Am 3:6 - Kaqchiquel Bible

⁶ Wi ri trompeta nixupux pa tinamit retal richin labal, konojel ri winaqi' kan nisach kik'u'x. Wi k'o jun nik'uluwachitej chupan ri tinamit, kan ja yin Jehová ri yiya'on q'ij chi keri' nibanatej.

Am 3:6 ပူးပေါင်းရင်းမြစ်များ

Wuj Richin ri Rutikeribel 50:20

Rix xich'ob chi niben itzel chuwe yin, jak'a ri Dios xixrukusaj richin utz, richin chi nitz'et chi xinkol kik'aslen janila chi winaqi'.

2 Rey 6:33

K'a nich'on k'a ri Eliseo kik'in ri achi'a' ri k'o kiq'ij, toq xapon ri achin ri taqon-el, y ri achin ri' xubij: Wi kan ja ri Jehová taqayon-pe re jun ruk'ayewal re' pa qawi', ¿achike chik k'a xtinwoyobej yin richin ta ri Jehová nuchojmirisaj?, xcha'.

Wuj Richin ri Isaías 45:7

Ja yin yiya'on ri saqil, y yiya'on ri q'equ'm. Yin yibanon chike ri winaqi' chi yebe pa jotol, y ja yin yibanon chike chi yebe pa xulan. Ja yin Jehová ri yibanon ronojel re'.

Wuj Richin ri Jeremías 10:7

Kan konojel k'o chi nik'oje' akiy chikiwech roma rat ri at rey pa kiwi' konojel tzobaj winaqi'. Roma ri' xaxe rat ruk'amon chi nik'oje' akiy. Y chikikojol konojel aj-na'oj richin chijun ruwach'ulew, kan man jun chik achi'el rat.

Wuj Richin ri Jeremías 4:19

Y yin Jeremías xinbij: Ri wánima janila nitino y niq'axon. Nuyitz'itz'ej-ri' nupan y man yitikir ta ninq'et rik'in ri jiloj roma xinwak'axaj jun raqoj-chi'ij richin labal y nixupux ri trompeta.

Wuj Richin ri Jeremías 4:5

Tiya' k'a rutzijol pa tinamit Jerusalem y pa ruwach'ulew Judá. Tixupuj k'a ri trompeta richin niya' rutzijol chupan ri ruwach'ulew. ¡Kan kow k'a tiraqa' ichi'! y tibij: ¡Tiqamolo-qi' y qojok chiri' pa tinamit richin tobel!

Wuj Richin ri Jeremías 5:22

¿Kan man nixibij ta k'a iwi' chinuwech?, nubij ri Jehová. ¿Kan man yixbaybot ta k'a chinuwech yin, ri xinya' ri sanayi' richin ruk'ulba't ri palou, jun k'ulba't ri man nitikir ta nuq'axaj ri ya'? Xtibolqo't k'a ri ruwi' ri ya', jak'a xa xtik'is-qa; kan xtiwajin, jak'a man xtiq'ax ta chire ri ruk'ulba't. Yin Jehová ri yibin.

Wuj Richin ri Jeremías 6:1

Chuqa' ri Dios nubij: Rix winaqi' aj-Benjamín kan tikanoj k'a akuchi nito-wi-el-iwi'. Kixanimej-el re wawe' pa tinamit Jerusalem. Tibexupuj ri trompeta chiri' pa tinamit Tecoa richin niya' rutzijol y tiya-q'anej jun retal rik'in jun sib, chiri' pa tinamit Bet-haquérem, roma peteneq jun wululen, jun nimalej ruk'ayewal ri peteneq kela' pa xaman.

Ez 33:3

Y wi ri chajinel ri' nutz'et chi peteneq ri oyowal, kan jari' nuxupuj ri trompeta richin nuya' rutzijol chiwe.

Os 5:8

Tixupux k'a ri xupubel pa Guibeá, tixupux k'a ri trompeta retal labal pa Ramá. Kan tiya' k'a ri retal rik'in raqoj-chi'ij pa Bet-aven. Kan kak'ark'ot k'a roma xibinri'il rat ruwach'ulew Benjamín.

Am 3:5

Jun ti aj-xik' chikop man nitzaq ta wi man jun pikbel k'o. Jun pikbel man chaq k'ate' ta nitz'ape' wi man jun chikop qajineq chupan.

Wuj Richin ri Sofonías 1:16

y q'ij richin yeq'ajan-pe ri trompeta y raqoj-chi'ij, richin nichapatej oyowal pa taq tinamit ri sutin-kij rik'in tz'aq, y pa kiwi' ri nimalej taq torre richin tobel.

Wuj Richin ri Zacarías 8:10

Ri q'ij toq xya'ox-qa ri ruxe' ri wachoch ri ojer kan, ri winaqi' man jun kajel nikik'ul y ni ta ri qajibel kichin ri chikopi'. Chuqa' ri winaqi' man yetikir ta yek'ayin ni yeloq'on roma ri janila chi ruk'ayewal. Chuqa' xinben chi konojel xeyakatej chikij ri kachibil.

Hechos 2:23

Jak'a ri Dios xuya' k'a q'ij chi xjach ri Jesús pan iq'a', roma kan keri' ri ruch'obon-pe. Rix xiya' pa kiq'a' aj-maki', y keri' ja rix xixkamisan chuwa ri cruz.

Hechos 4:28

Jak'a ri xkiben rije' k'o chi xbanatej roma rat kan keri' ach'obon, y rat kan k'o uchuq'a' awik'in richin keri' naben.

2 Corintios 5:11

Roj kan k'o-wi k'a rukiy y rejqalen ri ajaw chiqawech, roma ri' yojsamej richin chi ek'o ta k'a más ri nikikuquba' kik'u'x rik'in. Ri Dios kan retaman-wi k'a qawech roj, y ninwoyobej chi keri' ta chuqa' rix.