Am 2:1 - Kaqchiquel Bible

¹ Kere' nubij ri Jehová pa kiwi' ri aj-Moab: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan xkiporoj ri rubaqil ri rey richin Edom. Kan xkiben chi xok chaj ri rubaqil.

Am 2:1 ပူးပေါင်းရင်းမြစ်များ

2 Rey 3:9

Xe'el k'a el ri rey richin Israel, ri rey richin Judá y chuqa' xkachibilaj-el ri rey richin ri ruwach'ulew Edom. Ri bey ri napon pa Moab kan man choj ta k'a, y roma ri' xebiyin ri pa tz'iran ruwach'ulew wuqu' q'ij. Y roma ri' kan xk'is k'a ri kiya' ri aj-labal y keri' chuqa' ri kiya' ri chikopi' ri e kik'uan-el.

Wuj Richin Etamabel-Tzij 15:3

Ri rutzubal ri Jehová, xabakuchi k'a napon-wi; ri runaq' taq ruwech kan ek'o k'a pa kiwi' ri utzilej y ri itzelej taq banobel.

Wuj Richin ri Isaías 11:14

Chi e ka'i' tinamit xkeyakatej-el chikij ri aj-Filistea ri ek'o pa qajbel-q'ij. Chuqa' xtiqelesaj ri kibeyomel ri tzobaj winaqi' ri ek'o pa relebel-q'ij. Xqojyakatej chikij ri edomita y ri moabita. Y ri amonita kan xkek'oje' chuxe' ri qatzij roj.

Wuj Richin ri Isaías 16:6

Kan qak'axan k'a ri kinimirisanen ri winaqi' aj-Moab. Chuqa' kan maneq kik'ix, Rije' nikinimirisaj ri kibanobal, jak'a konojel man qitzij ta ri nikibij.

Wuj Richin ri Isaías 25:10

Roma ri Jehová kan xtrurtisaj re juyu' re', jak'a ri Moab xa xtipalibex chi'aqen, achi'el toq nipalibex ri páxa ri ya'on pa kiwi' ri nikipamaj ri chikopi'.

Wuj Richin ri Jeremías 25:21

ri edomita, ri moabita, ri amonita,

Am 1:11

Kere' nubij ri Jehová pa kiwi' ri aj-Edom: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' xekitzeqelibej ri kiwinaq israelita richin xekikamisaj. Y kan man xkijoyowaj ta kiwech. Ri ch'upun-k'u'x ri xk'oje' kik'in kan janila nim. Kan man xkiq'et ta ruwi' ri koyowal.

Am 1:13

Kere' nubij ri Jehová pa kiwi' ri aj-Amón: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' xkiqupij kipan ri ixoqi' ri koyoben alanik ri chiri' pa ruwach'ulew Galaad. Ronojel re' xkiben xaxe richin chi ninimer ri kulew.

Am 1:3

Kere' nubij ri Jehová pa kiwi' ri aj-Damasco: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan ik'owineq chik k'a ruwi' ri tijoj-poqonal ri xkiben chike ri aj-Galaad, roma xkiben chike achi'el xa ta nich'ay ri trigo rik'in q'eqapueq.

Am 1:6

Kere' nubij ri Jehová pa kiwi' ri aj-Filistea: Ri kimak kan xik'o yan chik ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije', kan konojel winaqi' xekik'uaj-el pa ximonri'il. Kan konojel k'a xebekik'ayij chike ri aj-Edom.

Am 1:9

Kere' nubij ri Jehová pa kiwi' ri aj-Tiro: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije', kan konojel ri winaqi' xekik'uaj-el pa ximonri'il. Kan konojel k'a xebekik'ayij chike ri aj-Edom, stape' junan kiwech kik'in ri israelita.

Am 2:4

Kere' nubij ri Jehová pa kiwi' ri aj-Judá: Ri kimak kan xik'o yan chik ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan xkixowaj ri nutijonik. Kan man xkitaqej ta ri pixa' ri xinya' chike. Xa xbe kik'u'x chikij ch'aqa' chik dios; Xekisamajij ri dios kichin ri kite-kitata'.

Am 2:6

Kere' nubij ri Jehová pa kiwi' ri aj-Israel: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan xekik'ayij ri winaqi' ri xa maneq kimak. Xekijel ri winaqi' ri man jun k'o kik'in rik'in juk'ulaj xajab.

Wuj Richin ri Miqueas 6:5

Nutinamit yin, toqaqa chi'ik'u'x ri xrajo' ta xuben chiwe ri Balac ri rey richin Moab, y ri xubij ri Balaam ri ruk'ajol ri Beor. Chuqa' toqaqa chi'ik'u'x ri xinben iwik'in toq xixq'ax-pe pa Sitim y xixapon pa Guilgal, richin niya' rejqalen ri ch'akonik ri xinya' chiwe yin, xcha' ri Jehová.