Am 1:9 - Kaqchiquel Bible

⁹ Kere' nubij ri Jehová pa kiwi' ri aj-Tiro: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije', kan konojel ri winaqi' xekik'uaj-el pa ximonri'il. Kan konojel k'a xebekik'ayij chike ri aj-Edom, stape' junan kiwech kik'in ri israelita.

Am 1:9 ပူးပေါင်းရင်းမြစ်များ

2 Sam 5:11

Ri chiri' pa tinamit Tiro k'o k'a jun rey rubini'an Hiram. Y rija' xeruteq k'a uk'uey rutzijol rik'in ri David. Ri achi'a' ri' kik'uan k'a el tiox-che', y e kachibilan-el ajanela' y achi'a' ri yesamajin abej richin nikipaba-q'anej ri rachoch ri David.

Wuj Richin Bix Chire ri Dios 83:7

ri guebalita, ri amonita, ri amalecita, ri aj-Filistea y ri aj-Tiro.

Wuj Richin ri Jeremías 25:22

ri aj-Tiro, ri aj-Sidón, ri winaqi' ri ek'o chuchi' ri palou,

Wuj Richin ri Jeremías 47:4

Xtapon ri q'ij richin xkixk'is rix aj-Filistea y man xkixtikir ta chik xke'ito' ri aj-Tiro y ri aj-Sidón, roma yin Jehová xkik'ison iwichin rix ri xixpe richin xo'ito-iwi' pa ruwach'ulew Creta.

Ez 27:1

Ri Jehová xch'on chik jun bey wik'in y xubij chuwe:

Ez 27:27

Kan ronojel re' xtik'is; ri rubeyomel, ri ruk'ayij, ri ruloq'oj, konojel ri yesamajin richin ri barco, ri k'ayinela', ri aj-labal y konojel ri ch'aqa' chik, kan junan k'a xkebe chuxe' ri ya'.

Ez 28:1

Ri Jehová xch'on chik wik'in y xubij chuwe:

Ez 28:18

Ri amak kan xik'o yan ruwi', y ri ak'ayij kan man pa ruchojmilal ta xaben chire. Roma ri' xaben chi xaqasaj kiq'ij ri a-dios. Roma ri' xinben chi xtzijitej jun q'aq' chi'ikojol rix richin chi xixruk'is. Y wakami konojel ri winaqi' xkitz'et chi ri awajawaren xa xok kan chaj.

Am 1:11

Kere' nubij ri Jehová pa kiwi' ri aj-Edom: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' xekitzeqelibej ri kiwinaq israelita richin xekikamisaj. Y kan man xkijoyowaj ta kiwech. Ri ch'upun-k'u'x ri xk'oje' kik'in kan janila nim. Kan man xkiq'et ta ruwi' ri koyowal.

Am 1:6

Kere' nubij ri Jehová pa kiwi' ri aj-Filistea: Ri kimak kan xik'o yan chik ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije', kan konojel winaqi' xekik'uaj-el pa ximonri'il. Kan konojel k'a xebekik'ayij chike ri aj-Edom.

Wuj Richin ri Abdías 1:11

Chupan ri q'ij toq ri Jerusalem xch'akatej koma ri e etzelanel kichin, rix xa man xe'ito' ta, ri winaqi' ri' xkik'uaj-el ronojel ri k'o kik'in ri aj-Jerusalem. Toq xbanatej ch'akonik pa ruwi' ri Jerusalem, rix chuqa' xa kan xiben achi'el xkiben rije'.

Wuj Richin ri Zacarías 9:1

Ri Jehová xuya' jun rutzijol, y jare' k'a: Xkiyakatej k'a chikij ri tinamit Hadrac y Damasco. Konojel winaqi' richin ri ruwach'ulew kan e nutzuliben-pe yin Jehová, chuqa' konojel tzobaj ri e richin ri Israel.

San Mateo 11:21

Kan toq'ex k'a iwech rix aj-Corazín; kan toq'ex k'a iwech rix ri aj-Betsaida, roma xa ja ta ri pa taq tinamit Tiro y Sidón xebanatej-wi ri meyel taq banobel ri', ri winaqi' aj chiri' kan xtzolej yan ta pe kik'u'x y kikusalon ta chik kitziaq richin bis, y kiyalon ta chik chaj chikij, richin nikik'ut ri bis.

San Mateo 11:22

Roma ri' ninbij chi toq xtapon ri q'ij richin nibanatej ri q'atoj-tzij, ri ruk'ayewal ri xtapon pan iwi' rix kan xtik'o k'a ruwi' ke chuwech ri xtiqaqa pa kiwi' ri aj-Tiro y ri aj-Sidón.

San Lucas 10:13

¡Toq'ex iwech rix aj-Corazín y rix aj-Betsaida! Roma xa ta ja ri pa taq tinamit Tiro y Sidón xeban-wi re meyel banobel ri xeban iwik'in rix, ri winaqi' aj chiri' xtzolej yan ta pe kik'u'x rik'in ri Dios. Kikusalon ta chik kitziaq richin bis, y kiyalon ta chik chaj chikij, retal chi yebison roma janila ri kimak ri e kibanalon.

San Lucas 10:14

Jak'a chupan ri q'ij toq xtibanatej ri q'atoj-tzij, ja rix ri ixk'o pa Corazín y pa Betsaida ri más ruk'ayewal xtiqaqa pan iwi', ke chikiwech ri aj-Tiro y ri aj-Sidón.