Am 4:13 - Kaqchiquel Bible

¹³ Ja yin ri xibanon ri juyu'. Yin ri yiya'on-pe ri kaq'iq'. Chuqa' ja yin ri yiq'alajirisan ri nuch'obonik chiwe rix. Ja yin ri yijalo ri paq'ij rik'in ri chaq'a'. Chuqa' ja yin ri yiq'ax pa kiwi' ri nimalej taq juyu'. Y ri nubi' ja ri Jehová ri Dios ri k'o ronojel uchuq'a' wik'in, xcha'.

Am 4:13 ပူးပေါင်းရင်းမြစ်များ

Am 5:8

Kinikanoj yin ri xibanon kichin ri ch'umila' ri ek'o chuwech ri kaj. Ja yin ri xibanon kichin ri ch'umila' ri nibix Pléyades y Orión chike. Yin ri yijalo ri aq'a' rik'in nimaq'a', y ri paq'ij rik'in ri q'equ'm. Yin ri yimolo-ruchi' ri ya' richin ri palou, richin ninya'aj ri ruwach'ulew chire.

Wuj Richin ri Miqueas 1:3

Ri Jehová kan xtel k'a pe ri akuchi-k'o-wi; kan xtiqaqa k'a pe richin xkeruxolq'otij ri nima'q taq juyu'.

Am 9:6

Ri Jehová chila' chikaj xuben-wi ri rachoch, y ri ruxe' ri rachoch k'o-pe chuwech ri ruwach'ulew. Rija' kan yerumol ri ya' richin ri palou, y k'ari' nuya'aj chijun ri ruwach'ulew. Jehová jari' ri rubi' rija'.

Wuj Richin ri Isaías 47:4

Yin in Jehová k'iytisanel richin ronojel, ri Loq'olej ri k'o pan Israel, y kikolonel ri israelita.

Dn 2:28

Jak'a, kan k'o jun Dios ri k'o chila' chikaj ri niq'alajirisan ronojel ri e ewatel. Rija' xtiq'alajirisan chawech ri xtik'uluwachitej chiqawech-apo. Wakami k'a xtinq'alajirisaj ri awachik' y ri nel chi tzij.

Wuj Richin ri Jeremías 13:16

Tiya' ruq'ij ri Jehová ri qa-Dios, roma wi man niben ta keri', nuteq-pe jun q'equ'm pan iwi' richin nipajk'ij iwaqen y ri saqil ri iwoyoben rix, rija' xa xtuben q'equ'm chire.

Wuj Richin Bix Chire ri Dios 65:6

Rik'in ri nimalej awuchuq'a', rat xe'ajikiba' ri nimalej taq juyu'. Kan at nojineq k'a rik'in uchuq'a'.

Deut 33:29

Ri Jehová xkolon iwichin, y kan xuya' janila urtisanik chiwe. Ri Jehová kan yixruchajij y kan yixruto'. Rija' nuben oyowal pan ik'exel rix richin yixch'akon chikij ri etzelanel iwichin, y kan ja rix xkixk'oje' pa kiwi' rije', xcha' ri Moisés.

Wuj Richin ri Zacarías 12:1

Ri Dios xuya' chik jun rutzijol chuwe, y jare' ri xubij: Yin Jehová ri xibanon ri kaj y ri ruwach'ulew. Ja yin ri yiya'on ruk'aslen ri wineq.

Am 8:9

Ri Jehová ri k'o pa ruwi' ronojel kere' nubij: Chupan ri q'ij ri' xtinben chi niq'equmer ri q'ij chupan ri nik'aj-q'ij; Toq nik'aton ri q'ij, jari' toq xtinben chi niq'equmatej chijun ri ruwach'ulew.

Wuj Richin ri Jeremías 51:19

Ja rat ri xabanon ronojel ri k'o chuwech re ruwach'ulew. Y ja rat ri at qa-Dios, ri oj rijatzul kan ri Jacob. Ja rat xacha'on qichin richin xojok atinamit. Y ri abi' rat, ja ri Jehová k'iytisanel richin ronojel.

Wuj Richin ri Jeremías 10:16

Ja rat ri xabanon ronojel ri k'o chuwech re ruwach'ulew. Y ja rat ri at qa-Dios, ri oj rijatzul kan ri Jacob. Ja rat xacha'on qichin richin xojok atinamit. Y ri abi' rat Jehová k'iytisanel richin ronojel, xicha' chire ri Dios.

Wuj Richin ri Isaías 40:12

Man jun ri rik'in ta ri ruq'a' nitikir nretaj ronojel ri ya'. Chuqa' man jun k'o ta ri más nim ri ruq'a' richin nretaj ta ri kaj. Man jun ri nitikir ta numol ronojel ri poqolaj ri k'o chuwach'ulew pa jun ti k'ojelibel. Y chuqa' man jun ri nitikir ta, chi pa jun etabel, nretaj ri ko'ol y ri nima'q taq juyu'.

Deut 32:13

Rija' xixruto' richin xe'ich'ek ri winaqi' ri ek'o chuwech ri taq'aj, y xixwa' jebel chuwech ri ulew ri ek'o chiri'. Chuqa' xe'itz'ub ri kab ri nikiya' ri taq chikopi' ri chuwa taq abej, y kojol wajweq taq abej xek'iy-pe che' olivo.

Ex 14:20

Y keri' ri sutz' ri', xk'oje' k'a chukojol ri akuchi ek'o-wi-qa ri aj-Egipto y ri akuchi ek'o-wi-qa ri israelita. Ri sutz' ri', jun q'equ'm k'a chike ri aj-Egipto, jak'a chike ri israelita kan jun saqil. Y chupan ri jun aq'a' ri', kan man jun ri xq'ax ta apo y man jun chuqa' ri xq'ax ta pe, roma ri sutz'.

Ex 10:22

Ri Moisés keri' xuben y xpe k'a jun nimalej q'equ'm pa ruwi' chijun ri Egipto y keri' xuben oxi' q'ij.

San Juan 3:8

Ri Loq'olej Espíritu nuya' jun k'ak'a' k'aslen ri achoq chire nrajo' nuya-wi. Xa kan achi'el k'a ri kaq'iq' ri xabakuchi nik'ulun-wi-pe: Man tz'etel ta, jak'a xaxe nawak'axaj. Man k'a awetaman ta akuchi peteneq-wi y man awetaman ta chuqa' akuchi nibe-wi, xcha' ri Jesús.

Wuj Richin ri Habacuc 3:19

Ri Jehová ri wajaw nuya' wuchuq'a'. Rija' kan nuben k'a chire ri waqen chi kan achi'el kaqen ri masat ri man yekos ta. Y rija' kan yiruto' richin yipa'e' pa kiwi' ri juyu'.

Am 6:8

Yin Jehová ri in Rajaw richin ronojel, kan nuya'on nutzij; yin Jehová ri k'o ronojel uchuq'a' wik'in ninbij: Kan ninwixowaj ri inimirisanen rix ri ix rijatzul kan ri Jacob. Kan ninwetzelaj ri iwachoch richin tobel. Roma ri' ri itinamit kan xtinjech-el pa ruq'a' ri etzelanel iwichin. Chuqa' xkixinjech-el chi'iwonojel rix winaqi' ri ixk'o chupan ri tinamit. Yin Jehová ri yibin.

Am 5:27

roma yin xkixinteq-el más k'a kela' chirij ri ruwach'ulew Damasco. Yin Jehová ri Dios ri k'o ronojel uchuq'a' wik'in ri yibin.

Am 3:13

Yin Jehová k'iytisanel richin ronojel kere' ninbij: Ninwajo' k'a chi ri winaqi' tikak'axaj ri itzel taq kibanobal ri israelita. Ninwajo' k'a chi tikitzijoj ronojel ri xkiben.

Wuj Richin ri Jeremías 51:16

Naben chi nel-el ri sutz' chuwech re ruwach'ulew. Y toq najin job, naben chi nisaqirisan ri koyopa' y chuqa' ja rat ri yabanon chi niq'ajan-pe ri koqolajay. Y ja rat ri yabanon richin nipe ri kaq'iq'.

Wuj Richin ri Jeremías 10:13

Naben chi nel-el ri sutz' chuwech re ruwach'ulew. Y toq najin job, naben chi nich'ich'an-pe ri koyopa' y chuqa' ja rat ri yabanon chi niq'ajan-pe ri koqolajay. Y ja rat ri yabanon richin nipe ri kaq'iq'.

Wuj Richin ri Isaías 48:2

Rix kan nibij chi ix richin ri tinamit ri nuch'aron yin, y chi kan ikuquban ik'u'x wik'in yin, Jehová k'iytisanel richin ronojel.

Wuj Richin ri Isaías 5:30

Chupan k'a ri q'ij ri' rije' kan xkewajin k'a pe chiwij, achi'el niwajin ri palou. Ri qaruwach'ulew kan xtitz'etetej k'a chi kan achi'el xa ta pisil chupan jun nimalej q'equ'm richin q'axo'n, y ri saqil kan xtok q'equ'm.

Wuj Richin Bix Chire ri Dios 147:18

Xaxe rik'in ri ruch'abel ri Jehová, yeya'er-qa ronojel re'. Rik'in jun kaq'iq', yebiyin-el ronojel ri ya' ri'.

Wuj Richin Bix Chire ri Dios 139:2

Rat kan natz'et k'a toq yitz'uye' y toq yiyakatej-q'anej. Kan k'a nej k'a k'o-wi ri nuch'obonik, rat kan awetaman chik.

Wuj Richin Bix Chire ri Dios 135:7

Nuben chi nibeyakatej-pe ri sutz' k'a janila nej chire ri ruwach'ulew. Nuya-pe ri koqolajay richin nipe ri job, y ri kaq'iq' yerelesaj-pe ri akuchi e yakel-wi.

San Juan 2:25

Y man nik'atzin ta k'a chire chi k'o ta jun ri nibin chire achike rubanik ri kik'aslen chikijujunal, roma rija' kan retaman-wi achike k'a ri k'o pa taq kánima.

San Mateo 9:4

Jak'a ri Jesús kan xunabej k'a ri kich'obonik ri tz'ibanela' ri', y xubij k'a chike: ¿Achike k'a roma xpe itzel taq ch'obonik pa taq iwánima?

Dn 2:30

Keri' chuqa' chinuwech yin kan xuq'alajirisaj yan chuqa' ri achike nel chi tzij re achik' re'. Re' man nel ta k'a chi tzij chi yin k'o más na'oj wik'in chikiwech konojel winaqi'. Xa kan richin k'a chi niq'alajin chawech ri nel chi tzij ri achik', y richin niq'ax chawech ri ch'obonik ri xepe pan ajolon.

Joel 2:2

Ri q'ij ri', jun q'ij richin q'equ'm, jun q'ij richin sutz' y richin muj. Toq xkepe ri e etzelanel qichin kan xkepe achi'el jun nimalej tzobaj sak'. Y rije' kan xketz'et xkebiyin anineq pa ruwi' ronojel taq juyu', achi'el nitz'et toq nibiyin ri saqil pa ruwi' taq juyu' toq niseqer-pe. Man jun bey kitz'eton ri qate-qatata', ni man jun bey xtitz'et koma ri qijatzul.

Wuj Richin ri Achin Job 9:7

Wi rija' nrajo' chi man nel ta pe ri q'ij, kan man nel ta pe. Chuqa' wi nrajo' nuben chike ri ch'umila' chi man yech'ich'an ta, man yech'ich'an ta.

Wuj Richin ri Isaías 45:7

Ja yin yiya'on ri saqil, y yiya'on ri q'equ'm. Yin yibanon chike ri winaqi' chi yebe pa jotol, y ja yin yibanon chike chi yebe pa xulan. Ja yin Jehová ri yibanon ronojel re'.

Wuj Richin ri Jeremías 46:18

Yin Jehová ri k'o ronojel uchuq'a' pa nuq'a', kan ninya' nutzij pa nubi' chi ri winaqi' ri xkepe chiwij, kan janila nima'q kipalen, achi'el ri juyu' Tabor y ri juyu' Carmelo ri kan nej e jotol chuwech ri palou.

Os 12:6

Rix nuwinaq israelita kan titzolej k'a pe ik'u'x rik'in ri qa-Dios Kan tibana' k'a ri qitzij y ri choj. Kan jantape' k'a tikuquba' ik'u'x rik'in ri qa-Dios.