Am 1:3 - Kaqchiquel Bible

³ Kere' nubij ri Jehová pa kiwi' ri aj-Damasco: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan ik'owineq chik k'a ruwi' ri tijoj-poqonal ri xkiben chike ri aj-Galaad, roma xkiben chike achi'el xa ta nich'ay ri trigo rik'in q'eqapueq.

Am 1:3 ပူးပေါင်းရင်းမြစ်များ

Am 2:6

Kere' nubij ri Jehová pa kiwi' ri aj-Israel: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan xekik'ayij ri winaqi' ri xa maneq kimak. Xekijel ri winaqi' ri man jun k'o kik'in rik'in juk'ulaj xajab.

Am 1:9

Kere' nubij ri Jehová pa kiwi' ri aj-Tiro: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije', kan konojel ri winaqi' xekik'uaj-el pa ximonri'il. Kan konojel k'a xebekik'ayij chike ri aj-Edom, stape' junan kiwech kik'in ri israelita.

Wuj Richin ri Isaías 8:4

Roma toq ri ak'ual xtitikir xtubij táta, nána, jari' toq ri aj-Damasco y ri aj-Samaria xtelesex-el ronojel kibeyomel y xke'uk'uex-el rik'in ri rey richin Asiria.

2 Rey 8:12

Y ri Hazael xubij chire: ¿Achike roma yatoq' wajaw?, xcha' chire. Y ri Eliseo xubij: Roma wetaman chi rat kan k'iy itzel ri xtabebana' chike ri nuwinaq israelita; y ri tz'aq xtabeya' ruq'aq'al, y xke'akamisaj ri alaboni' rik'in espada. Kan xke'abojla' ri taq ak'uala' chuwech abej, y kan xtachobila' kipan ri ixoqi' ri e yawa'i' chik, xcha'.

Am 2:4

Kere' nubij ri Jehová pa kiwi' ri aj-Judá: Ri kimak kan xik'o yan chik ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan xkixowaj ri nutijonik. Kan man xkitaqej ta ri pixa' ri xinya' chike. Xa xbe kik'u'x chikij ch'aqa' chik dios; Xekisamajij ri dios kichin ri kite-kitata'.

Am 2:1

Kere' nubij ri Jehová pa kiwi' ri aj-Moab: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan xkiporoj ri rubaqil ri rey richin Edom. Kan xkiben chi xok chaj ri rubaqil.

Am 1:13

Kere' nubij ri Jehová pa kiwi' ri aj-Amón: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' xkiqupij kipan ri ixoqi' ri koyoben alanik ri chiri' pa ruwach'ulew Galaad. Ronojel re' xkiben xaxe richin chi ninimer ri kulew.

Am 1:6

Kere' nubij ri Jehová pa kiwi' ri aj-Filistea: Ri kimak kan xik'o yan chik ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije', kan konojel winaqi' xekik'uaj-el pa ximonri'il. Kan konojel k'a xebekik'ayij chike ri aj-Edom.

Wuj Richin ri Zacarías 9:1

Ri Jehová xuya' jun rutzijol, y jare' k'a: Xkiyakatej k'a chikij ri tinamit Hadrac y Damasco. Konojel winaqi' richin ri ruwach'ulew kan e nutzuliben-pe yin Jehová, chuqa' konojel tzobaj ri e richin ri Israel.

Am 1:11

Kere' nubij ri Jehová pa kiwi' ri aj-Edom: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' xekitzeqelibej ri kiwinaq israelita richin xekikamisaj. Y kan man xkijoyowaj ta kiwech. Ri ch'upun-k'u'x ri xk'oje' kik'in kan janila nim. Kan man xkiq'et ta ruwi' ri koyowal.

Wuj Richin ri Isaías 41:15

Kan xtinben chi xtik'oje' iwuchuq'a', achi'el jun tz'alem ch'ayibel trigo ri ya'on clavo chirij. Kan xke'ik'is ri e etzelanel iwichin, achi'el xa ta niq'ax re jun ch'ayibel trigo re' pa ruwi' ri juyu'. Y rix kan xtiben poqolaj chike, achi'el toq nuk'uaj kaq'iq' ri solot.

Wuj Richin ri Isaías 7:8

Roma ri ruk'u'x ri ruwach'ulew Siria ja ri tinamit Damasco, y ri rey richin ri Damasco xa ja ri Resín. Y toq xtitz'aqet oxk'al wo'o' juna', ri tinamit Israel kan xtik'is.

Wuj Richin ri Molojri'il 11:2

Ri k'o awik'in kan junan k'a takusaj kik'in konojel ri winaqi', stape' kan man awetaman ta ri achike ri nuk'en-pe chawe ri chua'q ri kabij.

Wuj Richin Etamabel-Tzij 6:16

Ri Jehová kan yeretzelaj k'a waqi' banobel richin ri wineq ri ruyon itzel k'o pa ruk'aslen, y toq kan napon-q'anej k'a pa wuqu', kan más nretzelaj y nuya' q'axo'n chire ri ránima.

Wuj Richin ri Achin Job 19:3

Janila mul yan iqasan nuq'ij, y kan man yixk'ix ta juba', xa kan nik'o ruwi' ri niben chuwe.

Wuj Richin ri Achin Job 5:19

Ronojel mul xkarukol chuwech ri ruk'ayewal, y man xtuya' ta q'ij chi ri etzelal xtapon awik'in.

2 Rey 13:7

Y kan man e k'iy ta chik aj-labal ri xek'oje' kan rik'in ri Joacaz, xaxe chik k'a e kawineq lajuj achi'a' ri yech'oke' chirij kiej, e lajuj carruaje y 10,000 aj-labal ri nikiben oyowal chikaqen, ri xekanej kan rik'in; roma ri rey richin Siria kan xeruk'is k'a konojel, kan xuben chike achi'el ri poqolaj.

2 Rey 13:3

Y ri Jehová kan xyakatej janila royowal pa ruwi' ri tinamit Israel, y k'iy juba' juna' xerujech pa ruq'a' ri Hazael rey richin Siria, y pa ruq'a' ri Ben-hadad ri ruk'ajol.

1 Rey 19:17

Kere' k'a xtibanatej kik'in ri winaqi' ri xkiya' kiq'ij ri Baal: Ri Hazael xkeruteq pa kamik chi espada; y janipe' ri xke'animej, k'a pa ruq'a' ri Jehú xketzaq-wi; y wi k'o ta jun ri xtikolotej kan pa ruq'a' ri Jehú, xtiqaqa pa ruq'a' ri Eliseo.

2 Rey 16:9

Y rija' kan xrak'axaj k'a ri xbix chire, y kan xyakatej k'a chirij ri tinamit Damasco. Kan xuch'ek y kan xeruk'uaj k'a el ri winaqi' pa tinamit Quir. Chuqa' xukamisaj k'a kan ri Resín.

Wuj Richin ri Isaías 28:27

Ri eneldo man nich'ay ta rik'in jun che' nim rupan, ni ta ri comino man nike'ex ta rik'in jun carreta. Pa ruk'exel ri', ri eneldo xa rik'in jun che' nibuj-wi, y ri comino nibuj rik'in jun xik'a'y.

Wuj Richin ri Zacarías 9:2

Xkiyakatej chikij ri aj-Hamat, roma ek'o chikinaqaj ri Hadrac y ri Damasco, y chuqa' chikij ri aj-Tiro y aj-Sidón, stape' kan janila na'oj k'o kik'in.