Am 5:26 - Kaqchiquel Bible

²⁶ Jak'a re wakami rix k'o chi xtik'uaj-el ri e ka'i' ruwachibel ri i-dios. K'o chi xtik'uaj-el ri Sicut ri achi'el i-rey y ri Quiiún ri achi'el jun ch'umil rubanik, ri xa ja rix ix banayon kichin;

Am 5:26 ပူးပေါင်းရင်းမြစ်များ

1 Rey 11:33

Y kere' xtuben ri Jehová rik'in ri rey Salomón roma xa xumalij kan y xa xuya' ruq'ij ri dios ixoq Astarté, y chuqa' kiq'ij ri Quemós ri ki-dios ri aj-Moab y ri Milcom ri ki-dios ri aj-Amón. Y xubij chuqa' ri Jehová chi ri Salomón man xutzeqelibej ta ri utzilej bey, ni man xuben ta ri choj chuwech rija', ni man xutaqej ta ri jalajoj ruwech pixa' ri ya'on chire, achi'el xuben ri David ri rutata'.

Ez 20:16

Xinben keri' roma xa xkixowaj ri ruchojmilal, man xkinimaj ta ri nupixa' y xkiben chire ri q'ij richin uxlanen chi man jun rejqalen. Xa xbe kánima chirij ri wachibel ri nikiya' kiq'ij.

Wuj Richin ri Chojmirisabelri'il 18:21

Man tisuj k'a jun chike ri iwalk'ual richin jun sipanik ri niporox chire ri dios rubini'an Moloc, richin man niyoq'otej ri nubi', yin ri in i-Dios. Yin Jehová ri yibiyin.

Am 5:27

roma yin xkixinteq-el más k'a kela' chirij ri ruwach'ulew Damasco. Yin Jehová ri Dios ri k'o ronojel uchuq'a' wik'in ri yibin.

Hechos 7:43

Pa ruk'exel chi keri' ta xiben, xa xe'itelela' ruwachibel ri rachoch ri dios Moloc, ri ruwachibel ri Refán ri i-dios ch'umil. Ja wachibel ri' ri xe'ibanala' rix, richin xiya' kiq'ij. Roma ri' yin xtinben chiwe chi yixbek'oje' k'a más kela' chire ri ruwach'ulew Babilonia, xcha' ri Dios.