Am 5:1 - Kaqchiquel Bible

¹ Rix nuwinaq israelita, tiwak'axaj re jun bix re' richin bis ri xinben pan ibi'.

Am 5:1 ပူးပေါင်းရင်းမြစ်များ

Wuj Richin ri Jeremías 18:13

Roma ri' kere' xubij ri Jehová: Tik'utuj chike ri ch'aqa' chik tzobaj winaqi' richin re ruwach'ulew, wi k'o jun ri rak'axan achi'el re ch'abel re'. Kan qitzij na wi chi rix israelita kan janila itzel taq banobel ri ye'iben.

Wuj Richin ri Jeremías 7:29

Rix winaqi' richin ri tinamit Jerusalem tisokaj ri rusumal-iwi' y tik'aqa-el y kixbe'oq'-q'anej pa ruwi' la juyu'. Roma ri Jehová kan xixrixowaj yan y xixrumestaj yan kan, roma kan ja rix ri xixbanon chire richin xyakatej royowal chiwij, kacha' chike.

Wuj Richin ri Jeremías 9:10

Yin yinoq' y yibison roma ri k'echelaj. Yin ninbixaj jun bix richin bis roma ri juyu' richin soq'olbel, roma xa xek'at y man jun chik achike ye'ik'o pa kiwi'. Kan man nak'axex ta chik koq'ej ri awej y keri' chuqa' ri aj-xik' taq chikopi' y ri chikopi' richin k'echelaj. Konojel xa xe'animej yan el.

Wuj Richin ri Jeremías 9:17

Ri Jehová k'iytisanel richin ronojel nubij chi tiqak'axaj y tiqataqa' koyoxik ri ixoqi' ri kan ja kisamaj richin ye'oq'.

Wuj Richin ri Jeremías 9:20

Rix ixoqi' tiwak'axaj k'a ri rutzijol ri xuya-pe ri Jehová. Tik'utu' chikiwech ri iwal xtani' richin keri' chuqa' rije' nikibixaj re jun bix re' richin bis y chikiwech chuqa' ri kachibil.

Wuj Richin ri Jeremías 9:9

Roma ri' yin k'o chi ninya' rutojbalil-mak pa kiwi'. K'o chi ninya' ri ruk'ayewal ri ruk'amon nikik'ul re tinamit re', ncha' ri Jehová.

Ez 19:1

Ri Jehová xch'on chik wik'in yin Ezequiel y xubij chi tinbixaj jun bix richin bis pa kiwi' ri rey richin ri tinamit Israel y kere' k'a nubij:

Ez 19:14

Y keri' k'a xk'uluwachitej, chi ri juwi-uva xk'at, y xk'is k'a ri ruwech y ri ruq'a'. Kan man jun chik ri xk'oje' ta kan ri nik'atzin ta richin nok rey. Re bix re' nik'atzin k'a richin toq yemuq ri kaminaqi' y k'o chi nibixex rik'in bis.

Ez 26:17

Rije' xtikibixaj jun bix ri ruk'amon-pe bis y ri bix kere' nubij: Rat tinamit ri eleneq utz atzijol, xa xach'akatej yan. Rat k'a xaq'aton-tzij pa kiwi' e k'iy ojer kan. Kan chijun k'a ruwach'ulew xkixibij-ki' chawech.

Ez 27:2

Rat Ezequiel, tabixaj k'a re jun bix re' richin bis pa ruwi' ri Tiro:

Ez 28:12

Rat Ezequiel, tabixaj k'a re jun bix re' ri ruk'amon-pe bis, pa ruwi' ri rey richin Tiro y tabij jare' ri ninbij yin Jehová: Kan qitzij na wi chi rat kan at utz chikiwech ch'aqa' chik, y kan at nojineq rik'in nojibel, y rat xaben chire ri awajawaren chi kan jebel ok.

Ez 32:16

Re jun bix re' richin bis y kan kere' k'a rubixaxik ri xtikibixaj ri ixoqi' richin e k'iy ruwach'ulew. Re jun bix re' richin ri ruwach'ulew Egipto y kichin ri e janila chi winaqi' aj chiri', yin Jehová ri yibin.

Ez 32:2

Rat Ezequiel, tabixaj re jun chik bix re' richin bis chire ri rey richin ri ruwach'ulew Egipto. Y kere' tabij: Rat rey at achi'el jun koj ri nibiyaj pa ruwi' chijun re ruwach'ulew. Rat chuqa' at achi'el jun nimalej ayin ri atk'o pa taq palou y ri pa raqen taq ya'. Y rik'in ri awaqen natuk ruxe' ri ya' y ch'abeq-ch'abeq nuben ruwech ri ya'.

Am 3:1

Rix winaqi' israelita tiwak'axaj ri xtinbenbij chiwe: Ri ojer kan xenkol-pe pan Egipto ri iwati't-imama'.

Am 4:1

Rix ixoqi' aj-Samaria, kan janila ix ti'oj, achi'el ri wákix ri ek'o pa ruwach'ulew Basán. Rix kan janila ye'itz'ila' ri winaqi' ri man jun k'o kik'in. Rix niben chike ri iwachijilal chi tikik'ama-pe más vino richin yixq'aber. Roma ri' tiwak'axaj re ch'abel re':

Am 5:16

Yin Jehová, Dios ri k'o ronojel uchuq'a' pa nuq'a' kere' ninbij: Chupan ronojel nima'q ruwech bey richin molojri'il xtak'axatej oq'ej. Chuqa' chupan ronojel bey xtak'axatej raqoj-chi'ij richin bis. Xke'oyox chupan ri bis ri winaqi' ri kan ja kisamaj ri'. Y chuqa' xke'apon ri achi'a' ri yesamej pa juyu' richin ye'oq'.

Am 8:14

Chi'iwonojel xkixtzaq y man xkixyakatej ta chik: Rix ri nijikiba' itzij chuwech ri wachibel ri k'o pa Samaria, rix ri niya' itzij pa rubi' ri dios ri k'o pa Dan, ri niya' itzij pa rubi' ri dios ri k'o pa Beerseba. Xkixtzaq y man jun bey chik xkixyakatej, xcha'.

Wuj Richin ri Miqueas 2:4

Chupan ri q'ij ri' kan xtiban k'a jun bix richin tze'en chikij. Y kere' k'a nubij: Kan xojwulex k'a jumul, y ronojel ri k'o qik'in xa xch'ar chikiwech ch'aqa' chik. Wakami ri Dios xrelesaj ri qulew roj, y xuya' kan pa ruq'a' ri etzelanel qichin.