Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Am 5:18 - Kaqchiquel Bible

18 Toq'ex kiwech ri winaqi' ri nikirayij yan ri nupeten. ¿Achike kami roma rix niwajo' richin yipe yan ta? Ri q'ij ri' iwoyoben richin xtik'oje' ta saqil, jak'a xaxe q'equ'm ri xtik'oje'.

အခန်းကိုကြည့်ပါ။ ကော်ပီ




Am 5:18
26 ပူးပေါင်းရင်းမြစ်များ  

Toq'ex qawech roma peteneq q'ij richin ruk'ayewal, roma ri q'ij richin ri Jehová xa naqaj chik k'o-wi-pe. Ri Jehová ri k'o nimalej uchuq'a' pa ruq'a' kan xtuk'is k'a ronojel.


Ri q'ij man xtisaqirisan ta chik. Ri ik' xtok achi'el kik'. Kere' k'a ri xtibanatej toq man jani noqaqa ri q'ij wichin yin, chupan ri nimalej q'ij toq xtiq'at-tzij pa kiwi' ri winaqi', q'ij ri ruk'amon-pe nimalej xibinri'il.


Kan xtinaqajub k'a pe jun q'ij richin q'axo'n. Kan man jun chik k'a q'ij q'axineq achi'el ri q'ij ri' y ri q'ij ri' kan richin bis kichin ri e rijatzul kan ri Jacob, jak'a yin Jehová kan xkixinkol k'a.


Yin Jehová ninbij chi kan jujik-wi noqaqa ri q'ij richin niqaqa ri woyowal pa ruwi' ri iruwach'ulew, achi'el jun horno toq nijinon pa q'aq'. Konojel ri kan nim nikina-ki' y ri yebanon ri etzelal kan xkebe'ok achi'el solot, y chupan ri q'ij ri' kan man jun chik xtikolotej kan achi'el ri q'aq' toq nuk'is ronojel.


Roma ri royowal ri Jehová k'iytisanel richin ronojel, kan xtik'at chijun ri ruwach'ulew; y ri q'aq' kan xtuk'is ri kitinamit. Y ri winaqi' xkek'atzin richin si'. Rije' man xtikijoyowaj ta kiwech ri kach'alal;


Chupan k'a ri q'ij ri' rije' kan xkewajin k'a pe chiwij, achi'el niwajin ri palou. Ri qaruwach'ulew kan xtitz'etetej k'a chi kan achi'el xa ta pisil chupan jun nimalej q'equ'm richin q'axo'n, y ri saqil kan xtok q'equ'm.


Rix kan nitze'ej ri Jehová y nibij chi tipe yan chi'anin richin ri nrajo' nuben, kan tubana', richin chi nitz'et rix. Rix chuqa' nibij chi kan tubana' k'a ri ruch'obon richin niq'ax chiwech.


Chikiwech rije' nibaybot ri ruwach'ulew; chuqa' nik'ark'ot ri kaj. Ri q'ij y ri ik' yeq'equmatej, y ri ch'umila' man yeyik'lun ta chik.


y xtikibila' k'a: Wi rubin kan ri Cristo chi nipe, ¿achike k'a roma man peteneq ta? Roma janipe' ri e kaminaqi-el ri qate-qatata' man jun jalatajineq chuwech re ruwach'ulew. Kan achi'el toq xban re ruwach'ulew, kan k'a ke na ri' re wakami, xkecha'.


Rat Ezequiel, ri awinaq chuqa' nikibij chi ri xink'ut chawech xa man xtibanatej yan ta, xa k'a janipe' na k'a xtibanatej.


Rat Ezequiel, chikikojol ri e awinaq israelita, k'o jun k'ambel-tzij ri nubij: Niq'ax k'a ri q'ij y ri nik'utumej chuwech ri q'alajirisey ruch'abel ri Dios xa man nibanatej ta, yecha'.


Kan xtipe na wi ri q'ij ri rubin kan ri ajaw, y man jun etamayon jampe', achi'el nuben jun eleq'om toq nok pa jun jay. Y chupan ri q'ij ri', ri kaj kan xtik'is roma xtijinin pa q'aq'. Chuqa' re ruwach'ulew y ronojel ri k'o pa ruwi' xkek'at chuqa'.


Roma ri winaqi' nikik'utuj chuwe achike k'a banatajineq rik'in ri ach'abel. Kan tibanatej k'a re wakami.


Xtinya-pe jun nimalej wayjal pan iwi', ri kan xtik'is-xtik'is ri ich'akul pa ruq'a'. Y kan ja ri' peteneq jalajoj ruwech yabil. Chuqa' xtinben chi xkeyakatej-pe k'uxunela' taq chikopi' chiwij, y ronojel kiwech kumatzi'.


K'ari' xketzu'un-qa chuwech re ruwach'ulew y xaxe chik q'axo'n y q'equ'm ri xtikitz'et. Keri' xtikina' ri nimalej q'equ'm ri xa kan xaxe bis ruk'amon-pe.


Kixsik'in k'a roma bis pa kiwi' ri aj-Babilonia, roma ri q'ij richin nuq'et-tzij ri Jehová kan xtipe-wi. Kan xtipe ri Dios ri k'o ronojel uchuq'a' pa ruq'a' richin nutoloba' kan chijun ri kiruwach'ulew.


Tiya' ruq'ij ri Jehová ri qa-Dios, roma wi man niben ta keri', nuteq-pe jun q'equ'm pan iwi' richin nipajk'ij iwaqen y ri saqil ri iwoyoben rix, rija' xa xtuben q'equ'm chire.


Ri Jehová kan ik'owineq chikiwech ri nikiben oyowal pa rubi' rija'; kan nuben chi niq'alajin ri ruch'abel chikij. Kan man e ajlatel ta ri ek'o rik'in, ri nikiben ri nubij rija' kan janila kuchuq'a'. Roma kan janila nim ri q'ij richin ri Jehová, kan nuya' janila xibinri'il. Y re' kan man jun nikoch'on.


Achi'el ri xiben rix aj-Edom, keri' chuqa' xtiban chiwe rix, ri itzel ibanobal xtitzolix k'a ruk'exel chiwe. roma ri' naqaj chik k'o-wi ri q'ij richin ri Jehová; q'ij richin oyowal pa kiwi' konojel ajawaren.


Y ri xtanimej roma xibinri'il xa kan xtitzaq chupan ri jul. Y ri xtikolotej kan chupan ri jul xa kan xtuya-ri' chupan ri pajk'ibel. Ri ruchi' ri kaj kan xkejaqatej richin xtipe jun nimalej job, y ri ruxe' ri ruwach'ulew kan xkesilon.


Kan q'ij-q'ij k'a yinkikanoj, y nikiben chi nikajo' niketamaj ri nubey, achi'el xa ta e jun tinamit ri nikiben ri utz, y kan nikiben ronojel pa ruchojmilal. Nikik'utuj pixa' chuwe ri kan e choj, y kan nikik'ut chi yekikot richin yejel-pe wik'in.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ