Am 1:14 - Kaqchiquel Bible

¹⁴ Roma ri' xtinya' ruq'aq'al ri tz'aq richin ri tinamit Rabá y ri q'aq' ri' xtuk'is ri jay richin tobel richin ri rey. Ri e etzelanel kichin kan xkepe k'a rik'in raqoj-chi'ij richin oyowal. Rik'in uchuq'a' xkepe chikij achi'el nuben ri surkum.

Am 1:14 ပူးပေါင်းရင်းမြစ်များ

Am 2:2

Roma ri' xtinya' ruq'aq'al ri ruwach'ulew Moab y ri q'aq' ri' xtuk'is ri jay richin tobel ri k'o pa tinamit Quiriot. Ri e etzelanel kichin kan xkepe k'a chikij rik'in raqoj-chi'ij. Toq xtixupux ri trompeta jari' toq konojel aj-Moab xkeken.

Wuj Richin ri Jeremías 49:2

Wakami k'a yin Jehová ninbij chi xtapon k'a jun q'ij toq xtinben chi xtak'axatej raqoj-chi'ij richin labal iwichin rix ri chiri' pan itinamit Rabá. Ri chiri' kan xkewulex k'a ri tinamit ri' y kan xkeporox. K'ari' ri nuwinaq israelita xtikelesaj chik kan jun bey ri xelesex kan chike rije'. Ja yin Jehová ri yibin.

Deut 3:11

Kan xaxe chik k'a ri rey Og ri k'o kan chike ri e refaíta. Ri raqen ri ruch'at*f1* ka'i' jaj rik'in ka'i' q'a'aj y ri ruwech jun jaj rik'in jun q'a'aj, y re' kan rik'in ch'ich' banon-wi. Y ri ch'at ri' k'o k'a pa kitinamit ri amonita kela' pa Rabá k'a re wakami.

Wuj Richin ri Isaías 30:30

Chupan ri q'ij ri', ri Jehová kan xtuben richin nak'axatej ri ruch'abel chi kan k'o runimirinen. Kan xtitz'etetej chi xtuyek ri ruq'a' chikaj richin nuya-pe ri ruk'ayewal. Ri nimalej royowal kan achi'el jun q'aq' ri kan yaruk'is. Chuqa' xtuya-pe koqolajay, nimalej kaq'iq', job y saqboch.

2 Sam 12:26

Rokik xbanatej ronojel re', ri Joab ruchapon k'a oyowal rik'in ri tinamit Rabá kichin ri amonita. Y xuchop yan k'a ri chajibel richin ri yakbel-ya'. Y xuteq rutzijol rik'in ri David pa ruwi' ronojel re'.

Wuj Richin ri Zacarías 7:14

Roma ri' xixintaluj k'a el achi'el nuben ri surkum toq nuk'uaj-el ronojel. Y keri' xixtalutej-el pa taq ruwach'ulew ri man jun bey iwetaman. Y kan xtole' k'a kan ri iruwach'ulew. Man jun chik xk'oje' kan chiri', y stape' rubanon kan janila jebel ok, jak'a re wakami xa kan xok kan tz'iran, xcha'.

Dn 11:40

Jak'a toq xtitz'aqet ri q'ij ri q'aton-pe pa ruwi' ri rey richin Siria, ri rey richin Egipto kan xtibeyakatej chik k'a pe chirij. Jak'a rija' xa kan xtel k'a pe chirij ri rey richin Egipto, y kan xtuben k'a achi'el nuben jun nimalej kaq'iq'-job. Xtel k'a pe rik'in janila chi carruaje, aj-labal ri yech'oke' chirij kiej y chuqa' rik'in janila chi barco. Xtok k'a chupan ri ruwach'ulew Egipto y keri' pa taq ch'aqa' chik ruwach'ulew, achi'el nuben jun raqen-ya' toq nril chik el jun rubey.

Ez 25:5

Xtinben k'a chire ri itinamit Rabá chi xtok jun kisoq'olbal camello y ri ch'aqa' chik iwulew kan xtinben k'a chire richin chiri' xkeyuq'ux ri karne'l. Y toq xtik'uluwachitej re', k'ari' xtiketamaj chi ja yin Jehová ri ink'o pa ruwi' ronojel.

Wuj Richin ri Isaías 9:5

Ronojel k'a ri kixajab ri e etzelanel qichin xkek'aq pa q'aq', chuqa' kan keri' xtiban rik'in ri kitziaq ri k'isineq chupan ri kik'.

Wuj Richin ri Achin Job 39:25

Y toq nixupux ri uk'a' ri', rija' kan nuxupuj k'a pa rutza'n; y kan k'a nej ek'o-wi ri achi'a' ri achoq ik'in nibekibana-wi oyowal, rija' kan jari' nuna' yan. Rija' kan niq'ax k'a chuwech ri ch'abel ri nibix chike ri achi'a' banoy oyowal.

2 Sam 11:1

Xbanatej k'a chi chupan ri ruq'ijul ri saq'ij, toq ri rey ye'el-el richin yebe pan oyowal, jari' toq ri David xuteq-el ri Joab, konojel ri aj-labal y ri e aj-raqen pa kiwi'. Richin xekik'is konojel ri amonita, y xkisutij-rij ri tinamit Rabá. Jak'a ri David man xbe ta kik'in, xa xk'oje' kan pa Jerusalem.

1 Crón 20:1

Xbanatej k'a chi pa nabey ik' chire ri juna', toq ri e rey yebe pa taq labal. Jari' toq ri Joab xeruk'uaj-el ri aj-labal pa kiruwach'ulew amonita y kan xekik'is. Xkisutij k'a rij ri tinamit Rabá y xkich'ek chuqa'. Jak'a ri David xa k'o kan pa Jerusalem.

Wuj Richin ri Isaías 29:6

Yin Jehová k'iytisanel richin ronojel kan xkipe rik'in koqolajay, silonel, nimalej kaq'iq', q'eqel-job y q'aq' richin xkenk'is ri e etzelanel iwichin.

Wuj Richin ri Jeremías 23:19

Ri woyowal ri xtiqaqa achi'el jun nimalej kaq'iq' job y ri e banoy etzelal kan xke'uk'uex-el achi'el nuben jun nimalej surkum.

Ez 21:20

Y jun chike re bey re' napon pa tinamit Rabá ri k'o pa ruwach'ulew Amón. Y ri jun chik napon pa Jerusalem chupan ri ruwach'ulew Judá.

Ez 21:22

Y toq xtrelesaj ri ch'ab, kan k'o-pe ri retal chirij richin ja ri Jerusalem niberuchapa' chi oyowal. Y toq xtapon chiri', xtubij chi tikichojmirisaj ri che' richin nikitzeq ruchi' ri tinamit. Xkeruteq richin nibekibana' kamik y xtureq k'a ruchi' richin nichap ri labal. Chuqa' xtubij chi tiq'ijux ri ruchi' ri tinamit, tikibana' jun raq'arik bey chirij ri tz'aq richin xke'ok chupan y tikibana-q'anej ri tz'aq ri banon rik'in ulew richin nikewaj-ki'.

Ez 25:7

Roma ri' kan xkiyakatej k'a chiwij y xkixinjech k'a el pa kiq'a' ch'aqa' chik winaqi' richin chi nikelesaj kan chiwe ronojel ri k'o iwik'in. Kan xtinben k'a chiwe chi xkixk'is jumul richin man xtipaba' ta chik q'anej ri iruwach'ulew. Y ri ka'i-oxi' chik ri xkek'oje' kan, xtiketamaj chi ja yin Jehová ri ink'o pa ruwi' ronojel, xcha'.

2 Sam 12:31

Y ri winaqi' ri man xeken ta, xeruya' pa samaj. Xesamej k'a rik'in qupibel-che' y rik'in ikej, y chuqa' xkisamajij ri ulew. Chuqa' xuben chike chi xkiben xan. Y kan keri' k'a xuben chike ri ch'aqa' chik kitinamit ri amonita. Chirij re' ri David y konojel ri aj-labal xetzolin pa kitinamit Jerusalem.

Ez 21:25

Chuqa' tabij chire ri rey richin Judá chi rija' jun banoy etzelal y kan man nuya' ta nuq'ij y chi kan ninaqajub yan k'a ri ramaj richin xtuk'ul ri rutojbalil rumak.