Am 5:10 - Kaqchiquel Bible

¹⁰ Toq'ex iwech rix ri nitz'uk-tzij chikiwech ri yechojmirisan richin ri yebanatej. Rix ye'iwixowaj ri winaqi' ri yebin ri qitzij.

Am 5:10 ပူးပေါင်းရင်းမြစ်များ

1 Rey 18:17

Chirij ri' ri Acab xberutz'eta' ri Elías y xubij chire: ¿Ja rat ri' ri yasachon kik'u'x ri qawinaq israelita?, xcha'.

1 Rey 21:20

Y ri Acab xubij chire ri Elías: ¿Y kan xino'awila' chik re wawe' rat etzelanel wichin?, xcha'. Y ri Elías xubij chire: Ja' xatonwila' chik, roma rat kan ajachon awi' chubanik ri etzelal chuwech ri Jehová.

1 Rey 22:8

Y ri Acab xubij chire ri Josafat: K'a k'o na kan jun achin rubini'an Micaías ruk'ajol ri Imlá ri achoq ik'in niqak'ulubej-wi achike nubij ri Jehová, jak'a yin kan itzel nina' chire roma man jun bey nuk'en ta pe utzilej taq rutzijol chuwe, xcha'. Y ri Josafat xubij chire ri Acab chi man tich'on itzel chirij ri achin ri'.

2 Crón 25:16

Y toq ri q'alajirisanel nubij keri', jari' toq ri rey xubij-apo: ¿At ya'on kan rat richin napixabaj ri rey? Man chaq ronojel ke'abij. ¿O nawajo' richin yakamisex?, xcha'. K'ari' ri q'alajirisanel xtane' rik'in re ch'abel re': Wakami wetaman chik chi ri Dios kan xkaberuk'isa' roma kere' xaben, y man xataqej ta ri xinbij chawe, xcha'.

2 Crón 36:16

Jak'a rije' xa xetze'en chikij ri e rutaqon ri Dios, xa xketzelaj ri ruch'abel y xeyojoben chikij ri e q'alajirisey ruch'abel. Y roma ri' ri Jehová xpe royowal chirij ri rutinamit, y rije' kan man jun chik xetikir xkiben.

Wuj Richin Etamabel-Tzij 15:12

Ri wineq ri kan man nuch'ob ta ri yerubij, man nrajo' ta ri nipixaban richin; y kan man napon ta rik'in jun aj-na'oj, richin chi nuk'utuj ta runa'oj chire.

Wuj Richin ri Isaías 29:21

Xkek'is chuqa' ri winaqi' e tz'ukuy taq tzij richin nikiq'abaj chikij ch'aqa' chik winaqi'. Xkeken ri winaqi' ri nikiya' pikbel pa rubey ri nichojmirisan richin ri yebanatej. Xkek'is chuqa' ri winaqi' ri nikiq'ol ri to'onel ri niq'aton-tzij, richin man yeban ta pa ruchojmilal chike ri maneq kimak.

Wuj Richin ri Isaías 59:15

Ri qitzij xa maneq chik qik'in, y ri nujech'ej kan ri' chubanik ri etzelal xa kan ruyon rija' nukanoj rukamik, yecha'. Ri Jehová xutz'et ronojel re', y kan man xqa' ta chuwech, roma maneq ruchojmilal.

Wuj Richin ri Jeremías 38:7

K'o k'a jun achin aj-Etiopía, rubini'an Ebed-mélec, jun chike ri aj-raqen chiri' pa rachoch ri rey, xrak'axaj k'a chi yin xiya'ox-qa chiri' pa jul. Y ri rey k'o pa jun molojri'il chiri' akuchi ye'el-ye'ok-wi pan okibel richin ri Benjamín.

Os 4:4

Jun wineq kan man xtich'ojin ta chire jun chik wineq. Re ch'ojinik re' kan chike k'a ri e sacerdote.

Wuj Richin ri Chojmirisabelri'il 13:10

richin chi nutz'et achike rubanon ri yabil ri'. Y wi ri sipojik seq rubanon y chuqa' xusaqirisaj yan ri rusumal y kan ch'a'k chik rubanon;

Am 5:15

Rix ri ix rijatzul kan ri José, tiwixowaj ri itzel y tiwajo' ri utz. Kan tik'oje' ruchojmilal chikiwech ri to'onela'. Wi keri' xtiben, rik'in juba' xtinjoyowaj iwech yin Jehová ri Dios ri k'o ronojel uchuq'a' wik'in ri yibin.

San Juan 15:19

Wi rix ix junan ta kik'in ri winaqi' ri k'a kikuquban na kik'u'x rik'in re ruwach'ulew, yixkajo' ta. Jak'a wakami yixketzelaj, roma xixincha' richin man ix richin ta chik re ruwach'ulew.

San Juan 3:20

Konojel k'a ri yebanon ri itzel taq banobel, man k'a niqa' ta chikiwech ri saqil, ni man chuqa' yejel ta apo rik'in, roma re saqil re' nuben k'a chi yebeq'alajin-pe ronojel ri itzel taq kibanobal ri ye'ajin chubanik.

San Juan 7:7

Rix xa kan man k'a yixetzelex ta koma ri winaqi' ri k'a kikuquban na kik'u'x rik'in re ruwach'ulew. Jak'a yin kan yinketzelaj-wi, roma yin kan ninq'alajirisaj ri itzel taq kibanobal ri yekibanala'.

Gálatas 4:16

¿Nich'ob rix chi yin xinok etzelanel iwichin roma toq xinbij ri qitzij chiwe?

Apocalipsis 11:10

Y ri winaqi' ri' xkekikot janila roma ri e ka'i' ri xeken yan. Y roma ri kikikoten janila, kan xkekibanala' k'a sipanik chikiwech-qa rije', roma kan xek'ayewatej pa kiq'a' ri e ka'i' q'alajirisey ruch'abel ri Dios.