asen, richin xtinya' ajowabel chiwe, y xkik'oje' iwik'in richin jantape', achi'el xinben rik'in ri David.

San Mateo 7:8

Roma xabachike ri nik'utuj, kan xtik'ul k'a; ri kan nikanoj, kan xtiwil-wi. Y wi rix xkixoyon-apo, kan xtijaq-wi-pe ri ruchi-jay chiwech.

1 Crón 28:9

Y rat nuk'ajol Salomón, kan tawetamaj ruwech ri qa-Dios, y kan tasamajij rik'in ronojel ri awánima y rik'in kikoten ri nalex-pe pan awánima, roma ri Jehová Dios nutz'et ri qánima y ri qach'obonik. Keri', wi rat kan xtakanoj kan xtawil, rija' kan xtik'oje' awik'in. Jak'a wi rat xa xtamalij kan, rija' kan xkaretzelaj kan richin q'asen.

2 Crón 20:3

Toq ri Josafat xrak'axaj keri', xuk'en janila rukiy y kan jari' xuk'ulubej ri Jehová; y chuqa' xutaluj rutzijol chupan ri rajawaren chi konojel winaqi' kemewayin.

Am 5:6

Titzolej-pe ik'u'x wik'in yin rix ri ix rijatzul kan ri José, y xkixk'ase' chi utzil. Wi man xtiben ta, xtinteq-pe q'aq' pan iwi'. Y ri q'aq' ri' xtuk'is ri Betel, y man jun chik wineq ri xtik'oje' ta kan richin xtuchup ri q'aq' ri'.

Wuj Richin Bix Chire ri Dios 69:32

Toq xtikitz'et re' ri e poqonatajineq kan xkekikot. Konojel ri winaqi' ri nikikanoj ri Dios, kan xtikikot ri kánima.

Wuj Richin Bix Chire ri Dios 27:8

Ri wánima nubij chuwe chi rat abin kan chi niqaya' aq'ij. Roma ri' yin kan xtinkanoj k'a ri ak'ojlemal rat Jehová.

Wuj Richin Bix Chire ri Dios 22:26

Ri kiqasan-ki' chawech kan xtikitej k'a ri kiway y kan xtinoj k'a kipan. Ri yekanon awichin, kan xtikiya' k'a aq'ij y xkek'ase' k'a richin jantape'.

2 Crón 34:3

Chupan k'a ri waqxaqi' juna' chire ri ruq'atbal-tzij, rija' kan k'a ala' na. Man rik'in ri', kan xukanoj k'a ri ru-Dios ri David ri rumama'. Y chupan k'a ri kablajuj juna' chire ri ruq'atbal-tzij xuchop rujosq'ixik ri tinamit Jerusalem y chijun ri Judá, chire ri akuchi nikiya-wi kiq'ij ri wachibel ri pa ruwi' taq juyu', ri paban-che' richin Asera, ri wachibel e paban y ri wachibel ri e ya'erisan pa q'aq'.

Deut 4:29

Jak'a wi rix kan nikanoj ri Jehová ri qa-Dios rik'in ronojel ri iwánima y rik'in ronojel ik'u'x, kan xtiwil.

Deut 32:46

xubij k'a chike konojel: Kan tiya' k'a rejqalen ronojel re xinbij chiwe re wakami, richin yixtikir nibij chike ri iwalk'ual chi tikitaqej ronojel ri nubij re pixa' re'.

Deut 32:47

Roma re ch'abel re' man xabachike ta ri man ta k'o rejqalen. Re' xa kan jare' ri ik'aslen, y roma re pixa' re' kan xkixk'ase' k'iy juna' chuwech ri ruwach'ulew ri xtiya'ox chiwe richin niwichinaj kan ri k'o juk'an chik chire ri raqen-ya' Jordán, xcha'.

Wuj Richin ri Isaías 31:1

Toq'ex iwech rix ri yixbe pan Egipto richin nibeto-iwi' chiri', ri nikuquba' ik'u'x kik'in ri kikiej, ri nikuquba' ik'u'x kik'in ri janila chi carruaje, y chi kan janila kuchuq'a' ri yech'oke' chirij kiej. Jak'a xa man niya' ta itzubal rik'in ri Loq'olej qa-Dios, y man nikanoj ta ri Jehová.

Ez 18:9

Rija' nuben ri nubij chupan ronojel ri nupixa' y kan man jun bey xtuch'er-ri' chire. Re wineq re' kan choj wi y rija' kan xtik'ase' k'a chi utzil. Ja yin Jehová ri yibin.

2 Rey 20:3

Jehová, nink'utuj utzil chawe; toqaqa chi'ak'u'x ri achike rubanik ri rubanon-pe ri nuk'aslen chawech y kan qitzij rik'in ronojel wánima nubanon ri abin chuwe, y chuqa' kan ja ri niqa' chawech ri nubanon, xcha'. Chirij ri' kan janila xoq'.

2 Crón 20:4

Xkimol k'a ki' winaqi' richin ronojel tinamit chupan ri ajawaren richin Judá richin xech'on rik'in ri Jehová y xkik'utuj to'onik chire chupan ri jun oyowal ri'.

Wuj Richin Bix Chire ri Dios 69:33

Ri Jehová kan yerak'axaj ri man jun k'o kik'in, y kan man yerixowaj ta ri ek'o pa ximonri'il.

Wuj Richin ri Jeremías 38:20

Y yin xinbij chire: Ni, wi rat xtajech-awi' pa kiq'a' ri aj-Babilonia, rije' man xkatkijech ta pa kiq'a' ri qawinaq. Roma ri' wakami tabana' utzil tawak'axaj ri ruch'abel ri Jehová ri xtinbenbij chawe, richin utz xkatel y xtakol ri ak'aslen.

Os 10:12

Yin xinbij k'a chike ri aj-Israel chi tikitika-qa ri ruchojmilal, richin nikiwachij ajowabel. Tinaba' ri iwulew richin niqaqa jun k'ak'a' tiko'n. Roma xa kan xapon k'a ri q'ij richin yinikanoj chik yin Jehová. Kan keri' k'a tibana' k'a toq xkipe yin richin nonk'utu' chiwech ri ruchojmilal.