Am 2:4 - Kaqchiquel Bible

⁴ Kere' nubij ri Jehová pa kiwi' ri aj-Judá: Ri kimak kan xik'o yan chik ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan xkixowaj ri nutijonik. Kan man xkitaqej ta ri pixa' ri xinya' chike. Xa xbe kik'u'x chikij ch'aqa' chik dios; Xekisamajij ri dios kichin ri kite-kitata'.

Am 2:4 ပူးပေါင်းရင်းမြစ်များ

2 Rey 17:19

Ni ta k'a ri winaqi' richin ri ruwach'ulew Judá man xkitaqej ta ri nubij ri pixa' richin ri Jehová ri ki-Dios. Xa xkitzeqelibej k'a ri itzel taq kibanobal ri israelita.

2 Crón 25:14

Toq ri Amasías xtzolin-pe chikikamisaxik ri aj-Seir, xeruk'en-pe ri ki-dios ri winaqi' ri', y xe'ok-qa richin rija'. Kan xuya' k'a kiq'ij y xuporoj pom chikiwech.

2 Crón 30:7

Man tiben achi'el xkiben ri qate-qatata' y ri qach'alal. Rije' xa xeyakatej chirij ri Jehová ri Dios kichin kan ri qati't-qamama', y roma ri' rija' xuben chike richin xkik'uluwachij nima'q taq q'axo'n, y ri winaqi' richin ri ch'aqa' chik ruwach'ulew kan xkixibij k'a ki' toq xekitz'et. Y rix kan itz'eton k'a pe re'.

Wuj Richin ri Nehemías 1:7

Kan xik'o ruwi' ri itzel xeqaben chawech rat, man qataqen ta ronojel ri apixa' ri xajech pa ruq'a' ri Moisés ri asamajel, richin xuya' chiqe roj.

Wuj Richin ri Nehemías 9:26

Jak'a ri qati't-qamama' xa xeyakatej chawij, y kan man xkitaqej ta k'a ri apixa'. Toq xe'ateq e q'alajirisey ri ach'abel richin xkibij chike chi titzolej-pe kik'u'x awik'in, xa xekikamisaj. Kan janila k'a nima'q taq mak xekibanala' y re' kan xuben chawe richin xmulun ak'u'x.

Wuj Richin ri Isaías 28:15

Rix rik'in ri inimirisanen nibij chi kan xijikiba-itzij rik'in ri kamik, y xiya' yan itzij rik'in ri jul richin muqbel, richin chi toq xtipe ri nimalej ruk'ayewal, kan man jun ri xtuben kan chiwe. Ich'obon chi rik'in ri tz'ukun-tzij, rix xixkolotej yan, y rik'in ri q'oloj ri' rix xiwil jun itobal.

Wuj Richin ri Isaías 44:20

Re' xa achi'el xa ta natej chaj. Re' xa ruyon q'oloj. Re wineq re' man xtitikir ta xukol-ri', man xtiq'ax ta chuwech chi ri k'o pa ruq'a', xa man qitzij ta.

Wuj Richin ri Jeremías 16:11

K'ari' rat Jeremías, xtabij chike chi roma ri iwati't-imama' xinkimalij kan y xebe chikij ch'aqa' chik dios richin chi nikiya' kiq'ij y xekisamajij y man xkiben ta ri nubij ri pixa'.

Wuj Richin ri Jeremías 16:12

Y rix xa kan más k'a xiben chikiwech ri iwati't-imama', roma kan chi'ijujunal niben ri rurayibel ri iwánima y man iniman ta nutzij.

Wuj Richin ri Jeremías 17:27

Jak'a wi rix xa man ninimaj ta ri nupixa' richin man nich'er ta ri q'ij richin uxlanenri'il y k'a niq'axaj na apo ejqa'n pa taq ruchi' ri tinamit Jerusalem; wi keri' xtiben, kan xtuya' k'a pe q'aq' pa ruwi' ri tinamit. Y re q'aq' re' kan xtuk'is ri tinamit ri' y kan man jun xtitikir xtichupu, xcha' ri Dios.

Wuj Richin ri Jeremías 6:19

Ninbentaqa' k'a pe jun nimalej ruk'ayewal pa ruwi' re tinamit re' roma ri itzel taq kich'obonik. Man xkinimaj ta ri nuch'abel y xa kan xketzelaj kan ri nupixa'.

Wuj Richin ri Jeremías 8:2

Y ri baq ri' xketorix kan chuwech ri q'ij, ri ik' y ri ch'umila' ri kan janila xekajo' rije', xekisamajij, xekitzeqelibej, xekik'ulubej y xekiya' kiq'ij. Y ri baq ri' kan man jun k'a xtisik'on-el kichin richin xkemuq. Xkek'oje' kan chiri' pan ulew achi'el ri pamaj.

Wuj Richin ri Jeremías 8:9

Jak'a rix ri ix aj-na'oj xa xtiqasex iq'ij y kan xkixk'ixbitej. Xa kan xtiben achi'el ri chikopi' ri nikiya-ki' pa jun pikbel. ¿Akuchi kami k'o-wi ri ina'oj roma xa man xik'ul ta chi utzil ri nuch'abel?

Wuj Richin ri Jeremías 9:14

Xa xkiben k'a ri itzel rurayibel ri kánima y pa ruwi' ri' xkiya' k'a kiq'ij ch'aqa' chik dios achi'el xkiben ri kati't-kimama'.

Ez 13:22

Rik'in ri tz'ukuj-tzij ri xkiben chike ri winaqi' ri choj kik'aslen richin xmayamo-qa ri kánima, stape' xa man ja ta ri' ri nurayibel yin. Y chuqa' xkiya' kuchuq'a' ri yebanon etzelal richin nikiben más etzelal y keri' man xkekolotej ta.

Ez 20:13

Yin kan xinya' ri ruchojmilal chike richin chi wi nikitaqej kan xkek'ase'. Man rik'in ri', xa xeyakatej chuwij chiri' pa tz'iran ruwach'ulew y man xkinimaj ta ri nupixa', jak'a xa xkixowaj, y chuqa' man xkiya' ta rejqalen ri q'ij richin uxlanen. Roma ri' xinch'ob chi ninwelesaj woyowal chikij y yenk'is kan chiri' pa tz'iran ruwach'ulew.

Ez 20:16

Xinben keri' roma xa xkixowaj ri ruchojmilal, man xkinimaj ta ri nupixa' y xkiben chire ri q'ij richin uxlanen chi man jun rejqalen. Xa xbe kánima chirij ri wachibel ri nikiya' kiq'ij.

Ez 20:18

Toq ek'o pa tz'iran ruwach'ulew xinbij k'a chike ri kalk'ual chi man kekitzeqelibej ri itzel taq kibanobal ri kite-kitata' jak'a ke'ok e ch'ajch'oj y man tikiya' kiq'ij ri wachibel.

Ez 20:24

roma man xkiben ta ri achike nubij ri nupixa', man xkiyek ta pa taq kánima y man xkiya' ta rejqalen ri q'ij richin uxlanen. Xa xbe kan kik'u'x kik'in ri wachibel y kan nikiya' kiq'ij ri dios ri xkiya' kiq'ij ri kite-kitata'.

Ez 20:30

Tabij k'a chike ri awinaq re rutzijol re'. ¿Achike roma rix xixok man ch'ajch'oj ta, achi'el k'a xkiben ri iwati't-imama'? ¿Achike roma xa iya'on kiq'ij ri wachibel ri yenwixowaj yin?

Ez 22:28

Ri man e qitzij ta q'alajirisanela', xa nikewaj ri man utz ta, richin man jun yetz'eton, achi'el xa ta nichumex jun tz'aq richin man nitz'et ta ri k'o chupan. Nikibij chi k'o nink'ut chikiwech y nikiya' rutzijol ri xa man qitzij ta, jak'a yin xa man in ch'owineq ta kik'in.

Ez 22:8

Man niya' ta k'a rejqalen ronojel ri e ch'aron chuwe yin y chuqa' kan man iya'on ta rejqalen ri q'ij richin uxlanen.

Os 12:2

Ri Jehová kan nuben k'a oyowal kik'in ri aj-Judá, richin nuya' rutojbalil-mak pa kiwi' ri rijatzul kan ri Jacob, roma ri bey ri kitzeqeliben. Kan xtuya' k'a rutojbalil chike achi'el ri rubanik ri kibanobal.

Os 12:3

Ri Jacob kan k'a k'o na chupan ri rute' toq xuchop chuqul raqen ri runimal. Keri' chuqa' rik'in ri ruchuq'a' kan xch'akon chirij ri ángel ri xchapo richin.

Os 6:11

Jak'a rat ruwach'ulew Judá, kan nuch'obon chik k'a ri q'ij richin nibek'is ri rutojbalil-mak pan awi', xcha' ri Dios.

Am 1:3

Kere' nubij ri Jehová pa kiwi' ri aj-Damasco: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan ik'owineq chik k'a ruwi' ri tijoj-poqonal ri xkiben chike ri aj-Galaad, roma xkiben chike achi'el xa ta nich'ay ri trigo rik'in q'eqapueq.

Am 3:2

Kan xaxe rix ri xixincha' chikikojol konojel ruwach'ulew richin xixok wichin. Roma ri' xkixinpixabaj roma ri imak.

Wuj Richin ri Miqueas 6:12

Rix beyoma' rik'in iwuchuq'a' nichop ri niwajo' rix. Rix xaxe tz'ukuj-tzij ri nibij, y kan xaxe k'a ri q'oloj ri niben.

Wuj Richin ri Habacuc 2:18

¿Achike ta k'a nik'atzin-wi ri ruwachibel jun dios?, roma xa jun relik wineq xbanon. ¿Achike k'a roma naben jun wachibel?, roma xaxe richin yaruq'ol. Rat xaben kiwachibel mem, y k'ari' nakuquba' ak'u'x kik'in ri xa ja rat at banayon.

Romanos 1:25

Rije' man nikajo' ta nikak'axaj ri qitzij chirij ri Dios, xa yekitzeqelibej ri man e qitzij ta. Man nikiya' ta ruq'ij, ni man nikisamajij ta ri Dios. Xa ja ri e rubanon rija', xa jari' ri nikiya' kiq'ij y yekisamajij, stape' kan ja ri Dios ri nik'atzin chi ninimirisex rubi' richin jantape'. Kan keri' ta k'a.

1 Tesalonicenses 4:8

Y wi k'o jun ri chi'ikojol ri xa man nrak'axaj ta ronojel ri xqabij yan qa chiwe, man ja ta roj o jun ta chik wineq ri nretzelaj ri ruch'abel. Xa kan nretzelaj ri ruch'abel ri Dios, ri xya'on-pe ri Loq'olej Espíritu qik'in.

1 Pedro 1:18

Ri Dios xixrukol chuwech jun k'aslen ri maneq ruchojmilal, ri xiwichinaj kan kik'in ri iwati't-imama' man rik'in ta q'anapueq ni saqipueq ri xa nik'is,

Wuj Kichin ri To'onela' 10:6

Jak'a ri israelita xa xkichop chik rubanik itzel taq banobel chuwech ri Jehová, y xekisamajij ri dios Baal y ri Astarté, y chuqa' ri ki-dios ri aj-Siria, ri aj-Sidón, ri aj-Moab, ri aj-Amón y ri aj-Filistea. Rije' xa xkimalij kan ri Jehová y man xkisamajij ta chik.