Am 3:2 - Kaqchiquel Bible

² Kan xaxe rix ri xixincha' chikikojol konojel ruwach'ulew richin xixok wichin. Roma ri' xkixinpixabaj roma ri imak.

Am 3:2 ပူးပေါင်းရင်းမြစ်များ

Wuj Richin ri Rutikeribel 10:32

Ja konojel k'a tzobaj re' ri e kijatzul ri ruk'ajol ri Noé, xkik'uala-ki' chi kach'alal-ki', xkik'uala-ki' chi kiwinaq-ki'. Ja winaqi' k'a re' ri xkitaluj-ki' chuwech re ruwach'ulew toq xq'ax yan ri ya' ri xmuqun richin ri ruwach'ulew.

Wuj Richin ri Rutikeribel 18:19

Kan q'alaj chik chinuwech chi rija' kan xtuk'ut kan chikiwech konojel ri ralk'ual y ri rijatzul chi k'o chi nikitaqej ri niqa' chinuwech yin, roma rije' k'o chi pa ruchojmilal xtikiben ronojel y jebel chuqa' ruchojmirisaxik xtikiben chike ri yebanatej, richin keri' yin Jehová xtinya' ronojel ri nusujun chire ri Abraham, xcha-qa.

Wuj Richin Bix Chire ri Dios 147:19

Ri ruch'abel kan xuk'ut k'a chikiwech ri e rijatzul kan ri Jacob. Ri jalajoj ruwech rupixa' xuk'ut chuwech ri tinamit Israel.

Ex 32:34

Wakami k'a, kabiyin, tak'uaj-el ri tinamit k'a chupan ri ruwach'ulew ri nubin chik chawe. Y ri nu-ángel kan xtik'o k'a el chiwech. Man rik'in ri' toq xtapon k'a ri q'ij richin chi xtinya' ri rutojbalil chike, re winaqi' re' kan xtinya-wi ruk'ayewal pa kiwi' roma ri kimak, xcha' ri Jehová.

Wuj Richin ri Isaías 63:19

Kan qitzij, roj xa qabanon achi'el xa ta man jun bey aq'aton-tzij pa qawi', y achi'el xa ta man jun bey qak'uan ri abi'.

Wuj Richin ri Jeremías 1:15

Roma yin yenwoyoj konojel ri tzobaj winaqi' ri ek'o pa xaman. Xkepe ri e ki-rey y xtikiq'et-tzij chiri' chuchi' ri tinamit Jerusalem, chikiwech-apo ri tz'aq ri nikisutij-rij ri tinamit y chuwech-apo ronojel ri tinamit richin ri Judá.

Wuj Richin ri Jeremías 10:25

Jak'a tawelesaj k'a awoyowal chikij ri tzobaj winaqi' ri man ketaman ta awech y pa kiwi' chuqa' ri winaqi' ri man nikinataj ta ri abi', roma rije' xojkik'is roj ri oj awinaq. Rije' kan xojkik'is k'a jumul y kan xojkiya' kan pa k'ayew, xicha' chire ri Dios.

Wuj Richin ri Jeremías 11:22

Y ri Jehová k'iytisanel richin ronojel xubij: Xtinbenya' rutojbalil pa kiwi'. Ri achi'a' ri kan k'o kuchuq'a' xkeken chupan ri labal y ri kimi'al-kik'ajol xkeken roma wayjal.

Wuj Richin ri Jeremías 13:21

¿Y achike ta k'a xtibij rix aj-Jerusalem, toq k'o chi niq'at-tzij pan iwi' koma ri winaqi' ri xa ja rix ri xixtijon kichin? Kan jari' toq xtipe q'axo'n pan iwi' achi'el toq niq'axon jun ixoq ri royoben alanik.

Wuj Richin ri Jeremías 14:10

Y ri Jehová jare' ri xubij pa kiwi' rije': Re tinamit re' niqa' chikiwech yebe-kela' yebe-kela' nikiben. Roma ri' man niqa' ta chinuwech ri nikiben. Re wakami kan noqaqa chinuk'u'x ri kimak y kan xtinya' ri rutojbalil pa kiwi', xcha' chuwe.

Wuj Richin ri Jeremías 9:25

Ri winaqi' aj-Egipto, ri aj-Edom, ri aj-Amón, ri aj-Moab y ri ek'o pa tz'iran ruwach'ulew, konojel rije' k'o ketal chirij ri kich'akul y re etal re' nik'atzin richin nikisamajij ri ki-dios. Jak'a pa taq kánima, maneq re jun etal re'. Noqaqa yan k'a ri q'ij toq xtinya' rutojbalil-mak pa kiwi' konojel rije'. Y rix israelita chuqa' k'o iwetal,*f4* jak'a maneq pa taq iwánima. Y roma ri' junan kik'in rije' xtinya' rutojbalil-mak pan iwi'.

Ez 5:9

Roma ri itzel taq wachibel ri xiya' kiq'ij, roma ri' xtinbenbana' k'a chiwe ri man jun bey nubanon y man jun bey chik xtinbenbana'.

Ez 9:6

Xubij chi kekikamisaj k'a chi rijita'q, chi xtani', chi alaboni', chi ixoqi', chi ak'uala'; jak'a man jun tikiben kan chike ri winaqi' ri k'o ketal. Rije' xkichop k'a kikamisaxik ri achi'a' ri k'o kiq'ij ri ek'o chupan ri rachoch ri Jehová.

Dn 9:12

Rat kan xataqej k'a ronojel ri abin-pe pa qawi' roj y pa kiwi' ri aj-raqen y pa kiwi' ri e q'atoy taq tzij, roma kan xaya' pa qawi' ri jun nimalej ruk'ayewal. Kan man jun bey k'a banatajineq rik'in jun chik ruwach'ulew ri achi'el ri xuk'uluwachij ri tinamit Jerusalem.

Os 2:13

Xtinya' k'a rutojbalil-mak pa ruwi' roma ri janipe' q'ij xkamela'an chuwech ri Baal. Kan nuwiq-el-ri' rik'in ri ruwi-ixkinaj y ri richinaj richin nitzeqe-el chikij ri ch'aqa' chik achi'a', richin chi xirumestaj kan yin, nicha' ri Jehová.

Os 5:3

Yin kan jebel k'a wetaman ruwech ri Israel, kan man ewatel ta chinuwech yin. Ri Israel xa kan xmakun k'a chinuwech, xa kan xutz'ilobisaj-ri'.

Os 8:13

Toq yekisujula' kamelabel chinuwech yin, xa kan xekitijila' k'a qa ri ti'ij richin kamelabel. Re' kan man xqa' ta chinuwech yin. Wakami kan xtinwajlaj k'a ronojel ri kimak, kan xtinya' k'a ri tojbalil pa kiwi', y kan xtinben chike richin xketzolej chik pan Egipto.

Os 9:9

Kan nik'o chik k'a ruwi' ri mak ri xkiben, kan achi'el chik k'a ri mak ri xbanatej pa Guibeá. Jak'a ri Dios kan man xtumestaj ta k'a, kan xtuya' k'a rutojbalil re mak re'.

Am 2:4

Kere' nubij ri Jehová pa kiwi' ri aj-Judá: Ri kimak kan xik'o yan chik ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan xkixowaj ri nutijonik. Kan man xkitaqej ta ri pixa' ri xinya' chike. Xa xbe kik'u'x chikij ch'aqa' chik dios; Xekisamajij ri dios kichin ri kite-kitata'.

Am 3:3

Jun k'ulaj winaqi' man yetikir ta yebiyaj junan wi man junan ta kiwech.

Am 6:1

Toq'ex iwech rix winaqi' ri man jun nimey ixk'o chiri' pa juyu' Sión; chuqa' rix ri kan ikuquban ik'u'x rik'in ri juyu' Samaria; rix ri kan k'o iwejqalen, ri achoq ik'in ye'apon-wi ri iwinaq richin jun to'onik.

Wuj Richin ri Miqueas 2:3

Roma ri' ri Jehová ruch'obon chik chi, xtiberuya' jun ruk'ayewal pa kiwi' re winaqi' re', y kan man xketikir ta xtikikol-ki'. Y stape' rije' yebiyin rik'in nimirisanen, ri Dios xtuben k'a chike chi kan xtiqaqa kiq'ij, roma toq xtapon ri q'ij ri' kan richin ruk'ayewal y tijoj-poqonal.

Wuj Richin ri Nahum 3:4

Y ronojel re' nibanatej roma rat Nínive xa kan xak'ayij-awi' achi'el nuben jun ixoq itzel ruk'aslen. Stape' kan janila at jebel ok, Xe'atijoj ch'aqa' chik chubanik ri itz. Rik'in ri itzel taq abanobal y ri banoj itz xe'ach'ek winaqi' richin ch'aqa' chik ruwach'ulew.

Hechos 17:26

Chuqa' kan rubanon chiqe qonojel ri ojk'o chuwech re ruwach'ulew chi xa rik'in jun wineq oj peteneq-wi. Rija' ojer ri' rubin kan ri akuchi ojk'o-wi, y janipe' juna' yojk'ase'.

Romanos 2:9

Kan konojel k'a winaqi' ri yebanon etzelal, k'ayew xtikik'uluwachij y xtikitej poqon. Nabey xtiqaqa ri ruk'ayewal pa kiwi' ri nuwinaq judío, y k'ari' pa kiwi' ri man e nuwinaq ta.

1 Corintios 8:3

Jak'a wi k'o jun ri qitzij nrajo' ri Dios, niq'alajin chi kan richin chik, y ri Dios retaman chik ruwech.

Deut 10:15

Y man rik'in ri', kan xuya' k'a ri rajowabal pa kiwi' ri qati't-qamama', roma ri' xojrucha' roj ri oj kijatzul kan rije' chikikojol konojel ri winaqi', achi'el rubanon wakami.

Deut 26:18

Ri Jehová xubij re wakami chi roj israelita kan oj jun tinamit richin rija' achi'el ri rusujun chiqe, roma ri' kan tiqataqej ronojel ri rupixa'.

Deut 32:9

Roma ri Jehová ja ri qatinamit ri xucha', kan ja roj ri oj rijatzul kan ri Jacob ri xojrucha' rija'.

Deut 4:32

Tik'utuj k'a chirij ri ojer kan, kan k'a ja toq ri Dios xutz'uk-pe ri achin chuwech re ruwach'ulew. Kixbiyin k'a, k'a pa rutikeribel y k'a pa ruk'isibel chire ri ruwach'ulew richin nik'utuj wi k'o jun bey k'uluwachitajineq re nimalej banobel re'.

Deut 7:6

Roma rix kan ix jun tinamit ri kan ix ch'aron chire ri Jehová ri qa-Dios; rija' kan xixrucha' chikikojol chijun ri ruwach'ulew ri ek'o, richin keri' rix xkixok jun rutinamit ri kan k'o rejqalen chuwech rija'.

1 Pedro 4:17

Xa kan juba' chik ok q'ij richin ri Dios nuq'et-tzij pa ruwi' ri ruwach'ulew. Nabey nuq'et-tzij pa qawi' roj ri oj ralk'ual chik rija'. Y wi nabey nuq'et-tzij pa qawi' roj, ¿achike chik k'a ruwech chi tijoj-poqonal ri xtiqaqa pa kiwi' ri man xkinimaj ta ri nubij ri utzilej ch'abel richin kolotajik?