Am 4:3 - Kaqchiquel Bible

³ Xkixjik' k'a el pa taq wopol chire ri tz'aq richin ri tinamit. Choj xkixk'aq-el k'a pa juyu' Hermón. Yin Jehová ri yibin.

Am 4:3 ပူးပေါင်းရင်းမြစ်များ

Ez 12:5

Jak'a ri chi'aq'a' xkatel-el, xtawop-el ri tz'aq richin ri awachoch y chiri' xkatel-wi-el chikiwech konojel ri awinaq.

Ez 12:12

Y ri Jehová xubij chuqa': Chupan ri q'ij ri' ja jun ri rey xtuk'uaj-el chuwi-rutele'n ri nik'atzin chire pa ximonri'il y k'a xtiq'equmer na qa k'ari' xtel-el chupan jun jul ri xtiban chire ri tz'aq richin ri tinamit. Kan xtutz'apej k'a el ri rupalej richin man nutz'et ta ri ruwach'ulew ri xtumalij kan.

San Mateo 16:26

¿Roma achike ta k'a nuk'en-pe chire ri wineq, wi nik'oje' ta ri beyomel richin ronojel re ruwach'ulew rik'in y toq xa man kolotajineq ta? Roma ri wineq ri' man xtitikir ta xtuloq' chik ri ruk'aslen.

Wuj Richin ri Sofonías 1:18

Stape' ri winaqi' k'o saqipueq y q'anapueq kik'in, man jari' ta xtikolon kichin chuwech ri royowal ri Jehová. Roma ri ruq'aq'arinen ri royowal ri Jehová kan xtuk'is chijun ri ruwach'ulew, y konojel k'a ri winaqi' ri ek'o chiri' kan chi'anin k'a xkek'is.

Wuj Richin ri Isaías 31:7

Roma chupan ri q'ij ri', rix chi'iwonojel man xke'iya' ta chik kiq'ij ri wachibel ri e banon rik'in saqipueq y q'anapueq ri kan rix ix banayon ri xa ix aj-maki'.

Wuj Richin ri Isaías 2:20

Chupan k'a ri q'ij ri', ri winaqi' xtikik'uaj-el ri wachibel ri e kibanalon rik'in q'anapueq y saqipueq, ri e kibanalon richin xekiya' kiq'ij, y xtikik'aqala-el k'a akuchi ek'o-wi ri ch'oy y ri sotz'.

2 Rey 25:4

Chupan ri q'ij ri' ri aj-Babilonia xkiben jun jul chupan ri tz'aq richin ye'ok chupan ri tinamit. Roma ri' ri Sedequías y konojel ri aj-labal xe'animej-el ri aq'a' ri' stape' ri aj-Babilonia kisutin-rij ri tz'aq. Ri Sedequías y ri achi'a' xe'ik'o-el ke taq ri' akuchi k'o-wi ruchi' ri ruqejoj ri rey, ri k'o chukojol ri ka'i' tz'aq. Rije' xkichop-el bey richin xebe pa relebel-q'ij chire ri raqen-ya' Jordán.

2 Rey 7:15

Xebe k'a ri achi'a' ri', y xkitzeqelibej-el ri bey ri akuchi xeq'ax-wi ri aj-Siria, k'a xe'apon na chuchi' ri raqen-ya' Jordán. Y xkitz'et k'a chi chijun ri bey ri' nojineq chi tzieq y ch'aqa' chik ri xekitzaqala' kan pa bey, roma ri aj-Siria kan anineq xebe richin xe'animej. K'ari' ri achi'a' ri e taqon-el roma ri rey xetzolin-pe y xbekiya' rutzijol chire ri rey.

Wuj Kichin ri To'onela' 5:17

Chuqa' ri aj-Galaad man xesilon ta pe ri juk'an-apo chire ri raqen-ya'. Ri tzobaj richin Dan xa ja ri ki-barco ri xekichajij kan. Ri tzobaj richin Aser xa ja ri palou ri xkimayjaj kan, y kan man xkimey ta richin xesilon-pe.

Wuj Richin ri Jeremías 52:7

K'ari' jujun chike rije' xkichop nikiwop jun jul chire ri tz'aq richin ri tinamit, stape' ri aj-Babilonia kisutin-rij ri tinamit. Jak'a ri Sedequías y ri aj-labal aj-Judá xe'animej-el chupan ri aq'a' ri'. Xe'el k'a el chiri' chupan ri okibel ri k'o chukojol ri ka'i' tz'aq ri akuchi tikon-wi kotz'i'j richin ri rey y xkik'uaj-el ri bey ri keri' pa taq'aj kojol juyu' richin ri raqen-ya' Jordán.

Am 6:7

Roma ri' rix nabey xkixbe pa ximonri'il, y keri' nik'is-el ronojel nimaq'ij ri ye'iben.