Am 2:10 - Kaqchiquel Bible

¹⁰ Jak'a ri kati't-kimama' ri israelita xenwelesaj-pe pan Egipto. Y kawineq k'a juna' xenk'uaj pa tz'iran ruwach'ulew. Yin xinben ronojel re' richin xinya' ri kiruwach'ulew kan ri amorreo chike.

Am 2:10 ပူးပေါင်းရင်းမြစ်များ

Wuj Richin ri Nehemías 9:21

Xe'awilij k'a kawineq juna' chupan ri tz'iran ruwach'ulew y man jun achike ta ri xk'atzin chike. Chuqa' ri kitziaq man xtziaqir ta chikij, ni man xesipoj ta ri kaqen roma ri binen.

Wuj Richin Bix Chire ri Dios 95:10

Kawineq k'a juna' xq'axon ri wánima kik'in ri winaqi' ri'. Roma ri' yin kan xinbij k'a chi rije' chi chaq kaka' kik'u'x. Y xa man kitaqen ta k'a ri nupixa'.

Ex 12:51

Keri' k'a ri rubanik toq ri Jehová xerelesaj-pe pa ruwach'ulew Egipto; kan konojel k'a ri tzobaj richin ri nimalej tinamit Israel xe'el-pe.

Ex 20:2

Ja yin Jehová ri in i-Dios, ri xinelesan-pe iwichin ri chiri' pa ruwach'ulew Egipto, ri akuchi xixyuqe-wi pa samaj.

Ex 3:8

Roma ri' xiqaqa-pe richin chi yetotej-el pa kiq'a' ri aj-Egipto, y yenwelesaj-el chupan ri ruwach'ulew ri', y yenk'uaj chupan jun utzilej ruwach'ulew y nim, ri akuchi niwachin-wi ronojel ruwech tiko'n, ri akuchi k'o-wi ri kiruwach'ulew ri winaqi' cananeo, ri heteo, ri amorreo, ri ferezeo, ri heveo y ri jebuseo.

Wuj Richin ri Jeremías 2:6

Rije' kan man xoqaqa ta k'a chikik'u'x akuchi ink'o-wi yin ri xinelesan-pe kichin pan Egipto y xenyuqej chupan ri tz'iran ruwach'ulew; jun ruwach'ulew nojineq rik'in nimalej taq siwan, ruwach'ulew akuchi maneq ya' y akuchi chi'anin yaken, jun ruwach'ulew akuchi man jun wineq niq'ax y ni man jun nik'oje' chiri'.

Ez 20:10

Toq xenwelesaj pe pan Egipto, xenk'uaj-el pa tz'iran ruwach'ulew.

Am 3:1

Rix winaqi' israelita tiwak'axaj ri xtinbenbij chiwe: Ri ojer kan xenkol-pe pan Egipto ri iwati't-imama'.

Am 9:7

Ri Jehová nubij: Chinuwech yin, rix israelita xa ix junan kik'in ri winaqi' etíope. Yin xixinwelesaj-pe pa ruwach'ulew Egipto. Chuqa' xenwelesaj-pe pa ruwach'ulew Creta ri aj-Filistea. Y chupan ri ruwach'ulew Quir xenwelesaj-pe ri winaqi' Sirio.

Wuj Richin ri Miqueas 6:4

Kan ja k'a yin ri xinelesan-pe iwichin pan Egipto y xixinkol-pe chupan ri kowilej taq samaj. Xenteq k'a ri Moisés, ri Aarón y ri María richin ja rije' re xeyuqen-pe iwichin.

Wuj Richin ri Q'axanri'il 13:32

Y rije' kan xkitaluj k'a rutzijol chikikojol ri winaqi' chirij ri xbekitz'eta' kan ri pa ruwach'ulew y xkibila' k'a chike: Ri ruwach'ulew ri xbeqanik'oj kan roj, jun ruwach'ulew ri akuchi xa kan xaxe qakamik xtibeqila'; y konojel ri winaqi' ri xeqatz'et kan chiri' kan janila nima'q kipalen.

Wuj Richin ri Q'axanri'il 21:25

Y keri', toq ri israelita xekichop konojel ri tinamit kichin ri winaqi' amorreo, xkiben kichin chike ri tinamit ri' y xek'oje' ri pa taq jay. Chuqa' keri' xkiben rik'in ri tinamit Hesbón y ri taq kokoj tinamit ri ek'o-pe chunaqaj.

Wuj Richin ri Q'axanri'il 32:13

Xyakatej k'a royowal ri Jehová chikij ri qate-qatata' y roma ri' xuben chike chi xek'oje' kawineq juna' pa tz'iran ruwach'ulew, k'a toq xek'is na ri jun sol winaqi' ri man xebiyin ta choj chuwech.

Hechos 13:18

Kawineq k'a juna' ri xkik'owisaj chupan ri tz'iran ruwach'ulew, ri Dios xukoch' ri kibanobal.

Hechos 7:42

Jari' k'a toq ri Dios xeruya' kan ri qawinaq, y xuya' k'a q'ij chike chi tikiya' na k'a kiq'ij kiwachibel konojel ri e tz'etel ri chikaj. Kan keri' k'a kitz'iban kan ri e eq'alajirisey ruch'abel ri Dios:*f17* Rix winaqi' aj-Israel, toq xixbiyin kawineq juna' ri pa tz'iran ruwach'ulew, ¿xe'ikamisala' kami ri chikopi' richin xe'isuj chuwe yin? Xa man xiben ta keri'.

Deut 1:39

Stape' rix xich'ob chi ri e etzelanel iwichin xkekik'uaj-el ri taq iwalk'ual, re ak'uala' k'a re', ri k'a man jani k'o kina'oj, xa chike k'a rije' xtinya-wi ri ruwach'ulew, xke'ok-apo y kan xtikichinaj kan.

Deut 2:7

Ri Jehová ri qa-Dios kan ruya'on k'a urtisanik pa ruwi' ronojel ri qabanon-pe; y kan oj ruchajin k'a pe chupan re jun nimalej tz'iran ruwach'ulew re'. Kan chupan k'a chi kawineq juna' k'o-pe qik'in y man jun ri man ta xuya' chiqe.

Wuj Richin ri Josúe 13:4

ri k'o pa xokon chire ri kiruwach'ulew ri aj-Canaán; nitiker-el rik'in ri tinamit Mehara ri kichin ri aj-Sidón, y napon k'a pa tinamit Afec, ri akuchi k'o-wi ri ruk'ulba't ri ruwach'ulew kichin ri amorreo.

Wuj Richin ri Josúe 24:8

Xixink'en k'a pe chupan ri kiruwach'ulew ri winaqi' amorreo, ri ek'o juk'an chire ri raqen-ya' Jordán. Y rije' xkiben oyowal iwik'in rix, jak'a yin kan xenjech pan iq'a'. Xenk'is k'a el chiwech y ja rix xixok kan chuwech ri kiruwach'ulew.