Am 1:6 - Kaqchiquel Bible

⁶ Kere' nubij ri Jehová pa kiwi' ri aj-Filistea: Ri kimak kan xik'o yan chik ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije', kan konojel winaqi' xekik'uaj-el pa ximonri'il. Kan konojel k'a xebekik'ayij chike ri aj-Edom.

Am 1:6 ပူးပေါင်းရင်းမြစ်များ

Am 1:11

Kere' nubij ri Jehová pa kiwi' ri aj-Edom: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' xekitzeqelibej ri kiwinaq israelita richin xekikamisaj. Y kan man xkijoyowaj ta kiwech. Ri ch'upun-k'u'x ri xk'oje' kik'in kan janila nim. Kan man xkiq'et ta ruwi' ri koyowal.

2 Crón 28:18

Keri' chuqa' ri aj-Filistea xe'ok chupan ri tinamit ri e richin Judá ri ek'o chuwa taq juyu' y ri ek'o pa xokon chire ri Judá. Xekich'ek k'a ri tinamit Bet-semes, ri Aialón, ri Guederot, y chuqa' ri Socó, ri Timná y ri Guimzó, kachibilan ri kokoj taq kitinamit. Y ri aj-filistea kan xebek'oje' k'a chiri'.

Wuj Richin ri Abdías 1:11

Chupan ri q'ij toq ri Jerusalem xch'akatej koma ri e etzelanel kichin, rix xa man xe'ito' ta, ri winaqi' ri' xkik'uaj-el ronojel ri k'o kik'in ri aj-Jerusalem. Toq xbanatej ch'akonik pa ruwi' ri Jerusalem, rix chuqa' xa kan xiben achi'el xkiben rije'.

Am 1:9

Kere' nubij ri Jehová pa kiwi' ri aj-Tiro: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije', kan konojel ri winaqi' xekik'uaj-el pa ximonri'il. Kan konojel k'a xebekik'ayij chike ri aj-Edom, stape' junan kiwech kik'in ri israelita.

1 Sam 6:17

Ri wo'o' wachibel ri e banon rik'in q'anapueq xkiteq-pe ri aj-Filistea chire ri Jehová richin kuyubel kimak ri wo'o' tinamit: ri Asdod, ri Gaza, ri Ascalón, ri Gat y ri Ecrón.

Joel 3:6

Kan xe'ik'ayij-el nej ri nuwinaq aj-Judá y ri aj-Jerusalem; kan xe'ik'ayij-el chike ri aj-Grecia richin xe'iwelesaj-el chupan ri kiruwach'ulew.

Ez 35:5

Xa kan jantape' ik'ulula'an-pe ri nutinamit Israel y rix xiya' q'ij chi rije' xech'akatej toq nikik'ul ri rutojbalil ri kimak.

Wuj Richin ri Zacarías 9:5

Toq xtikitz'et k'a re' ri winaqi' aj-Ascalón, kan janila xtikixibij-ki'. Ri winaqi' aj-Gaza janila xtikik'en rukiy. Ri oyobenri'il ri k'o kik'in ri aj-Ecrón xa xtik'is. Xtiken k'a ri rey richin ri tinamit Gaza, y ri tinamit Ascalón kan xtitole' kan.

Am 1:3

Kere' nubij ri Jehová pa kiwi' ri aj-Damasco: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan ik'owineq chik k'a ruwi' ri tijoj-poqonal ri xkiben chike ri aj-Galaad, roma xkiben chike achi'el xa ta nich'ay ri trigo rik'in q'eqapueq.

Wuj Richin ri Jeremías 47:1

Jare' ri rutzijol ri xuya' ri Jehová chuwe pa kiwi' ri aj-Filistea, toq ri aj-Egipto man jani tikichop chi oyowal ri tinamit Gaza.

Hechos 8:26

K'o k'a jun q'ij jun ángel richin ri Dios xch'on rik'in ri Felipe, y xubij k'a chire: Tachojmirisaj k'a el awi', roma k'o chi yabe chupan ri jun bey ri nel-el wawe' pa Jerusalem, ri niq'ax pa tz'iran ruwach'ulew y nibe-qa pa xulan, k'a pa tinamit Gaza, xcha'.

Joel 3:4

Wakami rix ri aj-Tiro, ri aj-Sidón y chijun ruwach'ulew Filistea, ¿achike k'a niwajo' chuwe yin? ¿Niwajo' niben ruk'exel chuwe yin? Wi niwajo' niben ruk'exel chuwe yin, yin chuqa' xtinya' ruk'exel pan iwi' rix.

Am 1:7

Roma ri' xtinya' ruq'aq'al ri tz'aq ri sutiyon-rij ri tinamit Gaza, y ri q'aq' ri' chuqa' xtuk'is ri jay richin tobel richin ri rey.