Am 5:17 - Kaqchiquel Bible

¹⁷ Toq yin xkipe richin nonya' ruk'ayewal pan iwi', ri raqoj-chi'ij kan xtapon chupan ri ulew richin tikobel uva. Yin Jehová ri yibin.

Am 5:17 ပူးပေါင်းရင်းမြစ်များ

Ex 11:4

Y toq ri Moisés k'a k'o na chiri' rik'in ri rey, xubij chire: Jare' ri nubij ri Jehová: Pa nik'aj-aq'a' xkiq'ax chupan chijun ri Egipto.

Ex 12:12

Y chupan chuqa' ri aq'a' ri' xkiq'ax chupan chijun ri ruwach'ulew richin Egipto y kan xkenkamisaj k'a konojel ri e nabey taq al alaboni' chikikojol ri winaqi'. Y keri' chuqa' chikikojol ri kawej. Y xtinq'et k'a tzij pa kiwi' ri dios richin Egipto. Ja yin Jehová ri yibin.

Ex 12:23

Toq ri Jehová xtiq'ax richin yerukamisaj ri aj-Egipto, kan xtutz'et k'a ri kik' chuchi' ri iwachoch y ri kamisanel kan choj k'a xtiq'ax-el y man jun xtuben ta kan chiwe.

Wuj Richin ri Isaías 16:10

Kan xk'is k'a ri kikoten chupan ri juyu' richin tiko'n. Chupan ri ulew richin tiko'n kan man jun chik nibixan. Kan man jun chik nipitz'on uva richin k'o ta vino, y ri raqoj-chi'ij richin ri nisamej chiri' kan xk'is.

Wuj Richin ri Jeremías 48:33

Ri kikoten kan maneq pa taq qejoj y ulew richin tiko'n, roma xtinben chi ri vino man xtibiyin ta chik akuchi niyitz'-wi ri uva y kan man jun ri xtibixan ta rik'in kikoten toq nuyitz' ri uva. Kan maneq chik bixanik richin kikoten.

Joel 3:17

Y xtiwetamaj chi ja yin Jehová ri i-Dios y yin xkik'oje' chiri' pa juyu' Sión. Y ri tinamit Jerusalem kan ch'aron wichin yin. Y man jun bey chik xtich'akatej koma ch'aqa' chik winaqi' ri man e aj chiri' ta.

Wuj Richin ri Nahum 1:12

Roma ri' kere' nubij ri Jehová chire ri rutinamit Judá: Stape' ri e etzelanel awichin k'o janila kuchuq'a' y janila e k'iy, man rik'in ri' yin kan xkenchoy-el achi'el yechoy-el ri q'ayis. y man jun bey chik xkebek'ulun-pe. Yin kan janila k'a at nuya'on-pe pa poqon; jak'a re wakami kan man xkatinya' ta chik pa q'axo'n, rat nutinamit Judá.

Wuj Richin ri Nahum 1:15

Rix winaqi' aj-Judá titz'eta' ri achike k'amayon-pe ri utzilej rutzijol. Rija' kan peteneq k'a chuwa taq juyu'; kan peteneq k'a ri niq'alajirisan ri uxlanibel-k'u'x. Kan kixnimaq'ijun k'a rix aj-Judá; kan ke'iya' k'a ri isujun chire ri Jehová, roma man jun bey chik k'a xkepe chiwij ri e etzelanel iwichin. Rije' xa kan jumul k'a xkek'is-el.

Wuj Richin ri Zacarías 9:8

Yin kan xtinchajij ri wachoch richin keri' ri xkeyakatej chuwij man xkech'akon ta. Y ri yetz'ilo kichin ri nuwinaq man jun bey chik xketikir xkekitz'ila', roma ja yin ri yichajin kichin.