Am 5:13 - Kaqchiquel Bible

¹³ Roma ri' ri wineq ri k'o na'oj rik'in man jun nubij; roma re q'ij re' janila k'ayew.

Am 5:13 ပူးပေါင်းရင်းမြစ်များ

2 Rey 18:36

Jak'a ri Eliaquim, ri Sebná y ri Joah man jun xkibij; roma ri rey Ezequías kan keri' rubin-el chike. K'ari' rije' xkiretz k'a ri kitziaq chikij y xebe chutz'etik ri rey Ezequías richin xbekitzijoj chire ri xubij ri aj-raqen aj-Asiria.

Wuj Richin ri Achin Job 32:16

¿Y kan k'o kami chi ninwoyobej y man jun ch'abel ri ninbij? Roma rije' xa man jun chik ch'abel ri nikibij, xa choj chik e pa'el keri' y man jun chik nikibij richin nikik'uluba' ri ach'abel.

Wuj Richin Bix Chire ri Dios 38:14

Kan xinben k'a achi'el jun tokon, y achi'el jun mem ri kan man nitikir ta nuto-ri'.

Wuj Richin ri Molojri'il 3:7

Napon k'a ruq'ijul richin naretz, y chuqa' napon ruq'ijul richin natz'is. Napon k'a ruq'ijul richin man jun ch'abel nabij, y chuqa' napon ruq'ijul richin k'o ch'abel nabij.

Wuj Richin ri Molojri'il 9:12

Y roj man qetaman ta achike xtuben ri qak'aslen chiqawech-apo. Xa achi'el ri ker ri nikiya-ki' pa ya'l y ri taq aj-xik' chikopi' toq nikiya-ki' pa pikbel. Xa kan keri' chuqa' niqaben roj. Toq man jun niqach'ob, kan jari' niqaqa ri ruk'ayewal ri k'aslen pa qawi'.

Wuj Richin ri Isaías 36:21

Jak'a ri winaqi' ri' man xeq'ajan ta, y kan man jun ch'abel xkibij, roma ri Ezequías kan keri' rubin chike chi kan man jun ch'abel tikibij.

Wuj Richin ri Isaías 37:3

Y kere' xbekibij chire: Jare' k'a ri rutzijol ri xuya-pe ri Ezequías. Re q'ij re', q'ij richin bis, q'ij richin ruk'ayewal y q'ij richin k'ixbilal. Roma ri qawinaq kan maneq chik kuchuq'a', achi'el jun ixoq toq nalex yan ri ti ral, y rija' xa maneq chik ruchuq'a'.

Os 4:4

Jun wineq kan man xtich'ojin ta chire jun chik wineq. Re ch'ojinik re' kan chike k'a ri e sacerdote.

Am 6:10

Chupan ri q'ij ri', ka'i' ach'alalri'il nikelesaj-el ri kich'akul ri kaminaqi' ri ek'o chupan ri jay richin yebekimuqu' kan. Ri jun xtuk'utuj-apo chire ri jun chik wi k'a k'o na jun ri rewan kan ri' ri chiri'. Y rija' xtubij chi man jun. Jari' toq ri jun chik xtubij chi man tiq'ajan, y man tunataj ri rubi' ri Jehová,

Wuj Richin ri Miqueas 2:3

Roma ri' ri Jehová ruch'obon chik chi, xtiberuya' jun ruk'ayewal pa kiwi' re winaqi' re', y kan man xketikir ta xtikikol-ki'. Y stape' rije' yebiyin rik'in nimirisanen, ri Dios xtuben k'a chike chi kan xtiqaqa kiq'ij, roma toq xtapon ri q'ij ri' kan richin ruk'ayewal y tijoj-poqonal.

Wuj Richin ri Habacuc 3:16

Rik'in ronojel re xinwak'axaj yin, kan xink'en janila rukiy. Ri nuchi' kan nik'ark'ot; ri nuch'akul kan xelawalo-qa roma kan janila xinxibij-wi'. Jak'a yin kan woyoben rik'in ch'uch'ujil ri q'ij toq xtiqaqa ruk'ayewal pa kiwi' ri winaqi' aj-Babilonia.

Efesios 6:13

Roma ri' tikusaj ronojel ri ruya'on ri Dios chiwe richin itobal; richin keri' kan yixtikir yixkoch'on toq xtipe ri q'ij richin etzelal. Y toq inaban chik iwi' jebel kan kow k'a kixk'oje' y man titzolij iwi' chiwij.

2 Timoteo 3:1

Jantape' tik'oje' chi'ak'u'x chi chupan ri ruk'isibel taq q'ij xtipe janila ruk'ayewal.