Am 4:9 - Kaqchiquel Bible

⁹ Xinya' nimalej taq kaq'iq' pa ruwi' ri itiko'n richin xechaqi'j-qa. Xinteq k'a pe yabil richin nik'is ri i-uva y ri itiko'n ri ek'o pa qejoj. Chuqa' ri sak' xekitej ri iwíkix y ri olivo. Man rik'in ri' man xtzolej ta pe ik'u'x wik'in. Yin Jehová ri yibin.

Am 4:9 ပူးပေါင်းရင်းမြစ်များ

1 Rey 8:37

Y wi chuwech re ruwach'ulew k'o ta nima-wayjal o nima-yabil kichin ri awej, o wi ri tiko'n nuchop ul o wi yepe pus chirij, o wi yepe ta ri tzobaj sak' richin nikik'is ri tiko'n, o yepe ta ri etzelanel qichin nikisutij-rij ri qatinamit y xtikichop chi oyowal, o xtipe xabachike nima-ruk'ayewal o xabachike yabilal pa kiwi',

2 Crón 6:28

Y wi chuwech re ruwach'ulew k'o ta nima-wayjal o nima-yabil kichin ri awej, o wi ri tiko'n nuchop ul o wi yepe pus chirij, o wi yepe ta ri tzobaj sak' richin nikik'is ri tiko'n, o yepe ta ri e etzelanel qichin nikisutij-rij ri qatinamit y xtikichop chi oyowal, o xtipe xabachike nima-ruk'ayewal o xabachike yabilal pa kiwi',

Wuj Richin ri Isaías 1:5

¿Achike k'a roma k'a niwajo' na más tijoj-poqonal? ¿K'a niwajo' na yixk'oje' chupan ri iyakatajinenri'il? Rix kan ix achi'el jun wineq ri janila yawa'. Chijun ri ijolon kan janila k'a sokotajineq, y ri iwánima janila chik niq'axon,

Wuj Richin ri Isaías 50:11

Rix ri nibox jun q'aq' richin nitz'et ri ibey, kan kixbiyin k'a chupan ri saqil ri'. Y rix ri nitzij jun chej richin nuya' saqil, kan titzeqelibej k'a ri saqil richin ri chej ri'. Jak'a ri Jehová kan xtuteq-pe jun nimalej ruk'ayewal pan iwi', y ronojel re' xa xtuk'en-pe bis.

Wuj Richin ri Isaías 9:12

Ri pa relebel-q'ij xkepe ri aj-Siria, y ri pa qajbel-q'ij ja ri aj-Filistea. Y rije' kan xkekitej chi rex ri israelita. Y man rik'in ri' man ik'owineq ta qa ri royowal ri Jehová. Xa kan k'a ruya'on na q'ij richin yek'is konojel.

Wuj Richin ri Jeremías 3:10

Man rik'in ri' ri aj-Judá xa xkiben achi'el xkiben ri kach'alal. Xa man xtzolin ta pe kik'u'x wik'in rik'in ronojel kánima. Ja yin Jehová ri yibin.

Wuj Richin ri Jeremías 5:3

Jehová, ¿man ja ta kami ri qitzij nakanoj rat? Rat xaya' rutojbalil-mak pa kiwi' y man xeq'axomer ta; xaya' wululen pa kiwi', jak'a man xkajo' ta xatkinimaj. Kan xkikowirisaj k'a ri kánima, más chuwech ri abej y kan man xkajo' ta xetzolin chupan ri utzilej bey.

Os 11:5

Rije' man xketzolin ta chik k'a pan Egipto, pa ruk'exel ri' xa jak'a ri rey richin Asiria ri xtik'oje' pa kiwi'. Kere' xtikik'uluwachij roma kan man xkajo' ta xtzolej kik'u'x wik'in.

Joel 1:4

Ri xkiya' kan ri jut, xkitej-el ri kokoj taq sak'; ri xkiya' kan ri kokoj taq sak', xkitej-el ri nima'q taq sak'; y ri xkiya' kan ri nima'q taq sak' xkitej-el ri janila chi sak'.

Joel 1:7

Kan xkik'is k'a ri tiko'n richin uva; chuqa' kan xkik'is ri che' richin wíkix. Kan xkik'is k'a ronojel ri rij taq che' k'a xbeq'alajin na pe ri seq chire ri ruq'a'.

Joel 2:25

Ri Jehová nubij: Kan jari' k'a xtintzolij ruk'exel chiwe janipe' juna' xewa' ri sak'; ri sak' ri xebanon oyowal iwik'in rix ri xenteq-el yin.

Am 4:6

Roma re mak re' yin xinben chiwe richin xq'urul ipan roma wayjal. Chupan ronojel tinamit man xinya' ta chik wey. Man rik'in ri' man xtzolej ta pe ik'u'x wik'in. Yin Jehová ri yibin.

Am 4:8

Rix yixbe-kela' yixbe-kela' ri niben richin nikanoj iya', jak'a man xiwil ta k'iy ya' richin xik'o ri chaqi'j ichi'. Man rik'in ri' man xtzolej ta pe ik'u'x wik'in. Yin Jehová ri yibin.

Wuj Richin ri Habacuc 3:17

Yin kan xkikikot k'a rik'in ri Jehová, kan xkinimaq'ijun k'a rik'in ri Dios ri nukolonel; stape' ta ri ruche'el wíkix man ta chik niwachin, ni ri juwi-uva man ta chik nuya' ruwech, ni ri aceite richin ri olivo maneq ta chik; stape' kan man niwachin ta chik ri ruwach'ulew, y kan e maneq ta chik ri kokoj y nima'q taq awej.

Wuj Richin ri Hageo 2:17

Ri Jehová xuya-pe ruyabil ri tiko'n y chuqa' ri saqboch richin xuk'is ronojel ri isamaj rix. Man rik'in ri' man xtzolin ta pe ik'u'x rik'in.

Wuj Richin ri Malaquías 3:11

Xkenwelesaj k'a el ri xketijo ri itiko'n richin man jun bey chik xtikik'is chiwech. Chuqa' xtinben chi man xketzaq ta el ri kiwech ri i-uva pa ruq'ijul.

Deut 28:22

Chuqa' xtuteq-pe jun nima-yabil chiwij ri kan xtuk'is iwuchuq'a', rik'in nimalej k'aten, sipojik ri kan yerepo. Chuqa' xtipe jun nimalej saq'ij y man xtiqaqa ta chik job y kan xtipe k'a yabil pa ruwi' ri itiko'n. Ronojel re' kan man xkixruya' ta kan k'a toq xkixruk'is na jumul.

Deut 28:42

Ronojel k'a che' y ronojel ri itiko'n ri k'o chupan ri iwulew kan xkek'is koma ri sak'.