Am 5:3 - Kaqchiquel Bible

³ Kere' k'a ninbij yin Jehová ri k'iytisanel richin ronojel: Wi k'o ta jun tinamit yeruteq e 1,000 achi'a' pa labal, rije' xaxe chik k'a e wok'al ri xketzolin. Wi ta yeruteq e wok'al achi'a', xaxe chik k'a e lajuj ri xketzolin.

Am 5:3 ပူးပေါင်းရင်းမြစ်များ

Romanos 9:27

Y chiqij roj judío, xch'on-wi ri Isaías ojer kan toq xubij:*f26* Stape' ri qawinaq judío janila e k'iy, achi'el ri rajlabal ri sanayi' ri k'o chuchi' ri palou, xa kan xaxe chik juba' chike rije' ri xkekolotej.

Ez 12:16

Y xtinben k'a chi ek'o juba' ri xkekolotej kan chire ri oyowal, wayjal y ri yabil, richin keri' ri xkepe wawe' xtikitzijoj chike ri winaqi' chi roma ri itzel taq kibanobal ri xekibanala', roma ri' keri' kik'uluwachin. Y k'ari' xtiketamaj k'a chi ja yin Jehová, xcha'.

Wuj Richin ri Isaías 10:22

Stape' ri qawinaq israelita janila e k'iy, achi'el ri rajlabal ri sanayi' ri k'o chuchi' ri palou, xa kan xaxe chik juba' chike rije' ri xketzolin. Roma ri Dios kan rubin chi rije' kan xkek'is, richin kan xtiq'alajin ri ruchojmilal ri nuben rija'.

Wuj Richin ri Isaías 6:13

Y stape' k'a xtik'oje' kan jun chire ri lajuj chike ri winaqi' ri', chuqa' kan xkenwelesaj-el. Jak'a achi'el toq yechoy-el ri paten-che', xa kan k'a yek'oje' kan ri kuta'm. Y keri' k'a xtibek'uluwachitej kik'in ri awinaq israelita. Jak'a xa xkek'oje' kan achi'el jun rukuta'm che'.

Wuj Richin ri Isaías 1:9

Wi ta yin Jehová k'iytisanel richin ronojel man ta xixinya' kan juba' chiwe rix, kan ix achi'el ta chik ri tinamit Sodoma y Gomorra.

Deut 28:62

Re wakami janila ix k'iy kan achi'el ri kajlabal ri ch'umila' ri ek'o chikaj. Jak'a wi man xtinimaj ta rutzij ri Jehová ri qa-Dios, xa kan ix juba' chik ok xkixk'oje' kan.

Deut 4:27

Ri Jehová yixberutaluj chikikojol ri winaqi' richin ri ch'aqa' chik ruwach'ulew y xa juba' ok chiwe rix ri xkek'ase' kan chikikojol ri tzobaj winaqi' ri'.

Am 6:9

Chupan ri q'ij ri', wi ta xaxe e lajuj winaqi' xkek'oje' kan; stape' xtikewaj-ki' chupan jun jay, xa xkeken konojel.

Wuj Richin Bix Chire ri Dios 144:14

Ri qawákix kan jantape' k'a xkek'oje' kal; ri e etzelanel qichin man yetikir ta nikijeq jun chik bey richin ye'ok-pe qik'in. Man xqojuk'uex ta chik el pa ximonri'il. ni man xtak'axatej ta raqoj-chi'ij richin xibinri'il pa taq bey.

Deut 28:63

Achi'el toq ri Jehová kan rik'in janila kikoten utz xuben iwik'in y xixruwinaqirisaj, kan keri' chuqa' xtuben toq xkixruk'is-el jumul, kan xkixrelesaj k'a el chuwech re ruwach'ulew ri akuchi xkixok-wi richin xtiwichinaj kan.