Am 5:23 - Kaqchiquel Bible

²³ Tiwelesaj-el chinuwech ri ibix roma xa itzel ninwak'axaj. Y man ninwajo' ta chik ninwak'axaj ruch'abel ri iq'ojom.

Am 5:23 ပူးပေါင်းရင်းမြစ်များ

Am 6:5

Ye'itz'ukula' bix achi'el xuben ri ánima David, bix ri xa man jun rejqalen. Y kan yixbixan rik'in arpa.

Am 8:10

Chuqa' xtinben chi ri nimaq'ij xa xtibe'ok richin oq'ej roma ri kaminaqi', Chuqa' ri bix xaxe chik richin q'axo'n. Xtinben chiwe chi xtikusaj itziaq richin bis y kan xtisokaj-el ri rusumal-iwi' richin retal q'axo'n. Xkixoq' k'a achi'el toq noq'ex jun juney ak'ual toq niken. Y kan ronojel xtik'is rik'in q'axo'n.

Am 8:3

Chupan ri q'ij ri' ri bix ri nibixex chupan ri rachoch ri ki-dios xa xtok jun bix richin bis. Janila e k'iy winaqi' ri xkeken, y xkepunupuxin kan ri kich'akul chupan ri ruwach'ulew, xcha' ri Jehová.

Am 5:22

Man ninwajo' ta nisuj chikop ri niporox chijun. Man nink'awomaj ta ri sipanik richin jalajoj ruwech ixin. Toq nik'en-pe ri sipanik ri niq'alajirisan chi junan iwech wik'in, re' kan man jun rejqalen chinuwech yin.

Am 5:24

Yin ninwajo' chi man kixtane' chubanik ri ruchojmilal, achi'el jun raqen-ya' ri chaq palik nibiyin, y man jun bey nipa'e-qa. Kan ta palik utz niben achi'el ri raqen-ya' ri man jun bey nichaqi'j-qa.