Am 3:12 - Kaqchiquel Bible

¹² Yin Jehová kere' ninbij: Kan xaxe ok juba' winaqi' aj-Samaria ri xkekolotej kan. Achi'el jun koj toq nuchop jun karne'l y ri yuq'unel xaxe chik juba' ruxikin o ka'i' taq baq richin ri raqen ri nitikir nukol kan. Keri' chuqa' ri winaqi' aj-Samaria. Ri kibeyomel man xkeruto' ta.

Am 3:12 ပူးပေါင်းရင်းမြစ်များ

1 Rey 20:30

Jak'a ri ch'aqa' chik aj-labal aj-Siria xe'animej y xebe k'a pa tinamit Afec. Y ri chiri' xa xbewuluwu-pe chikij ri tz'aq ri rusutin-rij ri tinamit, y xeken k'a ri e 27,000 aj-labal ri kikolon-el ki'. Ri rey Ben-hadad chuqa' xanimej-el y xapon chupan ri tinamit ri', y xok pa jun jay y xberewaj-ri' chiri'.

1 Rey 20:34

Jari' toq ri Ben-hadad xubij chire ri Acab chi xkerutzolij ri tinamit ri e rumajon kan ri rutata' rija' chire ri rutata' ri Acab. Y ri Ben-hadad xuya' q'ij chire ri Acab chi kerubana' jay richin k'ayij pa tinamit Damasco achi'el xuben ri rutata' rija' ri chiri' pa Samaria. Y ri Acab xubij chire chi wi keri', rija' kan xtuya' k'a el q'ij chire richin nitzolej pa Damasco. Y keri' ri Acab xuben k'a jun jikibel-tzij rik'in ri Ben-hadad, y xuya-el q'ij chire richin xbe.

1 Rey 22:25

Y ri Micaías xubij chire: Xtibeq'ax chawech k'a ja ri q'ij toq xtabeq'oq'oj-awi' pa jun jay richin xtabewewaj-awi', xcha'.

2 Rey 16:9

Y rija' kan xrak'axaj k'a ri xbix chire, y kan xyakatej k'a chirij ri tinamit Damasco. Kan xuch'ek y kan xeruk'uaj k'a el ri winaqi' pa tinamit Quir. Chuqa' xukamisaj k'a kan ri Resín.

Ester 1:6

Xuwiq k'a ri ruwech ri ruwa-jay rik'in peraj tzieq, seq, rex y raxroj ri kan janila jebel yetzu'un. Y ri peraj tzieq ri' e tzeqel rik'in argolla ri e banon rik'in saqipueq chuwech kolo' ri e banon rik'in lino q'eqq'oj-keq nitzu'un. Y ri kolo' ri' e ximil chikiwech ri pilar ri ek'o chiri'. Y ri pilar e banon rik'in abej mármol. Chuqa' ri ch'aket ri ek'o chiri' ronojel e banon rik'in q'anapueq y saqipueq. Ri ruwa-jay banon rik'in tz'ajtz'eq abej, ri banon rik'in mármol seq, y rik'in ch'aqa' chik jalajoj ruwech jebejoj taq abej keq, seq y raxroj yetzu'un.

Ester 7:8

Y toq ri rey xok chik apo chiri' akuchi najin-wi ri nima-wa'in, xutz'et chi ri Amán lukul-apo pa ruwi' ri tz'uyubel nim raqen y buyul ri akuchi nuxulan-wi ri reina Ester. Jari' toq xubij ri rey: ¿Nawajo' chuqa' yak'oje-qa rik'in ri reina re wawe' pa wachoch?, xcha'. Y toq ri rey xtane-qa chubixik re ch'abel re', kan jari' toq ri samajela' richin ri rey ri ek'o chiri' xkitz'apej rupalej ri Amán, retal chi nibeken.

Wuj Richin Bix Chire ri Dios 132:3

Roma ri' ri David xubij: Yin kan man xkinok ta k'a chupan ri wachoch, ni man xkijote' ta k'a q'anej pa nuwarabel,

Wuj Richin ri Isaías 17:7

Chupan k'a ri q'ij ri', rix k'ari' xkinikanoj yin ri xibanon iwichin. K'ari' xkinitz'et yin, ri Loq'olej i-Dios.

Wuj Richin ri Isaías 31:4

Ri Jehová k'iytisanel richin ronojel xubij chuwe chi kan xtipe pa ruwi' ri juyu' Sión richin xtorubana' oyowal richin xtuto' ri rutinamit, achi'el nuben jun koj toq rukamisan chik jun karne'l, y kan niq'ajan-pe chirij ri napon-apo rik'in. Y stape' xtikimol-ki' e k'iy yuq'unela' chirij rija', man xtuxibij ta ri', ni man jun chire rija' ri kiraqoj-chi'ij ri yuq'unela'.

Wuj Richin ri Isaías 8:4

Roma toq ri ak'ual xtitikir xtubij táta, nána, jari' toq ri aj-Damasco y ri aj-Samaria xtelesex-el ronojel kibeyomel y xke'uk'uex-el rik'in ri rey richin Asiria.

Am 6:4

Rix yixwer pa taq jebelej ch'at ri e banon rik'in key tix. Kan jebel yixkotz'e' pa taq ch'aket ri e buyul y nima'q kaqen. Kan jebel yixnimaq'ijun rik'in alaji' karne'l ri jebel e tiojirisan. Kan jebel ye'itijla' ri nima'q taq wákix.

Am 9:8

Yin Jehová xintz'et yan k'a chi rix kan ix janila aj-maki'. Roma ri' kan xkixinwelesaj-el chuwech re ruwach'ulew. Jak'a man xkixink'is ta el jumul.